تجمع امهات مواليد رمضان الجدد حياااكم :-)

[ليالي السهر1]

مساء الخير ياأمهات وكل عام وانتم بخير وصحة وسلامة
بنتي تعاني أحيانا من صعوبة في التنفس وتنام ودائما فمها مفتوح وتختنق بالحليب سواء الي ترضعه منني او من الرضاعة الصناعي ووديتها للدكتور بس يقلي ما فيها شي.
أنا أشك ان عندها لحمية لانها تشخر أحيانا وهي نايمة

[ثلاث وردات]

ليالي السهر وانتي بالف خير

انا ابني كدة يعمل صوت بانفو كانو نااااشف مافيهوش سوائل
وبخاصة اذا رجع الحليب من انفو يفضل ناااشف اسبوع واكتر
وعلي طول استخدملو نقط تغسل انفو كتبتهالي الدكتورة
وقالت عادي لان جو الخليج اساسا يسبب حساسية جيوب للكبار فمابالك
الاطفال اكيد الجو والتكييفات بتأثر عليهم انا ابني كمان مايتحمل
اذا بدلتلو ملابسو او سبحتو صوتو كمان يصير مبحوح مايقدر يبكي

[ثلاث وردات]

انا الحليب الصناعي سبب اسهال لابني فوقفتو
الصناعي متعب علي ما تلاقي النوع المناسب لطفلك يتعبك جدا
انا كلمت دكتورة ابني من شوية قالتلي اعطيه رضعة اعشاب وبلاش
الصناعي وربنا يشفيهولي ياااااااااااااااااااااااااارب قولو آميين.

[وردة سورية]

أنتظروني في مس(ألقاب الصحابة و الصحابيات) ابقة

[أم تااالين]

مرااحب امهااات عاملين ايه مع النونات :-)
كيموو أم عمووره الحليب الصناعي يجي معاه تعليمات ع العلبه عن عمر البيبي وعدد الرضعه وكم تحطي ملعقه وكم مويه
على حسب الرضاعه اللي عندك 120 مل أو اكثر أو أقل ويختلف من حليب لحليب

أنا غيرت حليب بنتي بس صارت ترجع أكثر من قبل وشكلي برجع ع الحليب اللي أول ماانولدت يعطوها بالاضافه لصدري


ليالي السهر هلا بك ياعسل منوره أنا بنتي كذا وهي ترضع أو وهي نايمه يطلع صوت من انفها كنها مزكوومه
بس لاحظت مع التكييف وهي نايمه والجووو ولماا انظف انفها يختفي

[حلــ أنتظره ــــم]

هاي امها ت .. شوعاملين مع نونات .. ليالي وكيمو الله يشفي اولادكم ويخليهم

[جونة]

السلام عليكم الف مبرووووك التجمع الجديد يااغلى اخوات تسلم اياديكي هبوبه عالتجمع وعالدعوات الحلوه اااامين يارب ومبروك الاسم الجديد ووصلي لتالين اكبر بوسه

تصدقو دوبني قريت الصفحات الاخيره حقت التجمع القديم يعني حقت قبل اسبوع
الله يبارك فيكم حبيباتي ومايحرمني اخوتكم ..
سبب القيصري اختياري بعد الاستخاره والاستشاره.. اضافة الى انوالمستوصف الي اتابع فيلو ماعندوغرفة عمليات لواحتجت وسط الطبيعي ولاعندو بنك دم..وخوفوني زياده لمن قالو وزن البيبي ماشاءالله 3 ونص في الاسبوع 37
بس لمااتولد طلع مفعوص ماوصل حتى 3 كيلو

. مايوخشك غالي ياقلبي ياكيمو القيصري عجبني الحمدلله..فاتتني لحظة خروج البيبي الي انتظرها واسمع عنها من زمان وكنت متجهزة اجرب دا الاحساس..بس الحمدلله السلامه هيا اهم شي ..شفتوفي الصور وانا مدروخه من البنح ..
النونو سميتو عمار والحمدلله ختنتو يوم سابعو ..كيف عمورك مع االرضاعه

محبه قلبي تسلميلي الحمدلله اناوالنونو بخير وموشايله غير هم الكروشه لاني ماربطت الى الان محتارة مع الكرشه.. كيف كتكوتك االله يحميه ..


يلا عم ازنكم بقرا صفحات التجمع الجديد

[جونة]

اللهايه مع اني اتحريت اشتري احسن نوع بس مااعطيتو هيا كتير لانها مضره وممكن تدخل لبطنو هوا
هيامرره مفيده وينخدع بيها جربتها مرتين بس ..مره كنت بغيرلو الحفاضه وسكتو بيها .. ومرة كنارايحين المراجعه ومابغاه يفضحني عندالدكتورة .ووبعدهاقررت مااعطيه الا لوبكي بكا قوي ممكن ياثر على السره ..
انابرضو يمزمز على صدري وانامسكينه اصدق انو جيعان واعطيه..


ناعسه المناديل المعطره استخدمتها كم مره وبعدينه استبدلتها بمناديل عاديه ابلبلها بمويه ..
انا زيك ولدي يتعصر ويطلع اصواات
وليا كم يوم احسبو ممغوص واشربو يانسون واكتشفت اليوم انو التعصر حقو اكترو دلع ..

[جونة]

مسلمة ماشاءالله تبارك الله
الله يديم عليه الضحكه
انامشتاقه للوقت الي يشوفني فيلو ويعرفني
المرهم انااستخدم حق جونسون مكتوب عليه خاص بمنطقة الحفاض
سودو مره يلصق في الجسم مايخرج بسهوله

سوسو حبيبتي الله يعوضك ويرزقك الحمل التاني ويخليلك مؤيد

[جونة]

كيموو والله صادقه احس وهوا بيرضع كأنو سحب دم
على طول ادوخ وعضامي توجعني انتبهي من الحركة حفت المناخير اناسارتلي كم مره ادوخ وهوايكمل رضاعه لوحدو .. وماانتبه الا لمن وشو يحمر ..