تجمع حوامل ليبيا

[أم ردينة]

ولادتي كانت بالعمليه طبعا زي ولادتي الاولى لاكن المره التانيه مشيت بدون اي وجاع او الم اواي شي يعني مشيت وان نضحك .. وصلت المصحه الساعه 8ونص تقريبا كان يومها جمعه واتصلت بالدكتوره جتني ودارتلي التحاليل الازمه كلها وقاست الضغط ودارتلي جهاز النبض وقتلي كل شي تمام وقتلي من رايانك تروحي وتستني الوجاع حاولي بالك المره هادي تجيبي طبيعي .. قتلها لالالالا منبيش نحاول ومنبيش نحس الالم اللي حسيته في بنتي الاولى حشاكم ثلاثه ايام واني في المستشفي قريب تقطعت بالطرف وفي الاخير دارولي عمليه
المهم قتلي باهي علي راحتك ..ودخلتني العمليه بعد صلاة الجمعه مباشره ودارولي البنج النصفي نحسابها نخصه وخلاص زي اليبره العاديه قلت نتحملها لاكن لقيتها حاجه منقدرش نوصفها بكل

[أم ردينة]

حشاكم اليبره في اسفل الظهر من لوطه لما يدخلها تحسيها خشت فسط راسك قعدت نعيط ونقوللها ديرلي بنج كامل قتلي لالا هدا لصحتك احسن ولجسمك يا ودي قتلها خلاص ديرلي كامل المهم مسمعوش كلامي وبعد تواني تحسي جسمك كله تبنج ايديك وراسك اللي يتحركو بس وطلعو البيبي وردوني لغرفتي وبعد ساعتين ونص بدي البنج يمشي بالتدريجوجوني حشاكم الموليات تقول بتجيبي طبيعي تاني وضربولي مسكن وقعدت يومين وثالث يوم روحت

[أم ردينة]

ودرنا عقيقه طبعا يوم السبوع معأن مازلت مريضه ومنقدرش انوض لاكن فات وخلاص درت غدي بازين غرياني طبعا وكسكسي.. وفرقت شكلاطه وعصير وشاهي وحلوات وفاكهة وخلاص

[أم ردينة]

وولدي سميته عباده شنو رايكم فيه بالله عليكم

[تيمو ليبيا]

مبروك عليك ام ردينه وانشالله يكون من حفظت القران دارولك يبرت الظهر بس هادي خطيره هلبه تسبب مشاكل بعيد سو عليك وعلي فكره اسم ولدك حلو هلبه ومميز ربي يحفظهولك

[أم ردينة]

صحيتي يا تيموو .. ايه نعرف اليبره خطيره وربك يستر وخلاص حاليا ليا اسبوعين جايبه وظهري ورجليا يوجعو فيا بشكل رهيب..والمشكله مع هذا كله قلة النووم ووليدي ميرقدش لن الصبح ومباش ياخد لا شيشه ولا تفاحه.. ولما نجي بنرقد الصبح بنتي تنوض وبرا .... انشالله كل شي باجره وخلاص وحالتي النفسيه زي الزفت. والحمد لله علي كل حال

[حنين88]

ياروحي يام ردينة والله وجعتيني ان شاء لله كل شي باجره يارب حتى اني انفكر نجيب بالعملية ونفك روحي من هالتمزريط اني زوز مش واحد

وين سورينام الفالحة بتحكينا قصة ولدها شوقتني الراحة

[حنين88]

اسم ولدك حلو حلو ومافيش منه هلبة عاشت الاسامي يام ردينة

[حنين88]

اليوم العشية طلعت ندهور اني وراجلي وتعشينا برا والله ماكليت هلبة توست بالجبنة وعصير ليمون ولما مروحين جتني الترجيعة وبديت في السيارة ليه ليه خليت السيارة صنتها قروص جي الجيفة شكلها ماكلة في الحوش ولا برا هيا هيا لازم منه الترجيع

[ام روفيدة]

السلام عليكم كيف حالكم اليوم كلكم وسامحوني مازلت انعاني من اكتئاب الولادة كنت انخش نقرا اخباركم ونطلع وما عنديش نية نكتب وشكرا لكل من سأل عليا وبما ان عيون تشجعت وكتبت قصتها مع الولادة حتى اني بادن الله بنكتب قصة ولادتي ان شاء الله