تجمع حوامل ليبيا

[لولى2010]

ام ردينه لو وليدك يرضع طبيعى عادى يعمله اكتلر من من مرة
عيون لابس ع حمودى وربي يشفيه ويعافيه وهو حازم ولد ام رفيده

[لولى2010]

تصبحو ع الف خير واحلام سعيده

[ليبياقلبي]

عيون وام روفيدة الف لاباس علا وليدتكم وخلوا بالكم عليهم والله ياعيون انا اختي دكتورة اطفال لو تبي اي حاجة اتفضلي
سورينام لالا انا من الخمس خمسية بس متابعة حملي في مصراتة في مصحة لميس عند دكتور محمد المحشي
نسرينا يارب الحلم يتحقق وراهو الحلم علا اول تفسير يارب تحملي وماتعلمي تحملي بتوام بدون كلوميد
تيمو مدايرة حرمان زي سلفتي جايبة من 9 وموبدة الراجل والله احسن انا توا في الشهر السابع حرمته نتعب هلبة من اي وضع
ام رودينا قوللي قبل بديرها لمة كبيرة في صالة ولالا كان في الحوش ديري متلا شكولاتة وعصير طبقات وبعدها ديري العشاء زي ماتبي لو تبي مسقي ديري حاجة مسقية ومعاها متلا بوريك ومبطن بعدها فاكهة وبعدها نسكافيه متلا ومعاه ملفى ولا تارت ولا كنافة وبعدان كل واحد والباب يجيبه ههههههههه والله الناس مهما ديرلهم مايعجبهم حاجة انا مش دايرة لمة لانا اول بيبي نحس صعب لانا لو بندير لمة بنعزم اقاربي واقاربه بس وفي هلبة ناس تبي تبدى عليا معناها بنخسر خسارتين لدلك البييي التاني نعرف من وصلني ندير لمة لانا حتى في شهر10 درت لمة نجاح ماعزمت حد الا العويلة هلبة حرجوا يحاسبوني منبيش نبدا عليهم

[ღॐ آية ღॐ]

المشاركة الأصلية كتبت بواسطة أم ردينة

انشالله على خير يا آيه وعلاش الولاده المبكره؟؟

ام ردينه سلمك نشادة ياربي وبنسبه للوجع متع العمليه ان شاء الله شي عادي
حتى مرت خوي هكي نفس حالتك مشت راجعت وطمنوها وقالولها بعد الاربعين تتحسن ان شاء الله
...وبنسبه لسهال عباده انتي شن تعطي فيه غير حليبك
واعتقد مدامه وصل للخمس مرات في اليوم هدا اسهال ديري بالك من ماكلتك بالك تاكلي في حاجه تاثر عليه وتوصله من حليبك والله اعلم..
وبنسبه لحتمال الولادة المبكرة عندي فهدا راجع من التهاب المسالك ماثر على الرحم ومسببلي التهاب في المهبل وهذا يسبب في ولادة مبكرة
.. ومرة مرة يجيني وجع جياب وبطني تيبس حاشاك
بس الحمد لله حتى الان مافيش حاجه مطمنش يعني لادم ولاميه والحمد لله..

[ღॐ آية ღॐ]

سورينام سلمك نشادة انا حالي باهي والحمد لله
لاكن والله خايفه احنى نبنو وعلى وشك المحوال يعني في التشطيبات الاخيرة
ندعي نحول وبعدين نجيب
وتصدقي كل شي بنشروة جديد في الحوش حتى موبيليت دار النوم بنغيرها
والله خايفه يطول المحوال تصدقي موعد استلام الحوش 9/1 يعني نكون خاشه شهري
ربي يستر وخلاص ... يارب نلحق نأتت ونكمل ونشري حويجات البيبي وبعدين نجيب ...

[ميمونة]

السلام عليكم شن حالكم

سلمك نشاده ياعيون شن حالك وحال صغيورتك

[لولى2010]

هدى قصة ولادتى الى سالتو عليها ههههههههههههههه

المشاركة الأصلية كتبت بواسطة لولى2010

بالنسبه لقصة الحمل من بدايه الحمل وانا مريضه والبيبي ديما نازل وكل اسبوعين نمشي للدكتورة لان انا من قبل اجهضت فى الشهر الخامس بدون سبب فدكتوره قالتلى تعاليلى ونراقبك لين الشهر الخامس لقت انا رحمى مفتوح ومازال سنتى والبيبي ينزل وانا يامه صار فيا لانى تاترت واجد بعد رميت وحولتنى للطوارى وربطولى عنق الرحم وقعدت 5 ايام فى المستشفى وقالولى معش تتحركى لين الشهر التاسع نفكولك الربط ونجيبوك فكنت نفكر ونفسيتى تعبت واجد وبعده ماما ربي يخليها ليا جتنى وانا فى الشهر السادس وقعدت معايا لين جبت

