كيف علمتي زوجك انك حامل

[اروي يقيني]

الله يسهل عليكم ويتمم عليكم بالف خير

خواتي ادعو لي ان شاءالله احمل

والله بموت على الحمال

الله يرزقني ويرزق كل المحرومات يارب

[قلب فصولي]

مشكوره حبيبتي ع الموضوع الحلو والاحلى منه ردود البنات الله يثبت حمل كل وحده حامل ويرزق كل محرومه الذريه الصالحه عاجلاً غير آجل يارب

بصراحه قصتي قصه انا من بداية الزواج ماكنت ابغى احمل إلا بعد 6 شهور اقل شي حتى اكلت حبوب منع حمل بداية الزواج وكان زوجي رافض وتركتها بعد شهر ونزلت الدوره علي بعدها والشهر الثاني تأخرت وكنت خايفه من الحمل وهو يتحسب انه يكون حمل حتى يقولي لما رحت احلل إذا طلع حمل لا تزعلين احمدي ربي لأن غيرك يتمنى الحمل ومن هالكلام المهم حللت طلع مافي حمل ع طوووووووووووووول طيرااااااان له اناديه من الاستراحه انتظار الرجال واقول ابشرك مافي حمل صح زعل شوي بس الشهر الثاني تأخرت الدوره وانتظرها لمدة 9 ايام ومثل ماقلتو اعراض دوره وفيني خمول ونووووووووم بس وكنت شاكه بالحمل بس مابينت له وهو يدعي ربي انه حمل لأن اخوانه اثنين ما حملو حريمهم المهم قلت له وإحنا مره في السياره وش رايك نشتري التحليل المنزلي ويطير ع الصيدليه ويجيب افضل نوع وقاعد يخيريني بالسياره اطلبي ماتتمنين إذا طلع حمل المهم اول مارجعنا البيت وسويته طلع خط واضح وخط خفيف وتحطم وقال الحمدلله على كل حال وفي هذا الوقت تمنيت انا انو حمل عشان خاطره وكان نهاية الاسبوع بيسافر وبروح انا عند اهلي فأخذت معي جهاز الاب توب تبعه قلت بروح احمل فيه اشياء من اهلي وانا امزح معه في بالي شي ثاني ويوم رحت عند اهلي رحت للمستشفى وحللت دم وطلع حمل بعد ماكلمت الدكتوره وانا في السوق مع اختي بصراحه حزنت ماادري ليش ماكنت ابغى حمل بدري واختي ع طول تضمني قدام الناس وتبوسني مبروووووووووووك المهم بعد مارجعت البيت حملت صورة من النت صورة جنين في بطن امه في الشهر التاسع وماسك الحبل السري وكتبت عليها مبروووك يابابا وحطيتها خلفية سطح المكتب وبعد مارجع واخذني من اهلي قلت افتح الجهاز فيه مفاجأه لك قال اكيد صور الزواج ويوم فتح طااااااااااااااار من الفرحه ويجلس يحمد ربي ويبوسني وقال كيف خطرت عليك الفكره
طووووووووووولت عليكم بس هذه الحكايه

[kokee]

ذهب معي للتحليل اساسا ههههه

[نوووره]

كنت في مستوصف في قسم النسا وهوه في قسم الرجال وارسلتله مسج وخبرته .

[decheesecake]

كان زوجي معايا وقت ما اخدنا النتيجه..

[غلادنس]

موضوع حلو والله

اما انا بالنسبه لي حملتي الاولى ببنتي هو فرح حييييييييل وانا ضليت ابكي يمكن شهر خخخخخ

وحملتي الثانيه كان مسافر اتصلت عليه وهو بالسفر وقلت له بس لما رجع من السفر رجوله مو طايله الارض وده يحملني ويمشي بي عشان ماتلمس رجولي الارض .....


