تجمع امهات التوام حياكم

البرنسيسة..؟ · 09-22-2010, 07:20 AM

ابشــــــركم لغــــــة الحــــب ولدت طـــبيعي وجــــابت ولد وبنت,,

حزن الزمان · 09-22-2010, 08:09 AM

شخباركم امهات التوائم ... وينكم ولا وحدة ... بشرونا عنكم وعن بيبياتكم ...

أستاذة ذوق · 09-23-2010, 12:22 PM

السلام عليكم
كيفكم ياأمهات التوائم >>المتعبين

مشكوووووره نونه على التجمع جمعتينا للمره الثانيه ياعسوله

انا طبعا أم لتوأم بنات غير متطابقين عمرهم 7 أسابيع ولدتهم قيصري
والحين بهذلوني وجننوني الله يعين بس

بناتي الله يحفظهم طول اليوم يبكون مادري وش يبون
ونومهم قليل بالذات الصغيرونه سجى مااااااااتنام إلا بطلوع الروح
واذا نامت شوي وتقوم تصيح وتبكي بعكس اختها تطول عنها بالنوم
سجى متعبتني اكثر ماتعرف الا البكا حتى صوتها راح من كثرة البكا
وش أسوي معها والله نفسيتي صارت خايسه منها
وديتها المستشفى وفحصوها من إلى وقالوا طبيعيه وسليمه الحمدلله
حتى كان عندها ثقب بالقلب وقالوا تقفل تقريباً

انا ماأرضعهم طبيعي هم ماتقبلوا الطبيعي
اعطيهم حليب سيميلاك نيوشور للمبسترين كتبوا لهم استشاري اطفال
ومشكلتي معاهم انهم دااااايم يشرقون ويطلع الحليب من انفهم وينكتمون

صراحه ماعاد احب حمل التوائم حتى اللي تتمنى توأم
صرت اقولها لاتتمنين والله يطفشون

أستاذة ذوق · 09-23-2010, 12:37 PM

ابسألكم قد ايش قعدتوا فترة نفاس
انا للحين ينزل علي الدم والله طولت مره لي 55 يوم
راجعت المستشفى واخذوا عينه من الرحم ولسه ماطلعت النتيجه
ياليت كل وحده تقول قد ايش قعدت نفاس

وبالنسبه لمانع الحمل وش استخدمتوا
انا كتبولي ميكروليت بس انا مابيها يقولون ممكن تحملين مو مضمونه
وش رايكم وش استخدم ابغى حبوب مضمونه
ومين عندها خلفيه عن اللصق المانع للحمل او الابر
ومين منكم سوت لولب ؟؟؟؟

القلب الحنون · 09-24-2010, 10:02 PM

هلا توأمي اخيرررررررا شرفتينا ما ادري وين اختفو الامهات......
بالنسبه لنوم بناتك الحال من بعضو ""عندي للحين وحده تنام وحده تصحى
اسهر معاهم طول الليل لغاية الساعه 9 صباحا بعدين ننام"""
تقريبا 60 يوم انا اعتبر فترة نفاس للحين تعبانه من الدوره بس رحت غيرت الحبوب
كنت اخذ حبوب رضاعه وقالتلي هي سبب النزيف واللحين غيرت صرت اخذ ياسمين
انتبهي من اللصق المانع ابد مو مضمون خذي حبوب اضممن
الولب ابد ماعندي فكره عنه
على فكره وحده من بناتي بس ترجع غيرت الحليب صارت تاخذ اس 26 للترجيع والثانيه تاخذ سيملاك لناقصي النمو.....

