قصه وآآقعيه (خيآنه ) (غدر ) (طعن ) (قذف )(تشهير) مآسآه متجدده

[كآدي]

بسم الله الرحمن الرحيم

خلونا نكمل يا حلوات وبما ان بدينا في الحاظر لازم تفهمون معي القصه زين
لان انا مخي تعب منها

راح احكي لكم شوي عن زياد عشان تعرفون نوعه من الرجاجيل اممممممممم
شايف نفسه عشان معه ريال يعني فلوس يحسب انه يملك كل الناس بفلوسه من قوانين زياد التالي
ممنوع سؤال وين بتروح وين بتجي ومتى بترجع للبيت
ممنوع الأكل عند منار يبي ياكل مع عياله فقط أو اصدقائه
ممنوع الخروج لسوق أو لصيدليه واللي تبينه اكتبيه في ورقه
ممنوع حضور الزواجات والحفلات والارحام هم الام والاب فقط
ممنوع الذهاب ألى منازل خواتك المتزوجات
ممنوع اتكلم بدون اذن
ممنوع التكلم في الثابت أو الجوال كثير متابع للفاتوره أول با أول يخاف يشوف رقم غريب
ممنوع اضافه أي رقم للجوال قبل إن يخزنه هو في جواله حتى لو كان جوال ابوها
ممنوع الذهاب للمشاغل
ممنوع تدق عليه جوال اذا صار خارج المنزل
ممنوع انه ينام وهي ما اعتذرت منه وتتاسف وتذل نفسها حتى لو كان هو الغلطان
ممنوع كثره زيارت للاهل مره وحده وساعه وحده في الشهر
ممنوع تنام قبل يجي حتى لو تأخر الوقت
ممنوع انها تشكي همومها لدفتر وللقلم
ممنوع تعارضه في أي شي يطلبه حتى لو كان الطلب يغضب الله ( هذي حطو عليها خط )
ممنوع انها تطلب أو تتقرب منه لهدف التودد لعلاقه جنسيه
ممنوع الخروج في مقدمه المنزل
ممنوع التعليق على أي شي ما يعجبها
ممنوع الخروج للمنتزهات
ممنوع طلب وجبات من المطاعم أو طلب تناول وجبه في احد المطاعم العائليه
ممنوع ن تحتفظ لو بعشره ريال في حقيبتها
ممنوع حتى تحط على جسمها كريم ترطيب يقول ابيك تخشنين < وجع مدري وش يحس به
والله العظيم يا كثر الممنوع وبطرق للممنوعات أخرى اثناء القصة بس وش العقاب إذا أخلت بأحد القوانين
بصارخ عليها ويهنها وما راح يحيها ثاني ويقفل عليها الأبواب لمده 3 أيام أو أسبوع
أهم شي عنده الأكل والشرب وبس غيره ممنوع الطلب
والله العظيم حتى الحيوانات ما تتقبل هذي العيشة بس منار مجبورة تصبر عليها وتعيشها لأنها ما تبي تتطلق ما تبي تعيد مآسآتهآ
طبعا لمنار هذي جاره من المنطقه الجنوبيه وبما إن جارتها بعيده عن اهلها تلاقينها كل يووم عند منار ههههه على الأقل تسليها شوي طبعا جاره منار تجي عند منار ومنار ممنوع تروح لها
ومرت الأيام ومنار متحمله الضيم والظلم وساكته طبعا زوجها يراقب منار بكاميرات تجسس إنا قلت الكلام هذا الحين بس هي ما عرفت إلا بعدين المهم انه يراقبها في تحركاتها ويشوف كل واحد يدخل البيت ومرت الأيام وزياد ما لقى شي يمسكه على منار طلب زياد من منار إن تنقطع عن جارتها وتمسح رقم جوالها ولا تفتح لها باب الشقه ومنار أكيد راح تنفذ الأوامر هذي طبعا زوج جاره منار يصير صديق زياد للمعلومه فقط
ومرت الأيام على انقطاع العلاقه وفي يوم من الأيام قال زياد لمنار طليقتي اللي قبلك تكلمني طبعا لازم منار تسكت وهي قصيميه ما عليها حلووه بس أنتي احلى منها ابتسمت منار فرحه انه قال أنتي احلى منها
سكت شوي وقال دايم تدق علي شكلها مشتاقه لي .. انفجرت دموع قلب منار وتكاد تخفيها ... قال زوجها هي فقيره مسكينه وساكنه في الحي المجاور ومنار تحترق ويديها ترجف وما تقدر تنطق ثم قال ليش ما حملتي
شكل ما فيك عيال قالت منار كل شي بيد الله والله كريم قال لها زوجها زياد أصلا لو حملتي حطي في بالك إن الولد بيتربي مع اخوانه في بيتي الأول فزت منار من مكانها وقالت هذا ولدي وانا امه وش دخل زوجتك الاوله تربيه تدرون وش رد عليها ؟؟؟؟
طبعا أول شي بقولكم أنها تكلمت بدون اذن يعني الرد بيكون صاارم
قال زياد وأنتي ما تجين ظفر اصبع رجل زوجتي الاوله ..... تقول منار حسيت إني بموت حسيت الدنيا تلف وتدور حسيت بيغمى علي وتركها وطلع طبعا زعلان
لا حول ولا قوه إلا با الله حسيت انه رجاال حقيررررررررر
ومرت الأيام وفي يوم اخذ زياد جوال منار واغلق عليه باب الغرفة ودق على .... لو اقولكم ما راح تصدقون ؟ تدرون من دق عليه ...؟ دق على جارتها ؟؟؟
قال : الو
الجآره : هلا
زياد : فلانه
الجآره : ايه
زياد : إنا زياد زوج منار ممكن ادق عليك من جوالي ابيك ضروري في موضوع يخص منار
الجاره : خلاص دق انتظرك
تدرون وش نيته يوم يدق ؟؟؟؟؟؟؟؟؟؟؟؟
هو عنده هوس حريم يعني يحب الحريم وبذات الحريم المقربين منه عشان محد يشك فيه ومحد يشك في دخلات الحريم لبيته كا نهم جايين يزورون زوجته يعني
المهم راح تفهمون قصدي خلال القصة
لاكن الجاره قلبها ما ارتاح والأصابع ماهي سواء دقت الجاره على زوجها اللي هو صديق زوج منار وقالت لزوجها تخيل زوج منار عقب ما منع منار من صحبتي دق علي من جوال منار وقال ابيك ضروري وبدق عليك من جوالي
قال زوج الجاره طيب كلميه وانا جاي في الطريق
المهم ويدق جوال الجاره وترد الو
زياد : شخبارك
الجاره الحمد الله وش تبي
زياد : قال معقوله ما عرفتي وش أبي
الجاره لا والله ما عرفت منار فيها شي
زياد : ابيك تجين للبيت عند منار بس إنا بصرف منار بخليها تروح لبيت اهلهاا وأنتي لا تعلمين زوجك يعني كانك جايه لمنار
قالت الجاره : يصير خير يا الله مع السلامه
وصل زوج الجاره وقصت الجاره كل شي لزوجها لم يصدق معقوله زياد كذا اعوذ با الله والله انصدمت فيه
ويدق زوج الجاره على زياد قائلا
والله انك خسيس تبي تدخل حرمتي بيتك وزوجتك عند اهلها يا اللي ما عندك رجوله ولا غاريه علي حريم المسلمين هذا وانا جارك يا الخسيس تبي تخوني
اسمع حنا لا جيرانك ولا تعرفنا ومالي الشرف لجار مثلك
وياليت تطبق الكلام هذا على نفسك تخيل إنا اللي مكلم حرمتك وابيها با الحرام وش رده فعلك يا حيوان اكيد بتطلقها وماراح تصدق بس انا واثق في حرمتي
وزيآد في صمت شديد << سبحآن الله كل قوي فيه اللي اقوى منه

