جدول خاص لتجهيزات البيبي والنفاس من عملي

[المجتهدة...]

أهلين يا كروشات
انا شربت ملابس بيبي من إلى كلفتني 600
باقي الأدوات الشخصية والاستحمام وسرير ودولاب مدري كم بيكلفني
وبسوي حفل بسيط بدور افكار إن شاء الله بالعيد بسوي الحفل اكون إن شاء
الله طالعه من النفاس برمضان العشر الأواخر اذا الله أراد وهذاني افكر بالميزانية
يعني ميزانيه 500 لملابس لمدة الشهر كافيه
ولثلاث شهور لأني ابي البس واغسل
يعني أحلل ملابسه في لبس
حرام اشتري بميزانية كبيرة وفي الاخير ما يلبسها كلها
وبين كل ثلاث شهور بتشترين قد عمرة
وفي موضوع مثبت حلو كثير عن الاساسيات في مشتريات

وانتي يا بشرى ولكم جميعا حاولوا تغسلون ملابس حتى لو هي جديدة
بداوني او كمفرت بحيث انك تعبين غساله مويا وتحطين سائل وبيدك
تغطين قطعه قطعه عشان لو في لون يزل ما يخرب الباقي
وراح تلاحظون لون سائل يتغير طبعا مصانع من يد ليد تلمس قطعه
وغير اذا جاء احد يشتري يلمس قطعه ويمكن يقيسها وتلوث الجو
كل ذا يأثر هذا انا حتى ملابسي مالبسها الا غسلتها

وآسفه طولت بالحكي

[منى العين]

اذا عندك ملابس من بنتك البكر تمام
بس 500 ريال قليله حبيبتي انا جهزت للبيبي وباقي كل شغله باقي
مفارش ومراضع واغراض السبوحه كلفني يمكن 800 يعني بتوصل فوق 1000
اذا شريت النواقص وما شريت السرير بعد وبالنسبه لكرسي الهزاز وهالشغلات
خليها بعدين يمكن تجيك هديه
ه

[شروق الرياض]

ههههههههههههههه ياحبي لكم ردودكم تجننن
امممممم بالنسبه لي تكلفت في ملابس البيبي وحافظة المويه الحاره واغراض التروش والبطانيات 1300
باقي اغراض الصيدليه من مطهرات وشامبوات وبودرة السر ومراضع اتوقع لو بدخل الصيدليه بحاسب ب300
والسرير الكبير محصلته انا في سنتر بوينت ب700 وفوق واحلا واحد ب1300
والدولاب لاني ناويه افصله اذا ربي اراده عشان اصبغه نفس لون غرفتي ولو حصلت جاهز حلو باخذه بس بصبغه نفس لون الغرفه
ماراح اخذ اللي تجي قماش ماتعيش ابد ومع الوقت تتشقق وسحابها ينقطع لو زادت الاغراض فالمستقبل


طبعا هذا كله باستثناء اغراضي حقت النفاس من جلابيات وقمصان رضاعه وسنتيانات رضاعه وبجامات والعطاره ومتطلباتهاومفرش النفاس والسرير اللي باخذه لي
صدق السوق الحين تكلفه ولاتلومينا ترى احنا بكريات يعني لو نشتري السوق كله ماعلينا شرهه يمكن انتي في بنتك الاولى شريتي السوق كله وتلاقيك كل ماشفتي شي اخذتيه هههههههه ---))هذا وضعي للاسف
يمكن انتي مقلله في كل شي لانو هذا الثاني ماشااء الله وعرفتي وش اللي تبين وش اللي ماتبين ويمكن عندك شغاله او عند اهلك شغاله بتغسل لك كل يوم ملابس البيبي اذا توصخت
الحكي هينا للي ماعندهم شغالات مثل اهلي من سافرت شغالتهم واحنا في حالة كسيفه يعني مثلا انا حاسبه حساب انو ماعند اهلي شغاله ومحد راح يغسل لي كل يوم عشان كذا كثرت ملابس للبيبي وحتى لو صغرت عليه اخليها عندي لاحد خواتي لو حملت او اذا حملت بعدين ماراح تضيع


هههههه اعذريني على كثر الحكي

[Boosha]

الله يسهللك ولادتك
وتفرحي بالبيبي

[ms dior]

بالتوفيق اختي والله يتمم لج على خير ♡


انا بشتري من مذركير وبجهز لثلاث اشهر بس واحس كثرة الثياب ماله داعي لان الياهل يكبر بسرعه ...

بس ما يمنع الي عندها تسوي الي في خاطرها لان كل شخص يمشي على حسب ميزانيته ومقدوره

[ms dior]

المشاركة الأصلية كتبت بواسطة ياغلاهم قطر

هههههههههه اشدعوه جهاز عروس ب 2000 او 3000
احنا 80 الف ماتكفي العروس حق جهازها بس
للعلم انا جيت للحسا يوم واحد بس اتشرى طيرت 9000 ريال
و زوجي زادني 2500
اللي يبي الزين بياخذ لو شنهي القيمه و السوق ماعاد رخيص نفس قبل
راح اجرب ادش بيبي شوب او مذركير ب 500 ريال واشوف اطلع بشنو منها و اقولكم

اختي كل واحد يمشي على قد الفلوس الي عنده كلما زادت الفلوس كلما صار ما تعرفين شنو تشترين وشنو تخلين

واعليج بالف عافيه كل الي صرفتيه

ولا تنسين ان ديرتكم اسعارها نار ما تقارن بالبحرين والسعوديه انا عندي اهل من قطر واعرف شلون الاسعار عندكم

[kim see ra]

والله انا ياليت تكفيني 500 للملابس بس

انا ماخلصت مقاضي وصرفت للحين فوق 4000 بس قطنيات وشرابات لسه ماشريت ملابس طلعة ولا شنطة ولا سرير ولا شي غير ملابس البيت


مشترياتي كانت من موقع كارترز و10 بربتوزات من سنتر بوينت


وهذا بكري وخميت كل شي بوجهي

ماعرف اقتصد حتى لو حاولت عيني تزوووغ وماقدر اقاوم


الله يبلغني فيه

[نسمة وفا]

يعطيك العافيييه
انا حددت الميزانيه 1000 ريال طبعا من غير الاسره
مو نااويه اكثر للبيبي لانو يكبر بسررعه واحس ميزانيتك حلوه وتكفي اذا رحتي محلات اسعارها متوسطه

[بلهوانه]

مشكوره ع الجدول وع المعلومات المفيدة

[p!nk rose]

أوووووف عندكم بالسعودية أديه غالي و أسعار نا أنا كلفتني كل لبس الولد و غراضو من سوريا 300 دولار بس بدون السرير و بعدين أنتو بتجيبو كتير غراض و بتوقع ربعها مابتستعملوها الله يقوم كل وحدة فينا بالسلامة