تجمع حوامل ليبيا

[أم سعد]

ألف مبروك أم ردينة

أهلين حنين أنا قاعده

لازم تسايريه وتاكلي

[حنين88]

والله مانقدر يا سعد غير نسدله نيته وخلاص تو قريب شهرين واني هكي نحطله الغدي ونهرب نقعمز في الدار بروحي وتو جتني حالة حزن ونبكي بروحي بالعبرة

مش عارفة خيرني حاسة بكآبة فظيعة

[نسرينا]

السلام عليكم

ام ردينه / الف الف الف مبروك وحمدلله علىسلامتك ، يتربى في عزك وعز بوه وتشوفيه راجل مصنع امنع يارب العالمين لكن شنو سميته ؟؟؟

والعقبة للجميع على خير .

تعالي يا عيون :::: تعرفي اني مصدومة قبل كل شيء طريقة كتابتك ما شاء الله والله حسستني اني معاك وحاضرة والولادة كلها ، لدرجة اني كرهت السسترات كلهم عللي داروه فيك

بصراحة ربي يكون في عونك مااااااااااااا بعدك صحة ليك عالصبر والاجر حاصل ان شاء الله

واااااااااااااك بصراحة وجعتيني على الاخر ، الحمد لله على كل حال و ربي يحفظلك وليدك ويطولك في عمره .

ايه و ام سعد العقبة ليك انتم الجايات فالطريق

وبعدين حنين و ليبيا

وبعدين احني ان شاء الله

ميمونة ياريتك ما خذيتي الكلوميد لبعد ما روح راجلك بالسلامة ... لكن امتى نزلت الدورة ؟

حنين / لازم تسايري راجلك ما تخليشي بروحه ...

[نسرينا]

لولي / كيف الاجواء في قطر

اكيد فرحانين والدنيا مقلوبة عشان بيستضيفوا كاس العالم 2022

.

[أم سعد]

حنين بالك هذه يقولولها كآبة الحمل ماتخليهاش تصيطر عليك

خشي هدرزي علينا وأطلعي غيري جو

ولااااااااااااااازم تاكلي أحسن من سريب التغذية فكك منها

[أم ردينة]

يا حنين هادي الكابه من الحمل شي طبيعي .. فتره وتعدي انشاءالله

[حنين88]

من موجود هدرزو يابنات والله نحس في روحي ننسي شوية لما نلقاكم تهدرزو
ام ردينة حمد على سلامتك ومبروك المزيود
شن درتي في الاسبوع وحكينا على ولادك كيف صارت زي عيون وشن فرقتي في الاسبوع ؟؟؟؟

[نسرينا]

اهلين حنونة
اني قعدة

قوليلي اماليك يسكونوا في طرابلس ؟؟؟

[حنين88]

اي اماليا في طرابلس نسرينا وحتى امالي راجلي مش بعاد علينا

[نسرينا]

حتى انتي زيني صار

اني اماليا وحوشي جيران

الله تعرفي ما فيش احلى ولا احسن من الوحدة تسكن جنب اماليها

اوقات واني مروحة من العمل تكلمني امي تقولي اخطمي خوذي غداك

مرات عصبان ومرات بيتزا ومرات محشي


الله ولا احلى

.