يومياتي بعد ترجيع الأجنة

[مؤمنة بالله وحده]

المشاركة الأصلية كتبت بواسطة أم السلطان

السلام عليكم ورحمة الله وبركاته
.
.
المفروض انا اللحينه نايمه واشخررررر بعد.
.
.
بس حبيت اطمن عليكم قبل ما انام يا خواتي ((( اموووووواح )))

شكراً لكل الخوات اللي مرووو وتذكروني بالدعوة ( جزاكم الله كل خير)
.
.
اختي مؤمنة بالله وحده ....
بخصوص سؤالك يحسبون من تاريخ آخر دورة
لان الحساب يكون من عمر البويضة (( سبحان الله ))

وهذا الموضوع كان محيرني وايد في رحلتي الاولى من ترجيع الاجنة *_^

و عليكم السلام و رحمة الله ^_^
ههههههههههه نومة الهنا و العافية حبيبتي :*
لا حبيبتي سؤالي مش على الحمل و كده
اقصد بعد ارجاع الاجنة عشان التحليل
يعني نحسب ال 14 يوم من اول يوم عملية الارجاع صح ؟

[أم السلطان]

اختي مؤمنة ...
سامحيني ما انتبهت لسؤالج... عشان اتصدقين اني مقفله ههههه
.
.
هيه حبيبتي يتم احتساب الأيام من يوم ترجيع البويضه للأم
.
.
ويبدأ العد التنازلي
والدعوات الطيبه
والتقرب ألى الله

[أم السلطان]

يالله يا حبيباتي واخواتي
يالله خل نرقد ونرتاح ونريح اجنتنا
.
.
تصبحون على خير
وربي يحقق امانيكم
ويرزقنا ويرزقكم الجنة يااااارب
.
.
مع السلامة

[مؤمنة بالله وحده]

تمام حبيبتي ربنا يبارك لك يارب :*
ان شاء الله ربي يتمم لنا بخير يارب و ييسر لنا الحمل و ثبات الاجنة :)
تصبحي على خير يا قلبي ^_^

[أم السلطان]

السلام عليكم ورحمة الله وبركاته
صَبحكَــم.ﷲ͜بالـخِيــر ياخواتي الحبيبات...
.
.
خواتي اللي يكتبون على الخاص تحياتي لكم..
وانا احترم وجهة نظركم..
و
و
و
فالكم طيب.. اللي تحب تكتب على الخاص عيوني لها
وانا حاضره..
.
.
انا هدفي ان الكل يطّلع ويستفيد
.
.
بس مثل ما قلتوا في كلام حريمي وخاص
وخصوصاً ان المنتدى يمكن ان يطّلع عليه النساء والرجال
ومن غير تسجيل رسمي بالمنتدى...
.
.
انا شاركت وسجلت لوجه الله تعالى
عشان الكل يستفيد ونتبادل خبراتنا بهذا الموضوع
ولاننا نمر بنفس الوضع
فشي أكيد ان نحن نحس ببعض اكثر
لأننا نمر بنفس الفترة ونحتاج اللي يسمعنا
والمهم ان يرد علينا لأي سؤال يكون بالخاطر
.
.
يسعد ربي صباحي وصباحكم
.
.
و مرة ثانية بعد بقولها
الباب مفتوح للكتابة على الخاص
.
بنات انا في انتظار مشاركاتكم
.
.
كيف تقضون فترة الانتظار ب ال (١٤) يوم قبل التحليل
خل نستفيد ونفيد ...؟!!!
.
.
مع السلامة

[أم قثم]

السلام عليكم...

أسأل الله أن يطمئن قلبك أم السلطان...

وانا سجلت خصيصا في المنتدى لما شفت موضوعك...

صار لي فترة طويلة أبحث في الحمل بطفل الأنابيب
لأن الطبيبه نصحتني بهذي الطريقة..

لكن أسئلة كثيرة تدور في خاطري...

وياا ليت ألقى لها جواب

[أم السلطان]

هلا يا اختي .. ام قثم

مرحبا بك معانا
وان شاءالله انا موجودة
وكل الأخوات بعد ما بيقصرون معاج
.
.
.
وأباج تكونين مطمنه ويكون ايمانج بالله قوي
وربنا كريم كريم كريم وان شاءالله بيجبر بخواطرنا
ويرزقنا الذريه الصالحة ياااااارب..
.
ومرة ثانيه بعد حياج
وأي شي بخاطرك انا والخوات مابنقصر معاج
بتجاربنا ومعلوماتنا
.
.
خخخخخخ .. و نحن نطبق المثل اللي يقول:
اسأل مجرب ولا تسأل طبيب ...
صح يابنات ؟!!! اللي توافقني ترفع أيدها

وتسوي حبتيييييبن لعيون ام قثم *_^

[رحيل بعالم النسيان]

المشاركة الأصلية كتبت بواسطة أم قثم

السلام عليكم...

أسأل الله أن يطمئن قلبك أم السلطان...

وانا سجلت خصيصا في المنتدى لما شفت موضوعك...

صار لي فترة طويلة أبحث في الحمل بطفل الأنابيب
لأن الطبيبه نصحتني بهذي الطريقة..

