مع لمسة دفا دردشات الامل للمتاخرات عن الحمل

[secret]

صباح الخير صديقاتي:
دمعة شقى اسمج حزين شوية..
تفائلي خير بالله يا اختي وانتظري ان الله مع الصابرين اصبري يا حبيبتي
كله باجره تأكدي ان ربنا ما يضيع اجرنا ان شاء الله
وربي يرزقج الحمل هذي المرة باذن الله

عاشقه عيونه:
مرحبا بج حبيبتي ونتمنى مشاركاتج الكثيرة معنا..
بس شو العلاج الي اخذتيه خلال هال8 سنوات ..
هل تعالجتي وما فاد والا كيف؟!!

في صمتي كلام:
حبيبتي والله المهم سويتي الاشعة والحمد لله ارتحتي
الالم الي حسيتي فيه لج اجر فيه ان شاء الله

[دمعة شقا]

المشاركة الأصلية كتبت بواسطة secret

صباح الخير صديقاتي:
دمعة شقى اسمج حزين شوية..
تفائلي خير بالله يا اختي وانتظري ان الله مع الصابرين اصبري يا حبيبتي
كله باجره تأكدي ان ربنا ما يضيع اجرنا ان شاء الله
وربي يرزقج الحمل هذي المرة باذن الله

صباااح النور والسرور..حيااااتي اسمي عشقته ماقدرت اغيره ..
ياااارب ارزقنا الصبر وان شاء الله ربي يكرمنا جميعاااا...
في صمتي كلام..الله يرزقك الحمل يااااارب..وان شاء راح يخف الم ..الجماع سمعت بعد العمليه بااسبوع..
وسناء ياالغلا.. الجهاز حق التبويض كثير استخدمه ويمدحونه بس عني انا مااستخدمته افضل ازور دكتوره احلى وادق لتبويض..

[وسناء]

صباحكم خير وسعادة يااارب كيفكم جميعاً وان شاءالله الشهر الجاي كلنا حوامل ياارب
secretتوقيعك مرة مرة تجنن الصورة البنوتة ربي يرزقني وياج بنات ياارب
دمعةشقا الف شكر لج ع الرد انا الشهر الي طاف كنت اروح حق الفحص للأشعة كذا مرة بحكم ان الدورة ماكانت منتظمة فدكتورة تسوي لي اشعه ودوووم تطلع ضعيفة فقلت هالشهر بدل مااعيد الموال اسويه بالبيت بس اذا تقولين ان الدكتورة ادق خلاص نرجع عليها هالشهر والله كريم

[توحة]

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..

هاذا الشيء ماعمري اخذتهوشهو ؟؟

وياقلبي ان شاء الله شفيعه لك ياارب ويعوضك ربي بالحمل لثابت والذريه الصالحه وربي دمعت عيوني الله يرزقك ياكريم

[secret]

المشاركة الأصلية كتبت بواسطة توحة

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..

هاذا الشيء ماعمري اخذتهوشهو ؟؟

وياقلبي ان شاء الله شفيعه لك ياارب ويعوضك ربي بالحمل لثابت والذريه الصالحه وربي دمعت عيوني الله يرزقك ياكريم

اللهم آمين
شفتي وانتي توج متعرفه علي دمعت عينج
انا صاحبة المصيبة والالم بقلبي يعتصر..كل لحظة
واهلي والي يعرفوني والي ما يعرفوني امتلآ بيتي بالمعزين ، من كثر الكل تألم لما فقدتها الكل بكى ..زوجي لليوم وبكره وبعده يناظر في صورها ويبكي ،يقول عمري ما بنسى بنتي وبنتلاقى معاها بالجنة باذن الله
ربي نطقه بلحظة وفاتها سجد لله شكر ويلس يدعي يقول اللهم اجرني في مصيبتي واخلف لي خيرا منها وهو يبكي

الله يخلي شيوخنا يارب كانو مرسلين لنا طيارة خاصة تشيلها بس ما قدرنا ننقلها لآن الاكسجين صار قليل وبالجو بيصير ضغط..

اتعرفين انها طول الوقت كانت على ريلي نايمة وانا الي ماسكة الاكسجين واقري عليها ولحظة ماقالو اخر امل التنفس الصناعي، رحت توضيت بصلي، ما كملت الصلاة سمعت زوجي يبكي باعلى صوته يقول يارب ان كان لها نفس واحد بالدنيا خلها لنا وان كنت بتاخذها فالحمد لله..طلعت من غرفة الصلاة مثل المجنونة اقوله شو صار توني تركتها..زوجي حس خلاص انها بتفارق الحياة بس ما حد يبي يخبرني لآني امها وانا ما بتحمل

اول ما ادخلو انبوب التنفس الصناعي ما تحملت لأنها طفلة ونزفت دم وحاولو فيها قدر المستطاع وفارقت الحياة لما اشر علي الدكتور بايده انها ماتت
حسيت ان قلبي طلع من صدري وقعدت اصرخ بطول المستشفى بنتي ماتت واهلي ماسكيني يصرخون يشوفون هالطفلة البريئة والجمال متمددة على السرير حورية جنة باذن الله
وانا انهرت قعدت اصرخ بالمستشفى ما حسيت بنفسي والا انا على الارض..

احنا عايشين وما نعرف شو بيصير لنا في الايام القادمة
علشان جذه نكون مستعدين لآي شي ونكثف اعمالنا الصاالحة للوصول للجنة

اطولت عليج: بالنسبة للفوليك اسيد الحبوب الي تشربها الحامل من تعرف انها حامل..
ضروري نشربه أستعدادا للحمل..
ممتاز يقوي الرحم يحفظ الجنين من السقوط من بعد الله سبحانه وتعالى..كل دكتورة تنصح فيه

[هدوء انثى]

اه يا secret
فجعتيني ووجعتي قلبي ربي يعوضك ويعوض صبرك
والله شيء مؤلم..بقوة

[هدوء انثى]

سوسو
منووووووووووووووره واكيد الكل يبي وجودك
ويارب تكوني كروووشه هالشهر يارب انتي والمنتظرات

[سوسو من لبنان]

تسلمي secret حبيبتي انا هلأ بالدورة ودورتي الجاية ب 10\11 انشالله ما بتجي وبتكون هيدي اخر مرة

[سوسو من لبنان]

هدوء حبيبتي تسلمي الله يخليك انشالله امين

[secret]

هدوء انثى:
ربي ما ايجيب لج فجع ان شاء الله
وما عليه هذي الدنيا دوارة يوم لنا ويوم علينا
وصدقيني ربي يحبني لان الله لا يبتلي الا المؤمن
وانا مؤمنة بقضاء ربي ان شاء الله

سوسو حبيبتي:قصدج دورتج الياية تاريخ 10
بس متى نزلت !!