تجمع حوامل سوريا-دردشة ورود سوريا-دردشة الغاليات

[رنووومة]

الله بيعين يا رب و الله يحمينا هالبلد والله كل يوم منحس هالشي عم يخوف اكثر وخصوصي ما بصدق استنى لترجع بنتي من مدرستها الله يسترها معنا يا رب

[silla]

جووووووووووري :

تبولة حبيبتي بليييييييييييز بدي طريقتك بالشاكرية
وهون بسعودية شو اللبن اللي بتستخدميه والله ما بئيم ايدي منو وانا عم حركو ما بيفرط معي بس أد ماكان
ما بيطلع متل يلي بسوريا اففففف
بس ببدي طريقتك معليش لو بدي عذبك
من اول ما بتسلقي اللحمة لحتى تحطيها باللبن واديش بتضيفي مي

[hadeel al rouh]

الله يعينكون رنومة فعلا قطع الكهربا بنرفز
الله يحمي بنتك من كل شر ويحمي جميع البنات

[hadeel al rouh]

مقادير المكسيكانو الكون وللغالية جوري
صدور دجاج عدد 2 او 3 مسلوقة مقطعة هاي بتكفيكي انتي وزوجك
3 حبة جزر مقطع مسلوق
1 حبة فليفلة خضراء مقطع
1حبة فليلفلة حمراء مقطع
1 حبة بصل مقطع شرائح
1علبة درة
فطر مقطع
مايونيز
خردل
كتشب
شطة
زيت اونة
بهارات كاري او بهارات المكسيكانو بتلاقيها بالمولات
زنجبيل
ملح
بتشوحي البصل بالزيت وبس يصفر بضيفي الفليفلة والجزر والفطر بتخليهون خمس دقايق على نار هادية اذا حسيتيهون نشفوا ضيفي شوية مي من سلق الدجاج بعدا بتضيفي الدرة مع البهارت والملح حسب الرغبة
اخر شي بتضيفي قطع الدجاج انا بحمرون عالشواية بس اذا مستعجلة فيكي ماتشويهون بعد السلق وتحطيهون مع باقي المقادير
عزيزتي هاي الوصفة الها خيارين اما تطبخي جنبها رز او تعمليهون سندويش سمون
انا بساويهون سندويش كتير بحبو هيك
سمون طويل او مدور تبع الهمبرغر التنين بيطلعوا طيبين او حتى ممكن بالخبز
بتحطي طبقة مايونيز ممزوجة مع الخردل ..ماتكتري خردل لانو طعمو بيلسع
بتحطي خس مقطع
وبعدا المكسيكانو وفوقون بتحطي الكتشب واذا بتحبيها تصير حدة بتضيفي الشطة وبعدها بتسخني السندويش بالشواية تبع السندويش
بس قبل ماتحشي السمون حاولي تفرغي شوي منو عشان ميطلع المكسيكانو وباقي المكونات لبرا السمون
ومية صحة وهنا وعافية حبيبتي بس تجربيها وتعجبك ادعيلي

[silla]

بتعرفي هدولة انا ما بسلق الجاج فيها ...
بتطبخو طبخ مع هالمكونات وبحطلن مكعب ماجي وشوي مي ليستوو
يعني بشوح البصل مع مكعبات الصدور وبضفلهم معلقتين صويا صوص
بس تنزل مية الجاج ويبيض بضيف المكونات التانية
ومزبوط انا بعمل جنبها رز وبترك مرقة معها ..

بس طريقتك للسندويش حصرا .... رح جربهاااااا بتخيل انها بتجنن يميييييييييييي احلى شيف والله
جاري سرق الوصفة .... بس بمون مو ومسااامحة ماهيك؟؟

ياامي المشكلة هلئ فجر بس بربي استهيييييييتها كتير وانتي عم تقولي خس وما خس داب قلبي عليه ههههههههههه

[silla]

لك كل سنة وانتي ساااااااااااااالمة احلى رنومة ...
وهابي برررررث دي تو يووووووووو جكارة بجوزك ههههههه
معليش ياقلبي طولي بالك والله حاسة فيكي وبشعورك بس شو بدنا نعمل الرجال احساسن قليل ونحنا احاسيسنا مرهفة دايما
وهرموناتك هلئ خلقة طالعة نازلة والحامل بزيادة بتحب الحنية وبتحتاج اهتمام اكتر الله يصبرنا ويكون معنا روحي والله بكفي اهلك جنبك وهنن بقولولك ياها وطنشيييييييييييييي انو جوزك ماقالها
والله يخليلك هالامورات يارب وتفرحي فيهن ..

[سرووءة]

كيفكم بنات
مبروك الستايل الجديد
مبارح رحت عالدكتورة والحمددلله طمنتني ان البنت ضارت تحت
يعني راسها صار تحت
سيلا بالنسبة للبن تبع الشاكرية
انا بستخدم لبن شرب اكتيفيا
بجيب باضون كبير وبخلي برا البراد كم يوم لحتى يحمض
ويصير حامض متل تبع سوريا
لان هون اللبن عندن حلو
وكتير طيب بالطبخ ومريح
جربي ويمكن يعجبك

[أم عائشة]

صباحوووووووووو بنات شوااخباركم. والله كروشات نفسيتي من هالاخبار زززززززززززفت والله عم ادعي عليه بكل صلاة شبابنا راحت وموغايظني غير هدول اللي عم ليجتمعوا بالسبع بحرات يعني لهالدرجة الناس مات إحساسها يعني ماعم بيشوفوا القتل بحمص وحماة وادلب وريف دمشق وغيرها اوووووف مانقول الا الله اكبر على كل ظالم والله يفجعو باولادو كل من يتم أطفال سوريا يارب

[أم عائشة]

رنوووووومة ولاتحطين يخاطرك حبيبتي الرجال كلهم هيك وكل عام وانتي للرحمن اقرب والله يخليلك هالاميرات يارب وتشوفي أخوهم واهو بالف صحة وعافية يارب

[أم عائشة]

زهرة الحب وينهي??????????????????