تجمع الجزائريات الغاليات المتأخرات في الحمل ‏

[أم نهى الجزائرية]

امة حنونة تعيشي سجليني اذا تقدري و الله عندي 3 سنين و انا نحاول بلا فايدة

[أم نهى الجزائرية]

اهه حتى انا ديما يقولولي التسجيل متوقف بسبب كثرة المسجلين

[الشاكرة -لله]

المشاركة الأصلية كتبت بواسطة سمراء

لبنات راني راني محتاجة دعائكم ليا راني غير كاريه دار ودايره دوسي تاع سكنة من 2010وحنا نسناو وقسمو مرة وقالونا راكم فيها بصح مخرجناش كلش بمكتوب ربي راهم در يقسمو سكنة شهر داخل ولا لبعدو كثرولي الدعاء كتتفكروني باش نتهنا ونستقر والله قشي تهرس من رحلة ربي يعوضنا خير والحمد الله على كل حال تهلاو متنساونيش بدعائكم ولكم بالمثل.

انشاء الله يمدولكم يا ختي و تتهناو و الله صح الكرا صعيب
يا رب ترجعي و تفرحينا و نججيو نباركولك هههه

[الشاكرة -لله]

ايه تتروالي في كود التحقق

[أم نهى الجزائرية]

الكود نتاعهم شحال طويل هبلني ما نجي نكتبو غير بالسيف و منبعد يقولي لالا و نهبل انا حتى كرهت

[أمة الرحمان السلفية]

المشاركة الأصلية كتبت بواسطة lamia zina

امة الرحمان حتى انا عجبتني كنت حابة نديرها بصح ما نحبش كريمة الزبدة

انا عندبلك نحب الحلويات نحب تخلااط نخلط ونمد لجارتي لذراري غير يشفوني يفرحو زوجي يحب غير لرولي وباتيسري وحويج تقلدية وانا نموت غير على مقروط وبقلاوة هذ مكان بصح لازم نخلط ولا نمرض الله غالب

[سمراء]

الله يسمع منك ختي هدى وصحيتي بزااااااااف بربي لمدولي نتوما أول منقلكم ربي يفرج علينا ياااااارب

[أم نهى الجزائرية]

لبنات تعيشو ادعيو لراجلي راه عندو مشكل في الخدمة و راهو حاصل الخدمة مزيرة عليه بزاف دارها بيه واحد كان يخدم معاه خلط الدنيا و مبعد راح و خلاه حاصل فيها وحدو يا رب ما يحاسبوهش على هاد المشكل و ما يحملوهش المسؤولية


تعيشو يا لبنات ما تنساوش ربي يفرج عليكم

[أمة الرحمان السلفية]

المشاركة الأصلية كتبت بواسطة أم نهى الجزائرية

امة حنونة تعيشي سجليني اذا تقدري و الله عندي 3 سنين و انا نحاول بلا فايدة

اذ قدرت حنونة ولله مانبخلك بصح ولا صعيب تع صح

[سمراء]

أم نهى ربي يفرج على لمربح تاعك ويسمعك كل خير عليه.