تجمع حوامل اهل الاردن الطيب

[shireen]

المشاركة الأصلية كتبت بواسطة بنت جبل الصنديان

مرحبا يا صبايا كيفكم
اشتقتلكم صارلي كم يوم ما دخلت
شيرين كيفك طمنينا عن حملك
ام كوتي منوره انا موجوده
كيفك شوعامله بهالبرد

ابشركم اليوم كان عندي موعد بالمستشفى واتطمنت عالجنين
لانه قبل كم يوم نزلت علي افرازات بنيه ومتت خوف
واليوم الدكتوره طمنتني اثاريها من ابرالكلكسان اللي باخدها
يا رب تمم لي حملي واشوفه على حضني قريب
ما تتوقعو يا صبايا شو احساسي بعد 9 سنين زواج الحمد لله الله اكرمني انا وابوه يالله شو مبسوط اليوم لما شاف ابنه عالسونار حسيته رح يبكي
بحكيلي شوفيه نايم على ظهره وحاطط رجل على رجل ههههههههههه
عاد هو لسا ما اله اطراف لسه بس براعم نابته
ممممم حاسه فيني ولد ما بعرف ليش ماما بتحكلي انه صبي لانه توحمت عالموالح والحامض وكرهت الحلو معقول هالكلام صحيح
وقبل فتره حلمت انه شعر راس جوزي كله شيب ولما فسرته طلع انه رح ييجيني صبي
ولد بت اللي من الله يا محلاه
اهم شي ييجي معافى
معليش قرقرت كتير يله تحملوني لوحدي بالبيت وحضره جنابه جوزي طلع عالسهره مع اصحابه وخلاني
احبكم في الله عفكره انا من عجلون
اه صح الاخت تخيل اعطيك وجه مبطله اشوفها هون
ان شاء الله تكون بخير وتيجي تطمنا عنها وعن جنينها
شيري ان شاء الله ما تشوفي شر يا عمري
تصبحو على خير نعست صحيانه اليوم بدري عال8 هههههه
اتوقع ما بصير بالتاسع الا انا قد البرميل هههه

هلا يا عمري طمنيني عنك
انا منيحه الحمدلله بكرة رح ادخل بالتاسع وببلش بالعد التنازلي
والله يفرحك بشوفه ابنك اوبنتك بين ايديك يارب مو بس على السونار
وبالنسبة للنوم بالحمل طبييييييييييييييييعي بتصيري تنامي 30 ساعه من ال 24 ساعه خخخخخخخخخخ
كترت حكي بس شو اعمل الملل عامل عمايله معي

[بنت جبل الصنديان]

ام كوتي له له له انا هون امري

[ام كوتي]

المشاركة الأصلية كتبت بواسطة بنت جبل الصنديان

ام كوتي له له له انا هون امري

و الله اهلا و يا هلا كيفك انشالله تكوني مبسوطه .بتعرفي دمعت عيني بس حكيتي عن جوزك لمن شاف البيبي بالسونار ذكرتيني بجوزي اول مره شاف فيها بنتنا بالسونار الله يتتملك عخير يا رب انا منيحه والجو صار احسن بس يارب تمطر لانو هادا الجو بيمرض .

[بنت جبل الصنديان]

هلا والله شيري وين هالغيبه وشكرا عالدعوه القميله امين يا رب
الله يقوومك بالسلامه يوم ولادتك
احكيلي وين ساكنه عشان نيجي نزورك
انتي بإربد صح؟
صحيح بدي اسألك شو احسن مشفى خاص باربد عشان الولاده

[shireen]

لا حبيبتي انا مو باربد انا من عمان بس عايشة بقطر
وولاداتي كانو ببنتي بمستشفى الاسراء اللي بشارع الجامعه الاردنية وولادي التنين بمستشفى الاستقلال

وراتحت كتير بمستشفى الاستقلال اما باربد والله ماعندي علم

[الغريبة]

السلام عليكم
كيفكم بنااااااااااااات الاردن الحبيبة
على فكرة انا حامل جديد ومن الاردن الي شهر ونص
هاد رابع حمل الي عمري 28 سنة
ان شاء الله ربنا يتمم للجميع على خيييييير

[shireen]

المشاركة الأصلية كتبت بواسطة الغريبة

السلام عليكم
كيفكم بنااااااااااااات الاردن الحبيبة
على فكرة انا حامل جديد ومن الاردن الي شهر ونص
هاد رابع حمل الي عمري 28 سنة
ان شاء الله ربنا يتمم للجميع على خيييييير

يا هلا بالغريبة ومبروك الحمل خبرينا شو عندك اولاد ولا بنات

انا كمان هاد رابع حمل الي بس انا خلص بالمرحله الاخيرة لانه دخلت شهري
الله يتمم علينا بالسلامه يارب

[ام كوتي]

كيفكم يا بنات الاردن انا قربت ادخل التاسع و ايدي عقلبي من الولاده قررت اولد بمستشفى الراهبات اللي باربد بما اني اربداويه ههههه بحكو كتير منيح اول مرة ولدت بمستشفى الملك عبدالله وما ارتحت كتير بس هاي المرة مفكرة اخود ابرة الظهر اللي بتعرف اشي عنها بلييييييز تحكيلي لانو الم الولادة ما بعده الم و خايفه انها تكون مضرة

[shireen]

المشاركة الأصلية كتبت بواسطة ام كوتي

كيفكم يا بنات الاردن انا قربت ادخل التاسع و ايدي عقلبي من الولاده قررت اولد بمستشفى الراهبات اللي باربد بما اني اربداويه ههههه بحكو كتير منيح اول مرة ولدت بمستشفى الملك عبدالله وما ارتحت كتير بس هاي المرة مفكرة اخود ابرة الظهر اللي بتعرف اشي عنها بلييييييز تحكيلي لانو الم الولادة ما بعده الم و خايفه انها تكون مضرة

الله يئومك بالسلامه يارب

[بنت جبل الصنديان]

هلا وغلا ام كوتي الحلوه الله يخليلك كوتي يا رب ههه عفكره اسمها كوتي ولا دلعها هيك
انا الحمدلله منيحه والامور تمام بس شويه رشحه مغلبيتني من الجو متقلب عنا بالسعوديه
وبخصوص مستشفى الراهبات الورديه كتير بمدحو فيه حكتلي عنه صاحبتي اانهم كتير منظمين جدا ومستشفى نظيف
وبالنسبه لابره الظهر انا بحثت عاليوتيوب عنها واعجبني كلام هدا الدكتور وهدا رابط المقطع

والف سلامه عليكي والله يقومك بالسلامه