اما حملتي الثالثه الي هي الحين لان ضليت 6 سنوات على ولدي وهو حيل خاطره اني احمل قبل لاتتاخر علي الدوره قلت له يشتري لي تحليل حمل قالي تو بدري

قلت له جيبه ماتدري يمكن ويمكن..... لان ضليت 4 شهور بدون موانع ولا حملت بس حبيت العب يعني بالتحليل خخخخخخخ

جاب لي التحليل سويته وتركته على المغسله لانه يبيله دقيقه تقريبا او دقيقتين

ابي اتجرأ اروح اشوف النتيجه ماني قادره .....قلت له قوم شوف التحليل

جاني قالي خطين شنو يعني

انا انطيييييييييييييت ومت من الضحك <<<<ليش مادري تقولي خبله هههههههههه

قالي شنو مانتي حامل

قلت له خطين يعني حامل وانا ميته ضحك وللحين مادري شنو سبب الهستيريا الي صابتني ذاك الوقت

هههههههههههههههههههههههه

والحين انا بالشهر الثامن الاسبوع الاخير منه

دعواتكم ربي يتمم لي على خير ويفرح زوووجي بالمولود الي انتظره من زمان :)

[فديت حبيبي A]

مرحبا موضوع حلو جدا وحبيت اقولكم كيف خبرته بحملي لان من يومين عرفت اني حامل
هوا دوامه في شركه يعني 12 ساعه ماشوفه من 6 صباح الى 6 مغرب قبلها يوم الجمعه واحنا راجعين من عند اهلي قلتله مر الصيدليه وخذ تحليل حمل طبعا مر وكان ماعند امل اني احمل لان ماكملنا 4شهور متزوجين ونظريته انو المراة بعد 6 شهور تحمل ))مدري من الي قاله هذي المعلوومة الخطيرة هههههه
المهم من الصبح راح العمل وانتظرت الساعه8 سويت تحليل وطلع خطين وفررررحت واااااااااااايد كنت بدق عليه اخبره او ارسل مسج بس قلت لا..لا ...خليه يجي واسويها مفاجأة لانه يستاهل اقدم له احلى خبر باجمل طريقه واحلا اسلوب يستاهل حبيبي,,,,,
المهم- رحت زينت غرفه النوم ورتبت البيت وطفيت الانوار كلها بس شمعات فغرفة النوم شغاله
ورتبت له مفاجاءة حلوة طبعا لان كان عندي وقت كبييير اسويها
اول مادخل جا حبيبي يمشي باتجاه النور واول مادخل لقى مكتوب بالورد عالارض *مبروك حبيبي انا حامل وحولها شمع ماصدق الخبر جلس يصيح من الفرحه جيت من وراه بأبهى زينتي وشغلت الانوار والتحليل بيدي علا طوووول قام شالني ويحضني لدرجة اني بكيت ))) تتذكر الموقف ,وربي احساس مررره حلو لما تحسين انك تملكين شي من اغلا انسان عندك كيف اذا كنتي حامل وانه قطعه منه بتحافظين علية اكثر من روحك
_صباح الاحد كتب لي علا ورقه وحطها عالطاوله مكتوب فيها *حبيبتي لحد الحين احس اني بحلم ومو مصدق انك حامل ولاتخافي راح ارجع البيت بدري احس اني مشتاقلك ماودي اروح الدوام انتبهي لنفسك ......الباقي احتفظ فيه ......ووووووووووووووبس وسامحوني عالتطويل هذا الي صار

[ام سيد علي]

اني جلست سنه وشهرين من زواجي من دون حمل

ولم تاخرت الدوره 3 ايام تعبت وداني المستشفى

وسويت تحليل بول ودم وبعد ساعه طلعت النتيجه

وهو الي استلم النتيجه وقالت له مبروك حامل المدام

وفرح وحضني اني اقول لك لاتكذب علي يقول لي جد

انتي حامل مبروك والحين لي 4 شهور بدخل الخامس

الله يتمم علي بخير واشوف النونو في حضني

[قمر بنت راشد]

