دردشة حوامل أهل الكويت - دردشة بنات الكويت - تجمع حوامل الكويت

[أم ياسمين]

السراير مالوت سنتربوينت حلوه ووقت التنزيلات الفرق يكون واضح بالسعر و فيه محل بالسالميه اسمه كاروكا حلو بس وايد غالي كل مكان تلقين بس مالوت سنتربوينت احسن و احلى و له افرع وايد في اي منطقه تلقينه يمج

[أم ياسمين]

اول مره اسمع بهالتحاميل

[حبيبه مشعل]

مرحبا بنات
كل عام وانتو بخير
انا الحين بالسابع ذبحتني الافرازات راجعت عند الدكتور عطاني تحاميل ثلاث ايام اخذتهم ارتحت عليهم خفت وايد والحين هالشهر ردت علي مره ثانيه ومرات يكون لونهم اخضر انتم طول الحمل معاكم الافرازات انا مضايقتني ومو مرتاحه كلش
الدكتور كتبلي تحاميل دكتارين منو جربتهم وخفت

[توأم روحي]

السلام عليكم بنات وتقبل الله طاعتكم و عيدكم مبارك
الحمدلله سويت سونار قبل اسبوع و طمنوني على الحلوين بس قالولي احتمال تو أم أولاد مو مبين الثاني عدل أول مره قالولي بنت و المرة الثانية قالولي احتمال ولد الله يتمم على خير . شلونكم بنات شخباركم على طاري المستشفى الخاص أو الصباح كلما اتذكر ولادة الصباح و المعاناة أقول بولد بالخاص والله مادري انشالله اكمل شهري للتاسع و البيبيات ما يحتاجون حضانه يارب و انشالله اولد طبيعي و ما أحتاج للصباح الصراحة ودي بدار الشفا أو مستشفى السيف . أم ياسمين شلون كانت تجربتج في الصباح؟

[أم ياسمين]

والله انا في ولادتي الاولى ما تعبت الحمدالله بنتي كانت ولادتها سهله بس طبعا تصارخين محد يدري عنج و اللي ولدتني سيستر الدكتور بس يجيك و يقولهم يالله ولاده.
بس الحمدالله ان ولادتي صارت هناك خيره من الله لأن عقب الولاده اكتشفو ان بنتي فيها اشوي عيوب خلقيه بالقلب فعلا طول فتحولها ملف بالصدري و حطوها بالشيشه و تعاملو مع الموقف يعني لو والده بالخاص مادري شنو كان راح يصير و الا جم كنت راح ادفع حق الشيشه او راح يظطرون يحولونها الصباح وبعد الولاده المشيمه ارتفعت عندي حاولو يطلعونها ما طلعت على طول حولوني عمليات شوفي بعد لو هذا صايرلي بالخاص جان جم راح تطلع علي العمليه بس الحمدالله الخيره فيما اختاره الله.
واللي احسه مو حلو في الصباح ان محد يمج تولدين بروحج و انتي تديرين بالج على روحج اذكر حتى جهاز الشفط مال الحليب اقولهم اشلون استعمله انا بجريه ما اعرف يقولولي عندج هناك مثل مطبخ تحضيري روحي غسليهم في ماي حار عشان يتعقمون.
بس البنات قالولي انتي الغلطانه هناك المفروض تمشين و تبغششين السسترات في كل شفت يبدلونه جان تغيرت معاملتهم حقج 180 درجه بس انا ما كنت اعرف هالشي.
المشكله ان الولاده مفاجأه حتى لو انتي متوقعه شي ما تدرين شنو راح يصي حزة الحزه.

[هايدي]

ام ياسمين صاجه فراشات سنتر بوينت واييييد حلوه و عمليه

و بالنسبه حق الصباح امبي انا مسميته المجزره ان شاء الله الله لا يعوزني و اولد هناك او اروح هناك

انا عطيت السسترات شكثر بس ماكو اهتمام و لا رعايه و لي طقيتي الجرس احقروج و ما يوج :/

و كلش و لا وقت الزياره محددينه و الله يضيق خلقج طول اليوم بروحج

الله يعينا و الله

[توأم روحي]

صح كلامج أم ياسمين هناك في ميزات و فيه عيوب بس الصراحة أنا كرهت الحمال و الولادة بسبهم عقدوني ظليت اربع سنين و نص يالله فكرت اني أحمل و الحين كلما أمي تقولي الصباح أحسن لج لأنج توأم أتذكر المجزره اللي صارتلي و أقعد أبجي. أنا أول مارحت و تعامل السسترات زفت بس الحمدلله السستر اللي ولدتني كانت زينه و عطوني ابرة الظهر و أنا ما عندي أي فكرة عنها بس قعدتني الدكتوره و قالتلي ان هذي الإبرة زينه و ياليتني ما أخذتها أحس اني انشليت منها بس الحمد لله ولدت طبيعي أما الخياط فكنت أحس فيه و اقول حق الدكتور يقولي شلون انتي المفروظ ما تحسين فيه لأنج ماخذة إبرة الظهر و ما يصدقني هذا غير أنهم ينقلونج جدام المراجعين لي الجناح و بالليل ماكو نوم من صياح اليهال و هذرة السسترات وغير النظافة الحمام أعزج الله يلوع الجبد و بروحج الصبح تستاحشين أو بالليل بسبب أوقات الزياره أنا والله أدعي ربي اني أكمل شهري لي التاسع وانشالله ما أحتاج لهمبس لا قدر الله اذا ياني الطلق قبل التاسع أنا مضطرة أروح لهم

[أم ياسمين]

الله يعين بس ودي اغمض عين و افتح عين القا نفسي والده أحس من الثقل خلاص لا قادره انام و لا قادره امشي مادري شلون راح اكمل اخر شهر .
بس باسأل ايهو احسن اشتري السراير الكبيره اللي تكفي الياهل لي يكبر

و إلا السرير اللي جنه سله الصغير و بعدين الكبير يصير خير؟

[زود الغلا]

مساء الخير عليكم
شخباركم يا الحلوات ............ ام ياسمين انا مفكرة اشتري سرير السلة وبعدين يصير خير .

[hanaaa27]

هااي حبيباتي انا بعد وياكم كويتيه وحامل بالبيبي السادس قولوا ما شاءالله وميته خوف من الولاده والله العظيم وياريت اتابع وياكم ليم اولد بالسلامه وانا الحين بالاسبوع ال36 يعني اول التاسع واراجع عند دكتور زكريا ابو المعاطي بدار الشفا