وللقصه بقيه واحداث مثيره
انتظروني
محبتكم كادي

[TOomy]

انتظرررررررررررررررررررر الجديد

[تمنيت تفهمني]

يارب سترك .. ننتضرك

[أميرة الصمت]

كملي بنتظارك

[تويكس]

يا الله وشوو ذا لاحول ولاقوه الا بالله يارب استر علينا وعليهم
كملي يالغلا بالله-- انتظرك

[خطوة بريئه]

بليز لاتطولي علينا

[um_khalid]

يا سلام... والله مالي صبر انتظر اكتر
:)
قصة مشوقة

[TOomy]

وينك ننتظر جدييدك...........؟؟

[كآدي]

بسم الله الرحمن الرحيم

آسفه يا بنات على التآخير بس ولدي جنني في الروضه ما عرف يكتب حرف ط وقلبه موب يم الدراسه يبي يلعب مع اخته
الله يخليهم لبعض يارب
المهم نكمل قصه صديقتي

طبعا زياد ما عاد صار له وجهه قدام جاره وما توقع جاره منار ترده لانه يشوف طريقه سوالفها وكلامها مع منار خلال الكاميرات وتعرفون الحريم اذ جلسو مع بعض يسولفون ( يتطرقون لبعض المواضيع اللي خبري خبركم أو يعلقون على احد معين من الفنآنآت أو أو أو )

