تجمع حوامل ليبيا

hatoo · 03-24-2010, 06:16 PM

مسكين توحمت علي عطره وكل مايحكي معايا شوي ونتعارك معاه بس بعدها نرضيه دغري وان شاء الله يجي يشبهله.وان شاءالله ربي يرزقك وتوحمي علي راجلك حتي انتي.

ميرنا · 03-24-2010, 06:26 PM

هذا من شدة حبك له ربى يحفظكم لبعضكم وتملى الحوش عليه بس المرة الثانية غيرى على حاجة اخرة وانا مثلك مرة احملت وجاتنى على صبايتى المسيكينة تحملتنى والله عندما جابت جبت بنت اتقولى فوله مقسومة منها سبحان الله يا hatoo

hatoo · 03-24-2010, 11:39 PM

سلمك ان شاء الله ..

مآسر · 03-25-2010, 09:28 AM

أمالا أني كان أنقوللكم علي من توحمت هههههههههههه
علي شيبانيا مسكين والله كويس معاي هلبة هلبة لكن لما توحمت كل ما نشوفه نتعود من الشيطان والله هكي صارلي لما نبدأ راقدة نسمع صوته نسكر وداني ههههههههه أن شاء الله غير يسامحني ولما يمشي للجامع ويروح للحوش ومرات نبداعندهم نقول شن جابه توا يا ناري لكن والله نحبه زي بوي ما نعرفش شن جاني عليه

ميرنا · 03-25-2010, 09:55 AM

اقتباس:

المشاركة الأصلية كتبت بواسطة فاتينا

السلام عليكم ...
فاتينا من ليبيا وبالتحديد مدينة سرت
تشرفت بيكم

كيف حالك يا فاتينا انتى فى اى شهر الان ولك كم سنة متزوجة وهل حملتى طبيعى ولا بالعلاج وفى سرت عند من اتراجعى

ميرنا · 03-25-2010, 10:04 AM

اقتباس:

المشاركة الأصلية كتبت بواسطة هنودة

انا تاخر الحمل بسبب تكايس المباايض وارتفاع هرمون الحليب الحمدلله سافرت لمصر تعلاجت هناك واخذت علاج والحمدلله رب العالمين

يالغالية اين اختفيتى ولا الوحم دايرها فيك اختى بانسالك ماهو اسم الدكتور لى تعلجتى عنده فى مصر وهل علاج هرمون الحليب تاخذى فيه وانتى حامل موفق بإذن الله ... لك مني أجمل تحية .

ميرنا · 03-25-2010, 10:10 AM

اقتباس:

المشاركة الأصلية كتبت بواسطة مآسر

أمالا أني كان أنقوللكم علي من توحمت هههههههههههه
علي شيبانيا مسكين والله كويس معاي هلبة هلبة لكن لما توحمت كل ما نشوفه نتعود من الشيطان والله هكي صارلي لما نبدأ راقدة نسمع صوته نسكر وداني ههههههههه أن شاء الله غير يسامحني ولما يمشي للجامع ويروح للحوش ومرات نبداعندهم نقول شن جابه توا يا ناري لكن والله نحبه زي بوي ما نعرفش شن جاني عليه

الله يعطيك الخير يا ماسر باذان لله اتشوفى همام نسخة جده هههههه

ميرنا · 03-25-2010, 10:18 AM

ها يابنات كل وحدة اتقولنا ماهو العدد المطلوب منها 4 .8 . 10

طبعا نحن ليبيات عندنا رجاجيل دون ما حطيتى طزينة ما يسكتوش

مآسر · 03-25-2010, 03:06 PM

آه قصدك علي عدد الصغار كان هكي قصدك أني وراجي مقررين أنجيبو 3 ما تقولوليش شوية (قلل ودلل) وأني بنجيب العيل الاول وبنصبر 4 سنين واللي بعده لأني مش مقتنعة بكترة الصغار تشوفو فيها الحياة كيف مولية صعبة
واللي نشوف فيهم أني والله صغيرات هلبة هلبة وعندهم 6-7-8 تي ما تقولوليش شن يجري وراهم مستعجلين والمشكلة التربية صفر يعني تجيب والشارع يربي مش زي أمهات زمان يجيبو باللهلبة والصغار ما شاء الله (معليشي خواتي ما تزعلوش هذي وجهة نظري)وحاشه البعض

ميرنا · 03-26-2010, 09:14 AM

ربى يحفظكم لبعضكم وتحقوا احلامكم وتكونوا احلى واجمل اسرة وفعلا مثل ماقالتى قلل ودلل للى يبى يعيش صح