دردشة بنات فلسطين, دردشة حوامل فلسطين, تجمع بنات فلسطين

بينك روز · 07-31-2012, 11:13 AM

اه معلش حبيبتي والله انسيت اعقب على كلامك
بس لاني بالمكتب وبحاول اشتغل واكون معكم بنفس الوقت
ماشاء الله عليها هويده الله يحفظها الك يارب وتشوفيها عرووسه
بالنسبة لعمك سيبك من كلامه
المهم انتي وزوجك بخير
بس هوا ليش هيك استغلالي بستغل زوجك ومابعطيه حقه
الرسول وصى على العامل يعني اعطه العامل حقه قبل ان يجف عرقه
مابعرف شو بدي اقولك بعين الله حبيبتي
انا بيت حماي مناح وبنفس الوقت استغلاليين كتير
يعني كل مايشوفوا زوجي بطلبوا منه فلوس
وهات يافادي وجيب يافادي
تقولي مافي غير فادي بالبيت
مابعرف هاد الشي بدايقني كتير
لانه عندهم ابنهم التاني متزوج
وعندهم شب تالت عزابي مابطلبوا منهم شي
بحكي يمكن لانه هوا الكبير وهوا الي تحمل مسئولية اهلوا من هما صغار
مع انه ابوهم بشتغل في مكتب تكسيات وبياخد راتب تقاعد من اسسرائيل لانه كان عامل هناك
انا عارفه بضلوا اهلو برضوا
بس كل شي اله حدود خصوصا انه نحنا ساكنين بالاجار وفي مشروع ولادة بالطريق وبنوته بدها مصاريف
انا عارفة حبيبتي كل واحد عنده همه الي يكفيه
بعين الله

أم عزمي · 07-31-2012, 11:20 AM

حبيبتي بعين الله شو هذا بجد استغلاليين الله لا يشبعهم طيب قبضة اسرائيييييييل لحالها بتكفي عيلة كاملة مش أسرة الله أكبر بس هو دايما الكبير بياكل خوازيق مهو جوزي هو الكبير كمااااااااااان و الداهية ملوش ام تدافع عنه أو أحكيلها و أشكيلها الله اكبر الناس بطلت تشبع ما علينا انسيكي من هالقصص التافهة بتعرفي صوت عمي بيشتغل بالمنجرة بس حلفت ما انا مصحية يوسف عشان ما يفكر انه كلامه بيهزني بس عشان الحرام والحلال ولانه طبعي مش هيك ولا تربايتي هيك رحت عند يوسف سألته تقوم تشتغل صوت عمي بالمنجرة غمزني بعينه وهو نايم يعني معناتها طنشي مهو أصلا امبارح لحد السحور و هما بيشتغلو كمان غير شغل الصبح انسي هو كاين حمار شغل طززززززززز

بينك روز · 07-31-2012, 11:26 AM

ههههههههههههههه
بعين الله حبيبتي
بعدين قبضة اسرائيل مو البالك فيها كلها 700 شيقل
بس هوا بيشتغل بمكتب تكسيات على المكتب قاعد اكيد بطلعوا شي
يا ستي انسي

أم عزمي · 07-31-2012, 11:27 AM

ههههههههههه ما علينا المهم انتي كيفك اليوم و كيف الحمل و تعبوووووووووو؟؟؟؟؟؟؟؟؟

Heba T · 07-31-2012, 11:30 AM

صبااااحوووووووووو

بينك روز · 07-31-2012, 11:31 AM

انا منيحه الحمد لله
بس امبارح رجلي الشمال من فوق لتحت كانت تجعني كتير وتحرقني
زوجي بقولي هاد اسمه تزرير
اول مره اجربه الصراحة التزرير
ههههههههههههههه

بينك روز · 07-31-2012, 11:32 AM

هلا هبة صباح النوور
شايفة عازينكم اليوم بالكهربا
شو القصة
مابدي احسدكم طبعا

أم عزمي · 07-31-2012, 11:37 AM

صح كلام زوجك بينك روز أنا كنت أزرر بآخر فترة بالحمل من التقل
هبة هلا صباح النووووور

بينك روز · 07-31-2012, 11:40 AM

اها
والله كتير بتجعني
هبة بطل نونه وبترجع تختفي
ام عزمي انتي وين ساكنة بخانيونس في اي منطقة

Heba T · 07-31-2012, 11:46 AM

بينك

لا اليوم حقيتها تيجي الصبح

ام عزمي

هلا منورة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM