يا بنات أحكيلكم شو مال عمي هههههههه
هلأ جوزي بيشتغل مع أبوه بالمنجرة بس و الله انه مظلوم لأنه ما بياخد حقه كامل يعني لما يقبضه تقريبا كل جمعة بيعطيه 100 شيكل أو 70 أو 50 و مرات بيقبضه جمعة آه وجمعة لأ طيب و الله العظيم اني كنت أقعد مرات على سوق ب 50 شيكل بالأسبوعين و التلاتة شو رأيكم بس كنت أدبر حالي مع اني صغيرة شوية بالعمر و كنت عند بيت أهلي مدلعة و ما يعجبني العجب و ما أشتغل شي و لما أشتغل شغلة أزلهم سنة عليها هههههههههههه طيب شوفوا الدلال ........ و الله العظيم مرة كنت نايمة و أنا خاطبة و راحت أختي الللي بصف خامس حضرت فطور وصحتني عشان أفطر و ما كانت الساعة بدري يعني شو رأيكم؟؟؟؟؟؟؟؟
المهم.........اليوم أجى عمي يدق عالباب عشان يصحي زوجي للشغل كانت الساعة عشرة و نص ليش اتأخر عشر دقايق فضحوا و صار يقوله خليك نايم جنب مرتك الساعة صارت 12 شو ضايل شغل لهلقيت و هي كمان ما بتعرفش تقول قوم يا حمار(سلامة قيمة أبو عزمي) اشتغل مع أبوك بالمنجرة قاعد بيشتغل لحالو الله يلعن أبوكم كلكم جماعة ما بتستحيوش .........مهي المنجرة قبال بيتي و هما ساكنين بعمارة لحالهم أبوه و عمامو يعني و أنا بيتي أرضي و بطون جنب الصالة و قبال المنجرة عشان هيك بسمعهم لما يشتغلوا.........و لما سمعته قال هيك انفرست و فتحت التلفزيون عالقرآن و عليته عشان ما أسمع شي لأني متل الهبلة بقعد أعيط ههههههه إلا هو عمي بعت ابنه الصغير يقولي وطي القرآن بيقولك بابا ههههههههه
طيب هو بدو أصحي زوجي طب و الله العظيم اني عملتها قبل هيك و كان زوجي يقول طيب و يقوم بعد الهنا بسنة هذه حاجة
و حاجة تانية هو عمي متعود انه جوزي يقومله بعد الهنا بسنة من هو عزابي كانوا يصحوه بدل المرة ألف و جاي هلأ يقول مرتك و مش مرتك أهلييييييييين
و حاجة تالتة هي مرتو بس كانت صاحية و سامعاك و تاركة جوزها ينام جنبها طيب مش يقدر اني مرة والدة وبنتي صغيرة بنام عنومتها و بصحى معها شو هذا و الله اني كنت نايمة و ما سمعت شي
و حاجة تالتة لو انه بيعطي لجوزي كل حقه ما بدنا زيادة كان الواحد بيلاقي دافع يخليه يعمل متل ما بيقول يعني أنا بدي أشوف جوزي نايم و مرتاح و هو صايم و أصحيه من نومه لا والله ما بيستاهلو هالشي
و بعدين بيقول انتو جماعة ما بتستيوش يعني هو اللي بيستحي ما شاء الله مع احترامي اله...... و الله العظيم كانت ماما تاخدني عالدكتور و أنا حامل و هي اللي تدفع الكشفية عشانها عارفة وضع جوزي و شو أبوه بيعطيه و هو بيعرف هالشي و كان كل ما أكون رايحة عالدكتور يشوفني و يقولي وين عالدكتور و الله ما كان يطلع من جيبته لو شيكل عشان يقولي خدي ادفعي للدكتور يا عمي يا شييييييييخ اسكتوااااا
و كمان لما ولدت ماما هي اللي كانت تجيبلي الدجاج و الأكل و تطعميني و تشربني أنا و زوجي و هما عارفين هالشي
و الله لما ولدت انهم أجوا عليا متل الضيوف بعد ما روحت من المستشفى ب 3 أيام يعني كان لي 5 أيام والدة و ماما نايمة عندي 10 أيام ما حدا قال خليني أعمل معها شغلة و أجولي عالمستشفى طلوا شوية و روحوا
بس شاطرين لما ولدت عزمي و كان بالمستشفى و الدنيا رمضان لما ماما أخدتني عندها ستو لجوزي زعلت و صارت تقول ليش ما جابوها هون طيب هي شو بدها فيا ابنهم مش معي يعني ما حرمتهم فرحتهم فيه و لما ولدت هويدة و ماما جابتني هون و قعدت عندي 10أيام ما شفنا وجه حدا فيهم ماما انجنت و صارت تقول و الله البطن الجاي غير آخدك عندي لو كان ولد ولا بنت و اللي يزعل يطق راسه بالحيط لأني مش مجبورة أترك بيتي وولادي و آجي و ما ألاقي خلقة واحد فيهم صح؟؟؟؟؟؟؟
و الاستفزاااااااااااز الأكبر انه هلأ لما أجت الكهربا عمي اجى يشتغل و جوزي قام عشان ما نكون جماعة ما بيستحيوش شوووووووو رأيكم
أكييييييييييييد بيحقلي أنفرس ههههههههههه
عارفين يا بنات انه أنا ما بكلم عمي الا كيف حالك و يعطيك العافية لأنه مرت أبوه لجوزي بووووووووومة و ما بقعد ببيت عمي يعني بس بشوفه بالمنجرة
07-30-2012, 11:37 PM
رد: دردشة بنات فلسطين, دردشة حوامل فلسطين, تجمع بنات فلسطين
maisa odeh 
جديد منتدى إستفسارات حوامل من الشهر السابع إلى الشهر التاسع
العرض العادي