وقصة ولادتى انى يوم الخميس الموافق 24-6-2010 الصبح كنت راقده وفقت ع نخزات فى مكان الربط ولما فقت تميت انحس فى روحى تعبانه وماعنديش جهد وعندى ليه تمشي وتجى انا طبعا ماما كانت عندى وقالتها لها فتمت تسال فيا تقولى قويه انا طبعا نطمن فى روحى ونقوللها لالالالاعادى هدا لعند المغرب حكيت مع اختى ع المسنجر شوى قالتلى انا ديما نجيب بالمنخاص وبعدين تبدى اليه طبعا انا دورينى خفت ولما رجع زوجى قالى كنك شكله تعبانه قالى هيا نمشوى للمستشفى تشوفك الدكتورة كان ولاده تجيبي وكان مافيش ولاده نروحو وانا نقول لالالالالالالالالالالالامافيا شي وشالونى هو امى بالغصب ولما مشيت للمستشفى مشيت للطوارى وزوجى كبرلهم الشطحه وقاللهم مريضه وانا نقول لالالالا ونضحك شوى النرس جابتلى كرسي العجل ع اساس مريضه وانا نضحك ونعلق وشالونى لقسم الولاده ومن هنا تبدى القصه جتنى دكتورة هنديه ودارتلى كشف وياعينى ع الكشف طبعا انا عياط هههههههههههههه وقالتلى لالالامافيش ضغط ع الغرز وحطولى ع بطنى جهاز تخطيط قلب للجنين وواحد تانى يشوف فى ليه ولالالالالالالالالالا والدكتورة درتلى سونار وشافت البيبي وقالتلى حنمسكوك تحت الملاحظه اليوم وتطلعى السبت وقعدت الا الممرضه تشوف التخطيط وتقولى عندك ليه ونبض الجنين يضعف مع اليه وانا نقوللها مانحسش فى شي وعدت كلمت دكتورة تانيه مصريه شوى جتنى الدكتورة وقالتلى امتى درتى كشف قالتلها من نص ساعه شوى قالتلى بنكشف عليك وانا لالالالالالالالالالالالالالالالالالالالالالالالاعل يش بعدها كشفت وقالتلى لالالالالالالالاوين مافيش ضغط ع الغرز انت الغرز قريب تنفك من الضغط قالتلى باسرع وقت نفكها لكى والا يتضرر عنق الرحم وانا طبعا هبال نقوللها انت بتولدينى خلاص بنجينى وفكيه وهى تقولى لالالالالالاانت عمليتك نين تفوتى 8 ساعات ع البنج وفكولى الغرز وانا نعيط وحالتى حاله وبعدها تميت ننزف واستنو لعند الساعه 12 وجى دكتور المانى اسمه استيفن وقالتله قاللها خشوها ولاده وهو كان عنده عمليتين قيصريه قبلى وانا التلاته ومشيت لغرفه الولاده نحساب ماما تخش معايه مابوش يخلوها وانا شيلينى ونبكى ونقوللهم كل منكم انا مافيا شي ههههههههههههههههههههههههه وخشي غرفه العمليات وجانى خبير التخدير وقالى شن تبى بنج كامل ولا نصفى قتله لالالالالالالالاكامل وبنجنى ورقدت .................................................. .... وفقت الا الممرضه تقولى الحمد لله ع السلامه وشلونى للغرفه ماما تزغرت وزوجى فرحان وانا متهلوسه كانه حلم قالولى بنتك فى الحضانه وماما وزوجى شفوها وقالوان هى كويسه ولله الحمدهدا كله الساعه 3 الفجر وقعدت لونه فى الحضانه يومين والتالت فى المراقبه وبعدين طلعوها ليا وانا كل يوم نمشيلها وقعدت 5 ايام فى المستشفى والدكتور كل يوم يشوف فيا
والحمد لله انى ولاده بالسلامه ولونه حبيبتى صحتها كويسه

[أم سعد]

السلام عليكم

كيف الحال

آية سبحان الله حتى في موضوع الحوش في شبه بيننا

حتى أنا نبني

وقريب نحول

وندعي نكمل قبل الجياب

:)

[لولى2010]

كيف حالك تم سعد وحال سعد هههههههههه ماهو مش حنقولك البيبي انا عارفه اسمه ربي ينوضك بالسلامه

[ღॐ آية ღॐ]

ام سعد يارب نحولو قبل الجياب بشهر
اللهم امين..