سيدات ليبيا الحبيبات ..تفضلووو

[أم أجنادين 80]

تعرفوا صارلي موقف الصبح
حصتي الاولي اليوم تحكي Art عالرسم والموسيقي
اخترتها وحصلت فيها
المدرسة كييرة شوية في السن
اليوم الصبح حسبت روحي تعبانة
قلت نمشي متاخر علي حصة القواعد
لانها هيا تفتح في فيلم ونتفرجوا عليه وانا نقعد متحملة لين تكمل الحصة مافيش استفادة
المهم مامشيتش
وانا ماشية الحصة الثانية تلاقيت مع التيتشر ومافيش كيف نهرب
قالت اسمي وسلمت عليا
انا علي طول بررت موقفي وقلتلها انا حامل فرحت
وقالت تهانينا وباستني
وقالت انا فاهمة الوضع انه في الصبح يكون الوضع اصعب مش لازم تجي للفصل الساعة 8
وانا بدوا دموعي ينزلوا مش عارفة ليش
قالتلي شن ماتبيش البيبي قلتلها لا بالعكس فرحانة بس نمر بوقت صعب
شدت حضنتني زدت نبكي وقالتلي مش لازم تجي لحصتي نهائيا
بس انا والله مانقدر هذه اول مرة نغيب يابنات
ممكن هدا ليش بكيت
او مش عارفة السبب ليش

[هدية الخالق]

السلام عليكم ورحمة الله وبركاته
كيف حالكم ؟

[هدية الخالق]

فروسة الحمد لله علي سلامتك والف لاباس عليك والله الا فقدناك هلبة مش عادتك تغيبي هالفترة هادي كلها
الحمد لله إنك أحسن توا ان شاء الله دوم يارب
كيف حال فروسة ولولي وشن مدايرين؟

[هدية الخالق]

عقبال رجعة جيجي حتي هيا مغطسة ليها هلبة
ليها وحشة والله ومخلية مكانها ان شاء الله. تكون بخير هيا وعويلتها

[هدية الخالق]

عقبال رجعة جيجي حتي هيا مغطسة ليها هلبة
ليها وحشة والله ومخلية مكانها ان شاء الله. تكون بخير هيا وعويلتها
جنودة كيف حالك وحال زوجك والحمل صحيتي عالسؤال عليا والله الايام هادي عطلة ومدايرينها عالطلوع
واللي تحسي بيها كله طبيعي ربي يهون عليك ان شاء الله هيا الغربة تزيد النص في النفسية اني زمان قضيت فترة حملي بالبكاء بدون سبب هكي لااراديا ان شاء الله حتي انتي فترة وتعدي وتشوفي طفلك اصحيح قدام عيونك واضميه وتنسي كل التعب

[هدية الخالق]

اوشي واثورة ويييينكم مغطسين

[هدية الخالق]

جنودة ماترهقيش روحك هلبة في القراية اهم شي البيبي توااااااا
وطالما حصلتي قبول ماشاء الله وامورك ماشية وقرايتك توا مجرد زيادة فائدة فقط ماتضغطيش علي روحك اكثر من اللازم كله يجي اهم شي صحتك ونفسيك اللي تأثر عالجنين بالدرجة الاولي
عندي مرت خالي ليها ثلاثة سنين متزوجة وهذا وين حملت وتقرأ طب في السنوات الاخيرة توا تدرب عملي يعني المهم والله موقفة حاليا ومرتااااحة في الخوش قالت اهم حاجة جنيني ماخصلته نين عيوني طلعوا الباقي كله ساهل يتكمل بعدين

[sosolibya]

صبااااااااح الخير..

ألف لابأس عليك عزيزتي فروسة شنو لابأس ,,

ربي يشفيك ويعزك ويسعدك عزيزتي..

ومبرووووووك الشوبنق الشوبنق مجنونة هههههه أصلا معك الحق أكيد في حاجات لاتقاوم..

[sosolibya]

جنووووووووووود طبيعي جدا ,, أصلا هرمونات الحمل تأثر في النفسية وتخليك حساااااااااسة أبسط شىء يأثر فيك ..

ومرات تلقي روحك فرحااااااااااانة وجوك حلو..

سبحان الله .

وأكيد موقف التيتشر مأثر فيك لأنك مخلط عليك الوضع وهكي..

يالله إن شاء الله خير,,

[اوشي]

السلام عليكم ورحمة الله وبركاته