.·¤ تجمع الحوامل اللي ولادتهم في محرم¤·.

[ام التوينز3]

المشاركة الأصلية كتبت بواسطة بنت الهيلا

السلام عليكم ورحمة الله وبركاته
اتمنى تقبلوني معكم انا دخلت السادس من يومين على حساب الشريط
ولادتي بإذن الله في شهر محرم وأخر دوره كانت 22 فبراير

اهلا وسهلا بيك

[جنان الورد]

ام التوبيز
صدقتي ضحكتني هالدكتورة ههههههههههههه

[Marawy]

شلونـــكم يــا حــوامل ؟ شخبــاركم مـع رمضان وتجهيزات العــيد ،، هاليومــين لهيت مـع خــواتي بالسوق وتجهيزات اعيالهم للقرقاعون ان شاء الله ،،

شخــبار نونواتكم ؟

[Marawy]

(دلع)
فديتج حياتي والله مشكوره على سؤالج ،، ودي انزل لكم كل الصور بس مشكلتي اني ادخل بالتلفون بس راح احاول اشوف طريقه انزل الصور ،، ولا يهمج يالغاليه ،،
ربي يعوضه خير زوجج على الجوال ههههه والحمدلله ما عصب زوجج ،، اتوقع عاذرج لانج حامل ههههه وماتدرين بنفسج وانتي تعبانه ،،

شي يقهر انهم يغشونكم بالسعر ،، وزين تسوون فيهم وتهزئونهم ،،

[Marawy]

(عيش الحياة)
ربي يعينج بجد نقص الفيتامينات متعب ،، انا كان يصيرلي الم في راسي والسبب نقص الفيتامينات وماكنت اعرف السبب حزتها بس بعد ماوصلت الشهر الخامس اكتشفت هالشي ،، مشكورة يالغاليه على النصيحه ،،

[Marawy]

(نوقا)
مشكوره ياقلبي على السؤال فديتج ،، انا بخير والنونو ان شاء الله بخير ،،
ارجعي اكلي الفيتامينات ولا تتركينها تراها مفيده ،، وانا مفكره اواصل عليها لبعد الولاده ،، لان مع الرضاعه الطبيعيه يطيح الشعر ،، الله يستر ،،
وش هالدكتورة الفاشله لو انا منج ضربتها بالجزمه !! ولا شي قالته صح تلاقينها !! ولاتعتمدين حتى على جنس النونو اللي قالته ،، روحي مستشفى ثاني بعد العيد وسوي الرباعي وتأكدي افضل !! هذي شكلها مفهيه ونايمه ف العسل ولا تفهم بالطب شكلها بالغلط مخليينها دكتورة !!
الله يجيب اللي فيه الخير ،، ولد او بنت كلهم حلوين ونعمه بس يقهرون الدكاتره لما يطلعون غبائهم علينا !! بعد زين ما قالت لج كم يوم وتولدين !! 2 كيلو قالت ! عبالها بالتاسع انتي الظاهر !

[Marawy]

(نبعة الحب)
حزنت كثير عليج ان شاء الله ياربي مافي قلب الجنين اي شي ويكون سليم ومعافى ،، طمنينا عنج يالغاليه ،،



(بقايا)
الف مبروك البنوته ،، ربي يبلغج فيها عروسه ،،

( اللهم سترك)
مبروك دخولج السادس ،، عقبال التاسع يارب ،، ومشكوره ياقلبي على السؤال ،، انشغلت مع اهلي بالسوق وتجهيزاتهم ،،


(اعز الناس)
طمني نفسج اتوقع الحركه تتغير الحين وتبتدي تتنظم مع الوقت ،،


(جنان الورد) و (رورو)
الف مبروك دخولكم السادس وعقبال التاسع ياقلبي ،،


(بنت الهيلا)
ياهلا فيج بيننا ومبروك دخولج السادس عقبال التاسع يارب ،،

[Marawy]

(شولولي)
شخبارج فديتج لج وحشه ،، وشخبار النونو ؟ بس ليش الدكتورة تعاملها جي ! انتي رايحه بفلوسج مو بلاش !! حتى جنس النونو ما تبي تتأكد منه !! بس الحمدلله تطمنتي ان كل شي تمام وبخير ،، وان شاء الله تعوضين هالسفره مع زوجج بعد ولادتج باذن الله ومعاكم النونو ،،

[Marawy]

(ام التوينز)
ربي يعافيج غناتي ،، اي والله حاولت اخلص كل اغراضي واشغالي عشان بعدين اتفرغ للتناتيش الصغيره وحزتها بكون ثقيله مع الحمل ،، والله عندي احساس بيكون جنس النونو غير عن اخر مره ههههههههه الله يعين بس على هالدكاتره ،،
حلوين الاسامي (دانه وديمه) حتى (ديمه وريمه) حلوين ،،

[Marawy]

(ام اسكندر)
اما سالفة اخت زوجج ،، هههههههه والله الوحده تشكك بصراحه بس زين رضوا اللي في المستشفى انهم يلفون بناتهم عليها وتختار ههههههههه متعاطفين معاها شكلهم ،، الله يستر بس ما يجينا هالوسواس ،،
تقبل الله عمرتج فديتج وربي يرزقنا الاولاد والبنات السليمين والسليمات ونفرح بشوفتهم يارب ،،