.·¤ تجمع الحوامل اللي ولادتهم في محرم¤·.

[Marawy]

مراحـــب شلونكم ؟



مشاعل ،،
الحمدلله طمنتينا ،، انا قريت بعد بالنت ان التفاف الحبل السري يعتمد على طول الحبل نفسه ،، والله اعلم ،، ربي يحفظ اجنتنا من كل شر يارب ويقر عيننا بشوفتهم ،، وصج متعبه القومه والقعده لما جربتها ،، احس نفسي اتعب وبطني يألمني اكثر من اني اتقلب عادي ،،

[Marawy]

مس ميمي،،
خليها تراجع دكتورة افضل عشان يتأكدون ان الماي ما نقص عن الجنين ،، انا نزل علي ماي بالشهر الرابع وكان مو بكثره لكن لما رحت خبروني ان ماي الجنين الحمدلله كافي ،، وممكن يكون اللي نزل هو زياده او مع تقدم الحمل وكبر البيبي ينزل ماي وافرازات ،، لكن بعد كل حاله تختلف عن غيرها ،،

[Marawy]

دلـــع ،،
ربي يطمن قلبج طمنتيني ،، إذا على نهاية الشهور بنكون مجبورين نقوم لما بننقلب لان البطن بيكون كبير وثقل ،، الله يعيننا والله ،، مشكوره ياقلبي ع الرابط ..
ههههههههه والله صدقتي الود ودنا ننام بالمشفى ونسوي سونار 24 ساعه ! مدري هو فضول والا حب استطلاع فينا والا من الوناسه والخرعه هههه

[Marawy]

ام اسكندر ،،
بس شلون الوحده تعرف ان الحبل السري التف على رقبة البيبي ؟! ولو اكتشفوا هالشي بالسونار ،، شنو الاجراء يعني ؟؟ وايد اوسوس في هالموضوع ،، ربي يحفظ اجنتنا من كل شر

[Marawy]

بنت ،،
ماشاء الله عليج ،، ربي يثبت لج حملج ويرزقج اللي تتمنين ،، انا الوسواس زاد عندي مع الحمل ،، خصوصا ان هذا اول حمل لي وبعد 6 سنوات تقريبا ،، ربي يحفظ جنيني واجنتكم ،،

[Marawy]

رورو ،،
اي والله انا بعد اتقلب يمين ويسار وايد ،، لين احصل النومه اللي تريحني وانام ،، واوقات احاول افتر لاني احس اتعب من النومه على جنب واحد ،، الله يستر ،،

[Marawy]

اللهم سترك ،،
تسلمين ياقلبي ،، ربي يحفظ اجنتنا من كل شر يارب ،، واحسن شي انج ما توسوسين ،، لان بجد الوسواس يذبح ويخليج تفكرين بشغلات ما صارت اساسا !!

[Marawy]

نوقا ،،
هالله هالله ههههههههه وربي شي يضحك وبنفس الوقت يقهر !! دام انها مو دكتورة نسا وولاده شاللي حادها تقعد وتسوي سونارات للعالم !! وتفتي على كيف امها !!! هههههه ياربي اش هالبلا !!! يعني الوحده صارت تخاف من كل شي حتى المستشفى لو راحت له تطلع لها وحده ماعندها شهاده وتقضي وقت بس مع المرضى ،، حسبي الله عليها ،، والله لو انا منج اشتكي عليها واخليها تقعد في بيتها وبعدين خلها تسوي لزوجها السونار وتقول له انك بالشهر الثامن !!

ههههههه اما سالفة الحبل السري ،، اختي الله يهداها خوفتني ،، قالت لي السالفه وخلتني ما انام يومها ،، وصرت لما بقوم اتقلب اقوم اوقف على طولي هههههههه بس اليوم هونت صرت اتقلب واقول على الله ،، صرنا بدون ما ندور شي عشان نوسوس فيه هو اللي يجينا هههه

[Marawy]

ام التوينز،،
مشكورة حبيبتي على المعلومات الحلوة اللي تجيب لنا دافع للولاده هههههه ،، الله يبلغنا هاللحظات يارب ونقوم بالسلامه ان شاء الله ،،
حسافه ليش ماتسوون قرقيعان ؟ شي حلو بصراحه ووناسه للكبار قبل الصغار ،،


عيش الحياة ،،
الله يعيننا على الثقل ،، والله حتى زوجي امس حس فيني يقول الحين صرتي بس تمشين شوي تتعبين وتنافخين ههههههه يقول لي كبرت دبتج صارت حلوة تونس ،، مشكلتي ياعيش اني ما اقدر اقوم اقعد عشان انقلب ف النومه ،، لان نومي صاير متقطع ولو قمت بس للحمام الله يعزكم خلاص النومه تطيرررر طيران ،! بس ممكن مثل ماقالت دلع لو وصلنا الشهور الاخيره بيكون غصب عننا نقوم عشان ننقلب ،، ربي يقدرنا بس ،،

[Marawy]

اعز الناس ،، فديتج تعالي البحرين وكل يوم اطلع معاج للسوق هههههه .. انا قبل بس احب اتفرفر واشوف ما احب اشتري ،، بس من يوم حملت صرت احب اروح اشوف واشتري ،، خصوصا اغراض النونو ،، احس نفسي ما اقدر اصبر اكثر ،، والحمدلله ارتحت من كل شي وخلصت كل الاغراض الحين بس باقي اغراضي انا وامي راح تجيب لي مفرش للمستشفى ناعم من الدوحه ،، مفرش نفاسي اخذته من فينيسيا الخبر كامل مع سرير النونو ،، وجلابيتي وملابسه ،،
انا هاليومين احس بحركة البيبي غير عن قبل ،، صايره كأنها واضحه اكثر من قبل ،، بخاطري اروح اسوي سونار ملون رباعي ،، وقاعده اصبر نفسي لبعد العيد عشان يكون اوضح ،،