المهم أصلا زوجها ماله حق يراقب الناس جواء البيت إذا حاط براسه كاميرات يكفي يحطها عند باب البيت يشوف الداخل واللي خارج
طبعا أكيد تقولون كيف عرفت منار .. جآره منآر هي اللي التصلت على منآر وقآلت لهآ القصة طبعا منار ما تقدر تعاتب زوجها ابد عشان ما يكرشها بس قالت له إن الجاره دقت علي وقآلت كلام عنك قآم يصآرخ على منآر و يهددهآ لو حكت معهآ ثآني هههههه ( فوق راسه بطحى )
وراح أسبوع على السالفه ذي وقرر زياد يغير بيته يبي يبعد عن جاره واستاجر بيت جنب بيته الأول ومرت الأيام
كان جنب بيتهم الجديد جار مشلول سبب الشلل حآدث الله ( الله يحفظ الجميع ) المهم حب يتزوج هذا الجآر ومالقى بنت سعوديه ترضى فيه لا من قريب ولا من بعيد واضطر يتزوج سوريه وبا الفعل جت السوريه زوجه المشلول ... طبعا السوريه ما خذت على حبسه البيت وفي يوم شاف المشلول زياد وحب يحكي معاه بخصوص إن زوجته السوريه تزور منار ( هع ) ما صدق خبر قآل ايه خلهآ تجي ( حيوآآآن حط عينه عليهآ )
قال زياد عطني رقم زوجتك عشان اعطيه زوجتي والجار المشلول على نياته مسكين اعطاه الرقم .. راح زياد لمنآر وقال لها زوجه جارنا المشلول تبي تجي اليوم قآلت منآر الله يحيهآ
طبعآ ما اخفيكم إن منآر دقت علي وقالت لي .. تدرون وش قلت لها ؟
قلت لهآ يا منآر أنتي الحين صرتي تعرفين زوجك يعني الحرمه ذي اللي بتدخلينهآ بيتك بيلاحقها زوجك وبيكلمها ووووو وأنتي خابره وهذي المره جارتك سوريه يعني متعودين على دق الحنك والكلام السوري الحلو وأنتي بنفسك قايله لي انه يحب المصريات والسوريات من الدول العربيه وان اصدقآئه كلهم نفس اخلاق زوجك ودائما إذا اجتمعو مع بعض يتكلمون كلام سيئ عن السعوديات لانهم رجال يبون الهواء بس إذا جد الجد ما حد متحملهم إلا السعوديات وقمت اقص لها قصص اعرفها من سعوديين متزوجين من الدول العربيه وفي الاخير بعد ما عبو مخابيهم من الرجال السعوديين طلبو الطلاق
المهم إني جلست احرصها على بيتها وزوجها وبعد يومين دقت علي وقالت إن السوريه هذي جتني قلت طيب وبعدين قالت ابد ما عندها سالفه إلا عيشتها في سورياء وعيشتهآ هنآ قلت كيف؟ قالت منار إن العيشة هناء ما عجبتها تقول مثل السجن وما فيه مكان اطلع فيه اشم هواء قمت اضحك قلت كآن قلتي لهآ الهواء اللي عندنآ انهآ تشم ريحه المكيف خخخخخ
المهم قلت نصيحتي لا تدخلينهآ بيتك ثاني وأنتي براحتك
طبعا زوجهآ زياد من طلعت السوريه من عند منار وهو جالس يحقق معها
يقول وش ذا الخشم عليها خفت منه كنه خشم وفاء موصلي اللي في بآب الحاره ومنآر ساكته .. ثم قال وعيونها نقطتين حسبت مالها عيون قآلت منآر عآد هذي خلقه ربي قال زوجهآ بس كل هذا ما يهم أهم شي ... قآطعته منآر وقالت وين شفتها فيه ؟ بعدين انا تآخرت عن الصلاه بروح اصلي .. قال زوجها تصلين وانا عندك كان صليتي قبل ما اجي قالت منار البنت ما طلعت إلا قبل شوي وانت جيت على طول طبعا زعل وتركهآ وطلع
وفي اليوم اللي بعده دقت السوريه على منار نبي تجي .. منآر صرفتهآ واليوم اللي بعده ارسلت رساله تقول فيها
منار أبي اجي انوم عندكم إنا كثير طفشانه ردت منار بمسج تعتذر أنها مشغوله اليومين ذي << طبعآ تصريفه بدت تحس منار انها لزقه!
عرف زياد إن منار تصرف السوريه جاء ومسكها مع يدها بقوه وقال لها .. ليه تصرفين السوريه قالت منار إنا مشغوله .. قال زياد موب على كيفك إنا اقولك تجي يعني تجي وسكتت منار ثم قالت خل زوجتك الاوله تستقبلها ... ثم عصب زيااااااد وقال لها يصير خير
