تجمع حــوامل التوائم

[أستاذة ذوق]

دخلوني غرفة العمليات يوم السبت الساعه 11 الصباح وأول مادخلت الغرفه
كنت عادي بس شفت الغرفه كبيييييره وباراااارده وشفت الإضاءات اللي فوق
اول مره اشوفها ع الطبيعه مادري وش صارلي وقتها جاتني رجفه عجيبه بجسمي
صار جسمي كله يرتعش وينتفض لدرجة اني كنت بطيح من السرير شافني دكتور التخدير
وقالي اشفيك خايفه ولا بردانه وانا ساكته لأني مادري اصلاً ليش ارتجف
صار يقولي اتوكلي على الله ويقولي أدعيه المهم انا لما شفت نفسي خايفه ماطلبت
بنج نصفي لأن اعصابي تعبانه حطولي كمامه واستنشقتها ورحت فيها نوووووومه
شوي واحس الممرضه تصحيني وقمت حسيت الموضوع مر بسرعه خياليه
وبدأت احس آلام العمليه صرخت واعطوني ابره مسكنه وكنت احس راسي ثقيل
من البنج حتى اني ماسألت عن بناتي طلعوني غرفة الإفاقه وقاسوا الضغط
ومثل ماهو مرتفع وخلوني أنام عشان يتعدل الضغط شوي وصحيت والممرضه
جابت بنتي واعطتني اشيلها وانا دااااايخه وسألتها عن الثانيه قالت في العنايه
عشان وزنها قليل وهذا كله وانا بغرفة الإفاقه مارضيوا يطلعوني تنويم عشان
الضغط مو راضي ينخفض وأهلي ماشافوني وانشغل بالهم وكل شوي يدخلون
عندي يعطوني مسكن ويخلوني انام وعلى هذا الحال من السبت إلى اليوم الثاني
الأحد في العصر وممنوع عني الزياره وأمي تجننت تقول خلوني اشوفها
يقولون هي كويسه بس مانقدر نطلعها الضغط مااعتدل أهلي شافوا بناتي وماشافوني
وانا كل ماافوق اقول طلعوني تنويم ابغى أمي تشوفني وهم يعطوني مسكن عشان أرجع انام والمويه مايشربوني إلا قطرات
يقولون نامي عشان الضغط يتعدل ويوم الأحد العصر جات الدكتوره وقاسوا الضغط
وطلع أحسن من اول وقلت للدكتوره انا بغى اشوف أمي قالت خلاص طلعوها تنويم
وماصدقت طلعوني وجات أمي شافتني كان بالها مشغول مره وزوجي كان يتصل
لأنه مسافر وقاعد قلقاااااان وماصدق كلمني
بس هذي قصة ولادتي كلها أكشن
والدكتوره قالت يوم طلعت من المستشفى لازم كل فتره تشيكي على الضغط

الله يسهل عليكم ويخفف عنكم برمضان ان شاءالله ماتحسون بأي تعب

[حزن الزمان]

بنات دكتورتي مسيحية بس قالت لي الصيام يفيد الاجنة ولازم تصومين افضل سبحان الله ...الله يقويني يارب

[أستاذة ذوق]

هـــلا حزن ونوره شخباركم

القسطره عادي ألمها بسيط جداً كأنها وخزه عاديه
والعمليه لما كنت بالمستشفى ماكنت أحس بألمها لأنهم يعطوني على طول
ابر مسكنه خمس ايام على الابر
وفي البيت بدأت أحس بآلامها بس مومره زي ماتخيلتها لاعادي كأنه جرح
مثل ماتحسين لما تنجرحين جرح عادي يعني ألم تقدرين تتحملينه
بس انا آخذ حبوب مسكنه كتبوها لي والحين الحمدلله حتى الحبوب وقفتها
بس عمليتي لسه مافكوا عنها اللصق عشان فيها شوي دم وبكرا عندي مراجعه

وجواب على سؤال هجران انا كنت متابعه أوزان البيبيات وكان الفرق 300 جرام
بس بالشهر الأخير مادري ليش توقف نمو وحده منهم صارت الثانيه بس تزيد
مع انهم بمشيمتين والحين مختلفين كل وحده شكل بس يتشابهون شوي