لمياء · 09-26-2010, 08:27 AM

اولا الف مبروووك عليكم التجمع ياامهات التوأم

الله يخليهم لكم وييسر لكم تربيتهم ويخلونكم تنامون

حاسه والله فيكم

توأمي جربي حليب اس 26

كنت اعطي بنتي حليب ثاني مااذكر والله وش اسمه

وماناسبها اول ماتنتهي الرضاعه ترجعه كله

وصرت اعطيها اس 26 حلو مره

واللهايه ترى مررررره مريحه اذا كانوا شبعانات

بالنسبه لحبوب منع الحمل الياسمين مره حلوه ومريحه وخفيفه وان شاء تناسبك

لان كثير تناسبهم وماشيه معاهم

أستاذة ذوق · 09-26-2010, 10:38 AM

صباح الخير

اهلين لمياء والقلب الحنون
والله ماصرت ادخل كثير عشان مشغوله مع البنات
وعارفه ان بقية الأمهات مشغولات مثلي مع التوائم الله يعينا

القلب الحنون
انا اعطوني حبوب توقف النزيف ومانفعت الدم مو راضي يوقف
والدكتوره كتبت لي مانع ياسمين بس انا مااستعملتها لأني سمعت انها
تنححححححف وانا نحيفه خلقه واستملعت حبوب جينيرا وش رايكم فيها؟

وبالنسبه لحليب سيميلاك لناقصي النمو ماني مرتاحه له ماتلاحظين انه كله غازات
شوفيه لما ترجين الرضاعه يطلع من فوق فقاعات كثير مره
كأنه صابون مو حليب بناتي بطونهم انتفخت منه
أفكر اغيره بعطيهم بيبيلاك أو اس 26
مساكين بناتي يرضعون الحليب لين يخلصون وبعدين يستفرغونه كللللله

توينز 2010 · 09-26-2010, 11:01 AM

الله يعينكن على التوينز و يسهل لنا الولادة امين ....
ليه التجمع نايم شكل تربيتهم البيبيز والعناية فيهم اصعب من حملهم لدرجة مو لاقين وقت لهاالتجمع الله يعين

ودنا نستفيد من خبراتكن وتجاربكن مع الولادة .... انتم السابقون ونحن الاحقوون

القلب الحنون · 09-26-2010, 06:02 PM

توأمي...حبوب جينيرا نفس ياسمين ممتازه ..
وبالنسبه للحليب وحده من بناتي قبلت سميلاك والتانيه اعطاها اس 26 بس كمان ترجع كثير ودحين غير الحليب واعطاها نوفالاك إيه ار ديجست يقول ممتاز ونوع جديد
وبناتي يعانو من الغازات كتبلي نقط ديسفلاتيل اسالي دكتورهم عنه

أستاذة ذوق · 09-28-2010, 05:34 AM

اقتباس:

المشاركة الأصلية كتبت بواسطة القلب الحنون

توأمي...حبوب جينيرا نفس ياسمين ممتازه ..
وبالنسبه للحليب وحده من بناتي قبلت سميلاك والتانيه اعطاها اس 26 بس كمان ترجع كثير ودحين غير الحليب واعطاها نوفالاك إيه ار ديجست يقول ممتاز ونوع جديد
وبناتي يعانو من الغازات كتبلي نقط ديسفلاتيل اسالي دكتورهم عنه

هلا القلب الحنون
زين طمنتيني عن حبوب جينيرا
انا سألت الصيدلي عن حليب بيبيلاك واس 26 وقال اس 26 أحسن وأخذته
ان شاءالله يناسبهم
والدكتور كتبلهم للغازات دنتينوكس
والله احنا امهات التوائم محرومين من النت والمنتدى وقتنا ضيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل الكويت - دردشة بنات الكويت - تجمع حوامل الكويت	سمو الغيم	إستفسارات حوامل من الشهر السابع إلى الشهر التاسع	968	12-27-2011 07:13 PM
صور بناتي التوام	كاتمة الاحزان	منتدى حوامل الطبي	294	06-05-2011 10:45 AM
تجمع الحساويات .... حياكم الله ..... يالله ندردش ..(((2)))و((3)).	احبك ماما	إستفسارات حوامل من الشهر السابع إلى الشهر التاسع	12133	09-19-2010 11:22 PM
تجمع امهات المستقبل بأذن الله	om Roha	منتدى علاج العقم و تأخر الحمل	24	06-20-2010 09:06 PM