واليوم اللي بعده دق باب منار ومنار طبعا ما تدري من عند الباب مسويه يوم نظافه للبيت كله يعني البيت مكركب وحوسه ومطهرات وصابون وغسيل ملابس يعني مرره حوسه .. قآلت منآر ماراح افتح وشوي ويدق جوالها منار ما ردت لان السوريه هي اللي تدق بعدين ارسلت مسج قالت فيه زوجك عازمني عندك ممكن تفتحي الباب؟؟ ( يا عيني على قطه الوجه خخخخ)
جن جنون منار وعلى طول دقت علي تبكي تقول إن السوريه تقول زياد عازمها في البيت قلت لمنار ما قلت لك ابعدها عن بيتك لا حول ولا قوه إلا با الله
طبعا ما فيني انفعها بشئ صبرتهآ على مصيبتها وقفلت المهم جاء زوجها متضايق ويقول ليه ما تفتحين الباب عن السوريه قالت وانا وش يدريني انك عازمها بدون علمي طبعا يا ويل منار على الكلمه هذي
وخرج زياد زعلان وقفل عليها الباب لمده أسبوع ( والله حرام عليه يعاملها مثل الحيوانات )
وبعد أسبوع رجع طبعا هناء لازم منار تحب يديه ورجليه وتعتذر لما يرضى وبعد ما رضى قالت منار ابشرك الدوره ما جتني تدرون وش رد عليها إنا عندي عيال وعادي عندي أنتي بلحالك افرحي <<< يؤ يؤ يؤ يؤ يؤ يؤ يؤ يؤ يؤ يؤ يؤ
وش هذا الرد يا زياد ما تخاف ربي يخسف بك الأرض انت وعيالك في ساعه؟؟؟؟ الاولاد نعمه من الله تستاهل الحمد والشكر والثناء الحسن بس والله ما ينشره عليه طبعا نفسيه منار زززززفت بشكل عام
يوم كانت نحيفه يقول لها اسمني ويوم سمنت قال لها انحفي يلعب بجسمها لعب واذا ما تم اللي هو يبه يقول لها إنا وش حادني عليك ( اعوذو بآ الله )
في هذا اليوم اعترف زياد وقال
منار أنتي كنتي الساعه 7 الصباح في المطبخ وبعدين طلعتي من المطبخ ورحتى لغرفه النوم ومنار ساكته تقول يارب وش لون عرف ؟؟ وقام يضحك هههههه يلعب بعصاب منار
ومنار ساكته ثم قال صح ولا لا قالت ايه قال أصلا إنا مركب كاميرات ارقبك من أول يوم زواجنا ويضحك هههههههههه والله إن منار وهي تحكي لي قلبها بيتقطع من الصياح طبعا عرفت منار انه شايف كل وحده تدخل بيته من صديقتها وانه حتى شايف خواتها اللي ما تزوجو لانهم زروها مره كآنت تقول شاف خواتي عريآنآت لاني مخليتهم يبدلون ملابسم في المجلس والمجلس فيه كاميرات وتبكي والله انها تبكي من قلب... وانا اصبرها واقولها معليش شسوي هي تخاف تتطلق وانا ما في يدي شي بس اتخيل موقفي وانا مكانها اعوذو با الله وربي شي يقهر
حسبي الله عليه
وفي يوم قررت منار تدور الكاميرات واخذت تبحث تبحث وبدون سابق موعد وأول مره يجي زياد هذا الوقت
دخل عليها مثل الحرامي بدون صوت وقال وش تدورين تلعثمت منار وقالت ما ادور شي قال زياد شكلك تدورين كاميرات هههههههههههه لا تخافين ماراح تعرفين مكانها ويضحك ههههههه ( يمه منه يقهر ) لعب في نفسيتها وهي حامل ما اهتم فيها ...وجلس عندها وطلع الزقاره يبي يدخن قال لها تعالي دخني (قالت انا ما ادخن بعدين إنا حامل ما يصلح )
قال من قال ما يصلح تعالي دخني إنا ابيك تدخنين طبعا ممنوع رفض الأوامر حتى لو كانت تغضب الله ( مع العلم انه لا طآعه لمخلوق في معصيه للخالق بس منار والظروف اللي مرت فيها والسمعه الوسخه اللي لصقتها في اهلها قررت تدخن وما تفكر عشان ما يتضايق زياد
اعوذو با الله حتى ولده في بطنها ما فكر فيه انآآآآ اكرررررررهه حسبي الله عليه

للقصة بقيه

انتظروني إن شاء الله بكتبها قبل 12

محبتكم كادي

[زهرة البنفسج]

حسبي الله عليه
ننتظرك يالغلا