واللي سألوا عن بنتي الحمدلله أمس زرتها بدأت تتحسن وزادت 100 جرام
وشالوا عنها الأنبوب اللي تتغذى منه لأنها كانت ماتتقبل الرضاعه فصاروا يرضعونها
عن طريق الأنف بس الحين الحمدلله صارت ترضع عادي بالرضاعه ... نحمدالله

بالنسبه للأسماء أبوهم سمى وحده سهى وانا سميت الثانيه سجى

[نـــــــارا]

توأمي ألف مبروك والله يخلي لك سهى وسجى وتفرحي فيهم يا رب وتحضني الثانية
وإن شاء الله جرح العملية يشفى بأسرع وقت وترتاحين

حزن الزمان.. طمنتيني على الصيام كنت خايفة انه يأثر على الأجنة وكل همي احط لي برنامج غذائي يساعدني على صيام الشهر

بالنسبة لبناتي الحمد لله قالوا لي وزنهم زين وطبيعي وحدة منهم 960 جرام والثانية أقل شوي
الفرق بينهم 80 جرام.. إن شاء الله يستمر الفرق هالكثر وما يزيد وأولدهم بأوزان حلوة

حوامل حبيت انبه أنكم لازم تهتمون لأكلكم
التفاح مفيد جداً ويقي من الأمراض وهالجو الواحد يلتقط فيه الرشح والزكام.. يومياً اكلي تفاحة
والموز مغذي وايد حاولوا تاكلونه بين فترة وفترة
ويومياً لو على الأقل كاسة حليب بالإضافة إلى منتجات الحليب الأخرى.. أجبان وألبان وأيسكريم ومهلبية وهالسوالف
عززوا نفسكم بالبروتين لأن الأجنة محتاجة تبني لحم خاصة بالأشهر الأخيرة اللحوم بأنواعها ولازم تكون مطبوخة زين

وحاولوا تاكلوا التمر ولا تخافوا.. التمر راح يسبب لكم مغص ولكن ما راح يجيب الطلق لأن التمر مسهل وراح يخفف الإمساك وبنفس الوقت مغذي غني بالحديد وكافة البروتينات والفيتامينات والمعادن والأملاح
واللي ما تحب التمر عليها بالزبيب لو على الأقل كل يوم 7 زبيبات

وأكثر شي يرفع الدم الخضروات الخضراء والورقية
عليكم بالسلطات اللي فيها خس وبقدونس وطبعاً الطماطم مفيدة جداً وتقوي الدم

ولا تهملوا الحبوب أبداً حتى لو كان أكلك زين

وربي يسهل علينا كلنا يا رب

[البرنسيسة..؟]

توأمــــــي خوفتــــيــني عـــلى الـــوزن لانهم بمشيمتين ووقف نمو وحدة من التوام..

[أستاذة ذوق]

أهلين نارا تسلمين ياقلبي

بنات ابسألكم بنتي دايم لما أرضعها تشرق وتقعد تكح أحسها مو مرتاحه بالرضاعه
تحزني لما تشرق ولما أعطيها الرضاعه مره ثانيه ماترضى ترضع جاتها عقده

وبالنسبه للرضاعه الطبيعيه ماتتقبلها تعودت على الرضاعه مادري كيف أعودها
على الرضاعه الطبيعيه الحليب بيجف وهي مارضعت منه

[أستاذة ذوق]

هــــلا برنسيسه
والله مادري ليش وقف نمو وحده منهم على كيلو و600جرام من الثامن
أو يمكن تزيد بس زياده بطييييييئه
مع اني آكل نفس أكلي ماغيرته حتى الحين بالمستشفى تزيد زياده بطيئه جداً
يمكن هي كذا نموها بطيء مو مثل أختها

[البرنسيسة..؟]

توامي على حساب السونار في الاسبوع الكم ولدتي

[البرنسيسة..؟]

الجــــرح كــم يوم يقعد يألمج؟؟
أسألتي كثــــيرة هههه

[أم زهـور]

ألف حمدلله على سلامتك توأمي والله يخلي لك بنوتاتك الحلوين ان شاء الله
تأثرت وايد وانا اقرا قصتج وتذكرت معاناة الولادة

والله يعينا ان شاء الله على صيام شهر رمضان

أنا الحين في الشهر الثالث وما زال عندي احساس ان فيني توأم بس للحين ما رحت المستشفى
الله يكتب اللي فيه الخير والصلاح ان شاء الله

والله يسهل عليكم حوامل جميع يارب