لا تبعدي عن زوجك بالنفاس.... موضوع منقول ..شو رايكم بكلامها؟

[نجمة المنتدى]

حبيبتي موضوعك مهم كتير يعني انا لما بكون ولدانا جديد بهتم بحالي وببيتي وبتكون الماما زايرة عنا كم يوم لحتى صير شوي كويسة بعدين بقوم وانا بدير امور بيتي وزوجي والبيبي

[وحيدةأمها]

ررررررررررررررررررربك يعين :(

[من دونهـ ماأعيش]

مشكوووره حبيبتي ع التنبيه

مقصرتي يعطيك العافية يارب

تحياتي لك

[H & M]

الكلام فيه معقول وفيه مبالغ فيه بزياده مايصير الوحدة تدخل براسها فكرة خيانة الزوج نهائيا
لأن الفكرة لو دخلت بتكبر والشيطان شاطر أولا خلك واثقة بربك الزواج عبادة والحمل أيضا
واذا الوحدة فينا طبقت حقوق زوجها ووكلت أمرها لربها ماراح تخيب أبدا
أما اللي تسئ الظن وتطبق حقوق الزوج خوفا من إنه يروح يدور على غيرها تكون أسائت الظن
بربها أولا ثم بزوجها الله كفيل بالحب والمودة بينكم فلا تسيئين الظن به أبدا ولاتفتحين باب الشيطان بينكم
لأن أحب شيء للشيطان التفريق بين الزوجين أدري طولت بهالسالفه بس حبيت انبه لهالموضوع المهم
وغلط إن المرأة يكون زوجها شغلها الشاغل مثل ماهو له حياته وأهله وأصدقائه انت بعد لاتنسين نفسك
ولاترهقين نفسك لأننا غالبا ننتظر مقابل وطبع الرجل عندنا ياخذ أكثر من مايعطي وكذا بتسببين لنفسك احباط وألم داخلي أما بالنسبة للنفاس احنا نمشي مع العادات والتقاليد ونحسها ضروري اربعين يوم
موب شرط متى ماحسيتي انك ارتحت واخذت فترة نقاهة ومستعدة ترجعين لبيتك ارجعي وأنا أحس
كل وحدة وعلى حسب نفسيتها والبكريه مو مثل اللي مجربة وعندها خبرة وانت ناقشي هالموضوع مع زوجك
وشوفي وجهة نظره حلو لما نناقش كل شي يخص علاقتنا مع الزوج مو ناخذ أي كلام نقراه ونطبقه
يعني فيه أزواج يتفهمون وضع المرأة ونفسيتها وعارفين انهم ماراح يقدرون يتعاملون معها وقت النفاس
يعني هو بيفضل تكونين عند أهلك ولاننسى ان المولود الصغير يبي معاملة خاصة بعد
ومن قال ان فترة الحمل كلها تعيسه وكئيبه بالعكس مليانه لحظات حلوه والحمل مو معناته اننا نهمل انفسنا
أو أزواجنا
واخر شي بقول كل وحدة تعرف زوجها وتعرف اللي يحبه واللي مايحبه واللي يرضيه واللي يزعله
لاتسمعين نصايح وعلطول تطبيقين يمكن هالنصيحه تمشي مع غيرك بس انت تسبب لك مشاكل

[Love&Pride]

شكرًا ع الموضوع بس الوحده تكون في نفاسها بالذات البكريه محتاجة اهتمام ورعاية لها ولولدها وما أظن الزوج يقدر يوفر هذي الرعاية وزي ماقلتي هو يفكر في نفسه فكيف راح يقدر يوفر الرعاية والاهتمام للام والطفل
وبعدين كيف اول مره أولد واجيب شغاله ع البيت يعني طالعه من نفاس ولي فتره عن زوجي واجيب شغاله ع البيت

واذا كان عندها عيال هي راح تهتم بنفسها ولا برضيعها ولا بعيالها أظن انه حتى الي مو اول مره تولد تحتاج من أسبوعين لثلاثه حتى ترتاح

[>>>مصرقعه<<<]

موضوع حلو الله يعطيك الف عافيه<<< الله يقدرنا بس

[جرح البعاد]

