دردشة حوامل دولة الجزائر- تجمع بنات الجزائر

[ام ميسون]

مرحبا شمس انا راني هنا
قوليلي واش شريتي ليك مثلا عطيني فكره باش نشري انا

[شمس الجزائر]

اهلا ام ميسون انا شريت مونطو قصير للركبة ستيل robe وشريت سروال راسع شوي علاجال الحمل ومعاه بودي وكافاليير وشريت زوز خمارات وصاك اكحل وشوي مكياج طبعا هههههههههههههه وشريت لوليدي لبسة سروال وتريكو وفاست وسروال وتريكو وحد اخرين وصباط وراجلي شرى سروال برك مازال مكملش مونطو وتريكو لاخاطر كل شي غالي بززززاف هنا وتاني حاطة نخيط في روب قطيفة بالاك غدوة نجيبها ان شاء الله وانت وش شريتي؟

[شمس الجزائر]

لاروب اللي نخيط فيها تجي نص بنص كل نص لون وكل ايد لون نص ابيض وايدو زرقاء والنص التاني ازرق وايدو بيضا عرفتيه الموديل وتجي روب مش قندورة وفيها الحجر زرق ومن فوق فورم سوتيان موديل جديد

[ام ميسون]

بصحتك اختي والله ما درت والو وما شريت والو راني دايخه حبيت نشلاي لبنتي سروال دجين وتريكو والمونتو عندها من العام لفات شريتو من العاصحه لونو موف وانا مرات نقول نشري من البره ومرات نقول نخيط قوليلي اذا نخيط سكفيني الوقت
حقا والك الله يخليهولك شحال عمرو

[ام ميسون]

كون مزال الوقت على الخياطه عونيني ندير مودال جديد

[شمس الجزائر]

انا نقلك غير اشري من برا ميكفيش الوقت باه تخيطي من ضرك ولي راه قريب يقفل ربعة سنين انا راني عندي قريب شهر وانا حاطة نخيط تو راو راح الحال عليك وعلى السوق اشري الجاهز
وانتي وش حابة تشري؟ وبنتك قداه عمرها؟الله يحفظها

[شمس الجزائر]

هاد الموديل اللي خيطو انا يهبل بصح ميكفيكش الوقت

[ام ميسون]

الله يخليلك ولدك قوليلي ماركيش ناويه تزيدي
شوفي عندنا حانوت يجيب غير الماركه من دبي اروحلو نشري عليه
ونتي عندها عومين و8اشهر واش رايك صغيره ولا كبيره لاني نويت نزيد عليها ان شاء الله
لوكان غير تصوريها هنا وندو منك الفكره على الاقل ندير حاجه جديده لاني بعد العيد عندنا عرس خالي المازوزي الصغير باغيين نديرو عرس بالطبع

[شمس الجزائر]

شوفي حنونة انا راني تو حامل فالشهر السابع كي نولد وليدي يولي اربعة سنين قدقد انا من رأيي تزيدي شوي حتى تولي بنتك على الاقلتلاتة سنين
وان شاء الله غير نجيب الروبة غدوة نصورها ونعطيكم المويل هي باهية برشة وموديلها جديد

[شمس الجزائر]

وين راكي؟
رحتي وبقيت وحدي وقيلة