دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

اغلى انسانه · 12-28-2010, 12:48 AM

هلا اختي كيف الاسعار وبتسوي كي للقرحه
والملف ارسل لي ايميلك
وشكرا

ام رانسي · 12-28-2010, 06:45 AM

صباح الفل على الحلوين عساكم بخير
دوم يارب انت بصحه وعافيه
رحيمه .كيفك يا قلبي وش مسويه معا الحمل ان شاء الله تمام وولدي يقول الله يسلمك ويسلموه من كل شر الله يحفظهم
وكيف الغيبات بدون تحديد عسى ما شر ان شاء الله بخير
انا اليوم عندي موعد عند محمد خان واتصلو علي امس ويقول الدكتور محمد مو فيه فيه مساعده عبد المجيد وانا ما ارتحلوه كان نفسي اغير الموعد قالة مافيه الا يوم 14 اثنين مره بعيد وانا ابغا اطمن على النونو مره طفشانه لاني ما رح الق الدكتور حقي بس الله يكتب فيه الخير ون شاء الله يطمني على البيبي

نلي خانم · 12-28-2010, 07:03 AM

سلام ياقمرات
صباح الورد
كيفكم

أعذروني أمس مادخلت كنت مصدعه شوي ومعدتي مره تعبتني أمس من الحموضه ومو قادره أكل حاجه حتى الشغاله أنفجعت تقولي أنتي شكلك مره تعبانه بس الحمدلله احس أني أحسن وقلت أدخل أشوف أخباركم

حنان
ياهلابك والله وحشتيني ليش كذا قاطعه التجمع ترى والله أحنا نحبك وماسوينا لك شي عشان تقطعينا كذا لاتعيديها وطلي علينا ياقمر أنا بنهاية السادس والحمدلله الحمل تمام بفضل الله بس الدكتور موصيني ألزم الراحه والله يسهلها باقي شهرين وأدخل التاسع وأرتاح والله أني أحسب الأيام وطول اليوم أطالع في التقويم والساعه مره هلوست

أم رانسي
أبشري برسل لك الرقم

وفقني
أبشري أضيفك للجدول مو فاضيه ماورايه شي غير أحسب ولايهمك سوف أوافيك بالجدول لاحقا أن شاء الله

أنشوده وينها لها كم مايوم ماأشوفها

نلي خانم · 12-28-2010, 07:12 AM

أغلى أنسانه
هلابك بيننا وتراك أختنا ومنورتنا ياقمر
شوفي أنا أراجع عند محمد خان بصراحه كلمة ممتاز بحقه قليله ولاتتعبين وتروحي لغيره أختصري المشوار وروحي عنده أنا كنت بس أسقط ولما رحت عنده مره أهتم فيني والحمدلله ماعمري حسيت بأهمال منه عكس الدكاتره الثانين مره أهملوني وكمان أختي كانت تراجع عند دكاتره كثير وتعبت وجات عنده ومن ثاني شهر حملت مره ممتاز ولو فعلا عندك قرحه راح يعالجك بأفضل الطرق وراح تحملين بسرعه بأذن الله
نصيحه من أخت لأختها لايفوتك روحي عنده

دلوعة سمسم · 12-28-2010, 07:38 AM

صباح الخير....اغلى انسانة يا قلبي عندك الدكتورة حنان غنيم في مستشفى بخش ممتازة في كي القرحة وحدة من صحباتي بعد ماكوتها لها حملت على طول بعد مشيئة اللة طبعاً....رحيمة ياعمري اللة يبارك فيك يارب امي قاعدة تقولي امسكي نفسك شوية بس انا ان شاء لما اولد راح اروح عند امي لكن اختي في بيتها وعندها عمتها ام زوجها وكمان بيتها قريب من امي..والموضوع ياحلوة (مرة متضايقة تكفون ساعدوني)

naghaaam · 12-28-2010, 10:19 AM

ام رانسي
حبيبتي ارسلت لك الرقم معليش كنت مشغوله

Compassionate Heart · 12-28-2010, 08:01 PM

اغلى انسانه
اخبارك اختي ان شاء الله تكوني بالف خير انا كنت طلبت منك ملف شغلك على الخاص يا ريت تردي عليا و جزاكي الله كل خير

ام رانسي
هلا حبيبتي انا بخير يا وجه الخير ربي يسعدك و يسعد النونو ويحفظه من كل شر و يسلمك و يسلمو من كل شر

نلي خانم
سلامتك الف سلامه يا قلبي اخبارك دحين ايش مسويه عسى ربي يطمني عنك يارب و يبعد عنك كل شر انتبهي على صحتك يا عسل ربي حفظك

دلوعة سمسم
ربي يحفظلكم امك يارب و يخليها لكم و يحفظكم لبعض و يخليكم لبعض يارب ربي يعطيكي ساعه مباركه يارب

naghaaam
اختي اتمنى تعطيني الرقم على الخاص و ربنا يقدرنا على فعل الخير جزاكي الله الف خير

انشوده ـ ثلجه
وينكم عسى يارب تكونو بالف خير ربي يطمنا عنكم يارب

باقي البنات يا هو يا عالم وينكم وحشتونا كفايه غياب ربي يطمنا عنكم و تكونو بالف خير يارب

نلي خانم · 12-28-2010, 08:11 PM

بنات تعالوا شوفوا أصول الفضاوه
هذا ترتيبنا وكل وحده تلزم مكانها طبعا الترتيب مبني على الشريط اللي أسفل تواقيعكم مو الفلاشات لأن كذا وحده عندها أختلاف بين الفلاش والشريط فأعتمدت الشريط لأن الأغلبيه مسوين بس شريط يالا كل وحده تشوف كم باقي لها وتولد

صفوا طابور وياسلام على الكروش زحمه بقوووووه

رياح الغروب باقي لها 6 أيام
ثلجه \ دلوعة سمسم ... باقي لكم 17 يوم ... حمااااااس مع بعض مين اللي بتسبق
أم ميسومه 37 يوم
أنشودة المطر 36 يوم
رحيمه 62 يوم
أم الغالين 65 يوم
دودي 71 يوم
أم رانسي 82يوم
لوري 86 يوم
نلي خانم \ أجمل ماخلق ربي ... 100 يوم .. حماااااااس شكلنا كنا متفقين ذاك اليوم هع هع
أحلى موني 131 يوم
أم يسوري 140 يوم
غلا الجنوب 187
وفقني يارب 200 يوم

يارب يقومنا بالسلامه جميعا ونجيب أحلا بيبيهات وييسر لنا أحلا ولادت ياااااااااااااارب أميييييييين

أحبكم يابنات مرررررررره أحبكم ياأحلا أخوات

نلي خانم · 12-28-2010, 08:14 PM

أهلين رحومه ياقمر نورتي
انا بخير الحمدلله ومرتاحه يارب لك الحمد وأحس بوناسه اليوم مدري ليش
أش رايك بالترتيب اللي سويته

تحقق الحلم · 12-28-2010, 08:34 PM

سلام ياحلى كروشات
معاكم بنت الطائف بس صرت من مكه من كثر قعدتي بمكه
عشان دكتوري محمد خان بمكه
وابشركم حامل توني قبل يومين مسويه تحليل
ودي اعرف كم لي اسبوع
من شطوره وتحسب لي