دردشة بنات السودان

[شمس الازاهر]

مرحب بيكى ملاذ منورة بيكم وربنا يديكى الحمل الصحيح يارب ويرزقك

[شمس الازاهر]

ياهلا وغلا ماكسديل منورة والله الحمل كلو على بعضو تعب فى تعب والمرة دى انا برضو تعبت اكتر من المرات الفاتت كل حمل بيختلف طبعا لنفس الشخص بينى وبينك يمكن الكبر ههه خلاص فترنا لكن انشاءالله خير هانت فى ناس لاخر الرابع بتعبو ربنا يجعلو فى ميزان حسناتنا ان شاء الله ويكمل لينا وليكى على خير

[شمس الازاهر]

وينكم يا بنات نايمات ولا شنو؟

[(ملاذ الروح)]

هلا هلا وين نايمين انا كنت في الشغل ياداب جيت البيت
ماكسديل الله يقويك يارب علي الوحم ويقومكم بالسلامه وبالنسبه للفطور شكرا كتيييييييير لكن ناقص العصيده اهم شي طبعا

[om-rhoof]

صباح الخير يا بنات كيفكم ان شاء الله كويسيين
مرحب بيك اخت شمس وان شاء الله ربنا يتم لينا جميعا على خير

[(ملاذ الروح)]

هلا ام رهوووف وين الغيبه الطويله دي

[شمس الازاهر]

اهلين بام رهووف شكلك قربت حظك ربنا يقومك بالسلامة يا رب

[om-rhoof]

والله يا ملاذ الروح جارية في التجهيزات بتاعت الولادة الملايات والشيالات والستائر ووووووو الله يكون في العون بس وغير الدوام بتاع الشغل الحمد لله على كل حال ادعو لي بس ربنا يسهل علي خلاص تقلت شديد

[(ملاذ الروح)]

الله يسهل ليك ويقومك بالسلامه لكن ماتنسي تعزمينا للسمايه

[ماكسديل]

عايزة اسالكم متى عرفتي انك حامل ببنت او ولد ...هذه المرة او المرات السابقة....امس سالت الدكتورة قالت ما مبين مع اني امس دخلت الخامس واسمع ان في يعرف من الرابع ..وايضا نسبة صحة كلام الدكتورة؟طبعا انا عارفة ان الحمدلله كله نعم من عند ربنا لكن الفضول قولو لي تجاربكم