لكن أسئلة كثيرة تدور في خاطري...

وياا ليت ألقى لها جواب

هلا فيك ام قثم ماقلتي ايش مشكلتك اللي منعت عنك الحمل الطبيعي ....وان شاء الله راح تنبطين معنى في موضوع ام السلطان ابى قلبها افتحت انفسنا في هالمكان
الله يسعدها يارب

[أم قثم]

فديتكن خواتي...

الله يطمن قلوبكن...


.. انا متزوجه من سنه... بس تزوجت منأخر .. كله بأمر الله...


حركة الحيوانات ضعيفه ... والطبيبه خبرتني انه الخصوبة عندي ناقصة...


ونصحتنا بالأنابيب...

لأول وهله انصدمت وخفت... لأن الكلمة تخوف... وقلت لها لا ما أريد... أريد التلقيح الصناعي... ما نصحتني بالتلقيح وقالت لا تضيعين وقت..

وكنت متردده أخاف لا يكون فيه محذور شرعي ...

وبدأت أقرأ في النت واستفدت من تجارب الخوات


ويظل عندي سؤال... كيف يكونوا الأطفال؟؟ هل طبيعين...؟؟

هل بيعيشوا حياة طبيعيه ؟؟؟


ما بيتأثرون في المستقبل ..؟؟؟


كثير أسئلة تدور في بالي

[تمنيتك بأحلامي]

الله يبارك في حياتكم ♥

ام السلطان
سمعت عنه ماي غريب قالت لي بنت عمي وقلت لزوجي يشتريه
وانا دايم بعد الرضاعة اطبطب على ظهر بس ولدي عنيد مو دايما يتشجى ><
حتى مرات لازم يستفرغ وصرت انومه على جانبه اليمين او اليسار علشان لو استفرغ وانا نايمة مايبلع اللي استفرغه
وصياحه انا اشك من السرة متأذي منها مع انه طاح بعد اسبوع من الولادة
بس مرت فترة يطلع منه دم وديته للمستشفى قالوا لي مافيه شي بس حطي له مسحة طبية
ومرة وديته للزكام وسألت الدكتورة كشفت عليه قالت مافيه شي والحمد لله ماصار يطلع منه دم
بس هاليومين اشوف السرة بارزة لبرا وداخلها اسود
خوفي يقولون ماطاحت كاملة نفس بنت اخوي سووا لها كوي ><
بشوف اليوم اوديه مستشفى خاص يمكن افضل
وصحيح كلامك ماانام على نومته هو يازينه منظم نومته ينام 12 ويصحى وقت صلاة الفجر ويرجع ينام ويصحى الصبح
اما انا ماانام الا قبل الصلاة بساعة واصحى للصلاة وارضعه وانام ><

مؤمنة بالله
تجربتي بعنوان
(0 ما زالت الحياة مستمرّة وما زال الأمل موجوداً .. تجربتي مع التلقيح المجهري)
تحصلين الموضوع فوق التوقيع حقي

ام قثم
الله يبرد قلبك بجنين
قرأت ان التقيح الصناعي نفس الجماع يعني كأنك ماسويتي شي
والافضل التلقيح المجهري اللي هو الانابيب
وكلنا اكيد بالبداية ماتقبلنا فكرة الانابيب
انا لمن قالت لي الدكتورة عندي انسداد بقنوات فالوب
قلت لها مافي علاج يفتحهم؟
صرخت علي لاتضيعين وقتك وعمرك في الاخير راح تكبرين وتندمين انك ماسويتيه ولا جبتي اطفال
جلست يمكن شهر او شهرين انا وزوجي مو متقبلين وبعدين عانيت كثير وانا اقنع زوجي والحمد لله اقتنع بالاخير
وأكيد اطفال النابيب نفس غيرهم طبيعين وان شاء الله ماتكون عندهم مشاكل
هو التلقيح كيف يكون! ياخذون بويضتك وحيوان منوي من الزوج ويحقنونه بالبويضة
وينتظرون اذا انقسمت يرجعونها لرحمك وتنغرس بجدار الرحم بأمر من الله ويحصل الحمل
في بعضهم ماينغرسون بالرحم وينزلون من الرحم ومايصير حمل

بالنسبة لفترة الانتظار .....
كنت يوميا اخذ السبحة واسبح لربي 100 مرة
يعني السبحة فيها 99 حبة كنت لمن اخلص من هال99 حبة ارجع من الاول واخلص وارجع من البداية من جديد وهكذا الى ان اكون استخدمت السبحة 100 مرة
ويومياً اقرا قرآن أي سورة تطلع لي اول ماافتح القرآن اقراها ماالتزمت بسورة معينة
وكان عندي انشودة للطفل كنت اسمعها والمس بطني اكلم عيالي خخخخ
وحاولت اكون متفائلة لمن يجي ببالي ان ممكن تفشل
اقول لنفسي مافي سبب يخليها تفشل كل اللي عندي انسداد ودخلوا لي البويضات مافي سبب ثاني يمنع الحمل عندي وان شاء الله ربي بيفرحني بالحمل والحمد لله ربي ماخيبني
كنت اكل خيار وبيض مسلوق قرأت انهم يساعدون في ثبات الاجنة