انااا صار لي سنتين و نص متزوجه بس كنت في البدايه خايفه عشان عندي جامعه

ولما صرت اخر كورس قلنا خلاص ان شاءالله اللحين يصير حمل والولاده بعد التخرج ان شاءالله

المهم انتظرت اول شهر مافي لان مافكرنا بالشي الا بعد ايام التبويض وثاني شهر بعد مافي شي بديت اخاف قلت يمكن لاني اخرت

وثالث شهر بعد مافي شي بديت اخاااف حيل

الشهر الرابع من الانتضار او الثالث بالصح كنت حاسه اني حامل

وقلت لزوجي يلااا نروح نحلل بالمختبر قال يلاااااااا قلت لا لا خلها يوم ثاني

قال لااااا اليوم يعني اليوم

رحنا اخذت الدم ورحنا نصلي المغرب وبعد ربع ساعه رجعت عطتني الممرضه الورقه مكتوب ايجابي ضعيف

قلت لها تعالي يعني شنوووو قالت لي يعني عيدي بعد اسبوع بس حامل يعني

وظل يقولي طول الدرب ضعيف ضعيف ويضحك يقولي اكييييييد حامل لا تخافين بس لان ما تاخرت الدوره للحين

وبعدها بيومين سويت تحليل بالبيت وبعد طلع خط خفيف هههههه يقولون لي يعني مايصير تنتظرين اقولهم ماقدر

بعد كم يوم رحت المستوصف عشان اذا اكيد حمل يفتحون لي ملف

قالت بعد ضعيييف ههههههههههه حتى قال زوجي بنسميه ويكلي ههههههه يعني ضعيف بس قالت لان توج مرره في البدايه

اللي فرحني ان كل خالاتي وخوالي واهل زوجي كانوو ينتظروني من سنتين ويحنون علي يلا ويلا وكل واحد يشووفني يضمني ويدعلي حيييييييييييييل فرحت

طولت عليكم كثير

[ام لبنى 666]

بالنسبه لي بحملي الاول تاخرت ب6شهور لدرحه انه يقولي بالشهر الخامس وشفيك مانتي تفكرين الحين بالحمل قلت ايوالله ودي بس الله يكتبه بعدها ظمني قالي لاتزعين ربي يجيب الي فيه الخير وبعدها بشهر رحت لاهلي وكانت عندهم عزيمه عائليه وكانت جدتي ام امي موجوده دخل ابوي بقايا الذبيحه ومنها الراس تقرفت من ريحه الراس لانهم يشونه كله تاخرت الدوره اسبوع قالولي خواتي المتزوجات والله لازم تحللين منزلي قلت كيف ووشلون ارسلو واحد من خواني عزابي يالله فهم وجاب التحليل تخيلوووو اربع من خواتي و2 من بنات اخوي عند الحمام طلعت عليهم فيني برووود قلت شوفو خطين غامقه قالو حامل واسمعو اليباب والتصفيق ابوي جلس يبكي يقول ليش بدري انتي صغيره موقف والله منساه رحت لزوجي بالبيت قبل مانام طلعت شريط الحمل طبعا جاهل فيه مايعرفه وريته قال وش هذا قلت تحليل حمل منزلي بالبول قال وش طلع قلت حمل قال لالا كيف عرفتي قلت اقرى وبتعرف والله جلس مبلم بعدين حظني وباركلي طاير مره راح قالي لاتقولي لاحد الين تحللين دم رحت وحللت علمته الممرضه راح واعطى كل ممرضه حق البشاره ربي لك الحمد راح وبشر امه وهله نزلت امه مسكينه تبكي وتبوس بطني والله حسيت اني ملالالالاك بجيبلهم سمو امير ههههههه حكمو عليه انه بدر وجاني بدر اسمه بدر وحملت مره ثانيه بعد سنه وسقطت وبعد 8 شهور وجبت لولي والحين حامل الله يتمم على خير كل حمل وفرحته اكبر وللله الحمد الله يتمم ويصلح ويرزق كل محروومه يارب