كلامك فيه نوعا ما من الصواب مع شوي مبالغه وللعلم مو كل الحريم تهمل زوجها انا الحمدلله مااهمله واذا ولدت اغلب شي اتنفس ببيتي وهالشي يضايق زوجي لانه يحس اني اتعب ومحتاجه احد يساعدني حتى لو في خادمه لان الخادمه ماتشيل الشغل كله كالطبخ وتربية الاطفال اللي عندك واستقبال الضيوف في نقطه لفتت نظري انا ترا ماني مؤيده ان الطفل ينام بغرفة الخادمه ولا انصح فيها يعني عشان اهتم بزوجي اهمل طفلي حتى زوجي مابيرضى بهالشي وتعقيبا على كلامك عن الرجال صراحه مو كل الرجال زي اللي قلتي عليه بالعكس في ازواج طيبين ويحسون بزوجاتهم ويقدرون ان هالفتره متعبه للحرمه وصدقيني يتحملون لانهم هم يبغون هالشي ويطلبون الحمال من زوجاتهم رغم كل التعب الا انهم يتقبلون تبعاته موضوع حلو وقابل للنقاش والحوارتشكرين عليه

[خوآطر امرأة]

انا ولدت ولله الحمد ليا اسبوع ويوم توي يعني بس حبيت اثقف نفسي بصراحه ما لحقت اثقف نفسي ..
لا تحطي همك بزوجك خلي لك حياتك لا تتعبي نفسك بافكار تهدم حياتك لا خليك انسانة واعية ومفكره بحياتك صح دامك ما قصرتي لا تخافي من شيء وخليها ع الله
المهم انا الآن ببيت اهل زوجي لاننا بعمارة وحده فقلت افضل لأن بنوتتي بالمستشفى يحتاجلها تكبر شويتين صعبه ابعد عنها واخليها بمكان وانا بمكان عشان ولدت بجدة قيصرية وبيت اهلي بمكه فقلت افضل اكون قريبة منها بجدة وارسلها الحليب كل يوم عشان تستصح وتنام بحضني ( دعواتكم ) بأول اسبوع مافيني اناظر لنفسي بس احاول قد ما اقدر أنه ما اهمل نفسي وزوجي مقدرني الحمد لله يعني بيجي ينام عند اهله وجنبي عشان يحسسني انه معاي مو دايم صح بس اقلها احس بوجوده وانه حاس فيني وربي يا حلوات احساس حلو يكون ابو بنتك أو ولدك جنبك لا تطولين عند اهلك يعني اسبوعين بالكثير وارجعي بيتك لو شفتي نفسك طيبه أنا أأيد الكلام المكتوب لكن بعض الكلام مو مقنع لكن بغالبيته مقنع لا تهملي نفسك وبس ومشكوره يالغالية ع الموضوع ..

ارق المنى
خوآطر امرأة

[am nonh]

انا في نفستي الاولى عند امي بس في نفستي الثانيه باذن الله قررت اني اقعد عند زوجي وجيب لي خدامه الا متى وانا في بيت اهلي خلوه يصير لي بيت اذا جا زوجي لقاني مقابلته ويافرحه خاصه اذا جا من الدوام على اني ادري اكثر قعداته مب معاي بس احسن اني اروح مشوار خاصه ان اهلي يبعدون مني 5 ساعات سياره وانا مع الي قالت الكلام صراحه الافضل تقربين من زوجك بدال ماتبعدينه منك

[أسيرته]

موضوع جميل ببعض جوانبه وبعضه الآخر فيه شيء من المبالغة
طبعا الإهمال مااحد يرضاه انت نفسك اصلا تطفشين بالعكس نهتم بأنفسنا
وتعب الحمل هو اللي يمنع من الكشخه كل يوم بس بنفس الوقت لا نآخذها حجه
ونجلس بنفس اللبس يومين ثلاثة مثلا ؟
بالعكس نغير ونكشخ قدر المستطاع والزوج يعذر طبعا ..
لكن بقائك عنده بالنفاس احس صعبه بجد وهذا الشي محيرني بقوووة مدري ابقى معاه ولا اروح لأهلي احسن ؟
بجد يعني بكرية واهلي بعيييييد من يقوم فيني وان اخذت شغالة مابتسوي اكيد كل اللي ابي
ع الرغم ان زوجي مررررررره يبيني عنده بس لما فكر من يقوم فيني ولا يعرف يسوي شي
قال لا عند اهلك احسن ..
محتاااااره بقووووة والشغالات مااحبهم بالبيت ابد
ياااارب اللهم اختر لي الخير
شكرا وتقبلي مروري