دردشة حوامل مصر - دردشة بنات مصر - تجمع حوامل مصر

dr.princess · 10-31-2010, 08:02 AM

والله ربنا اكرمنى وجوزى اخيرا وافق انى انزل مع صاحبه وقرايبه الستات اللى قلتلك عليهم قبل كده
المهم والله ناس فى منتهى الزوق صمموا انهم ينزلوا يستنوا معايا وميسيبونيش لوحدى
رحت حجزت ولقيت ما شاء الله ستات بالهبل لدرجة انهم واقفين مفيش مكان
فحجزت دورى كده وسالت الدكتورة لو فى تحاليل اعملها فى الوقت الفاضى ده قالتلى لا
فقلت للجماعة دول ممكن ساعتين ونص على مايجى دورى يللا نمشى لو عندكم مشاوير او كده
فصاحب جوزى الله يكرمه اخدنا صلينا العشاء فى قباء يااااااااااه الصلاة هناك اد ايه مريحة بشكل لا يوصف
وبعد الصلاة لفينا شوية ورحنا تقريبا بعد 3 ساعات من الحجز لقينا الدنيا فضت فخدت راحتى بقى وسألت اللى نفسى فيه
عقبالك يارب لما تتطمنى كده ويرتاح بالك ان شاء الله

dr.princess · 10-31-2010, 08:04 AM

ممكن لانى نمت ساعتين بعد ماجيت من عند الدكتورة فدلوقتى مش عارفة انام مع ان مش عارفة من امتى بتفرق معايا الحاجات دى هههههههههههههههه
المشكلة ان ظهرى ورجليا متكسرين بس مش عارفة انام خالص

MALAK2010 · 10-31-2010, 08:12 AM

الف سلامة عليكى يا لولو
بس الحمد لله اطمنتى وغيرتى جو واهم حاجة ماشاء الله ماشاء الله صليتى فى مسجد قباء واخدتى ثواب عمرة ماشاء الله

عن النبي صلى الله تعالى عليه وسلم قال: " من تطهر في بيته ثم أتى مسجد قباء فصلى فيه صلاة كان له أجر عمرة "

ربنا يباركلك
فى العمرة بتاعتى كانوا ودونا المزارات بس كانت ممتعة
طالما انتى فى المدينة روحى المزارات كل خروجة روحى مزار هتستمتعى اووووى

dr.princess · 10-31-2010, 08:17 AM

اه والله عندك حق
والمسجد هناك مريح بشكل انا رحت مرة واحدة بس قبل كده فى صلاة جمعة والنهاردة تانى مرة
فى هناك حتة مؤذن صوته يخلى جسمك يقشعر من جماله بس للاسف مش هو اللى أذن وانا هناك
انا نزلت اذانه بعد المرة اللى رحتها ان شاء الله ابقى ارفعه علشان تسمعوه

MALAK2010 · 10-31-2010, 08:20 AM

على فكرة موقع مصطفى حسنى اللى بعتية جميل اووووووووووووووووى انتى مسجلة فية؟؟؟
عارفة انا مش بحب اسجل فى المواقع بس الموقع دة بتاع الحوامل عجبنى فسجلت
وموقع مصطفى حسنى عاوزة اسجل فية لانة عاجبنى جداااااااااااااااااااااا ربنا يباركلة

dr.princess · 10-31-2010, 08:25 AM

ايوه كنت مسجله فيه من مدة علشان كنت بنزل من عليه حلقات خدعوك فقالوا حلقات اكتر من رائعة
انا كمان مشتركة على الصفحة الرسمية بتاعته على الفيس بوك فالبصدفة يوم الجمعة اللى فاتت لقيته كاتب عليها انه فى حوار لايف على النت واللى عايز يبعت اسئلة وهو يجاوب وكده بس كان حوار جمييييييييل
وقال انه الجمعة اللى جاية برده هيبقى فى حوار لايف كده ممكن تقريبا على الساعة 9 او 10 ان شاء الله اسمعه

MALAK2010 · 10-31-2010, 08:29 AM

يعنى ممكن اشارك فى الاسئلة معاه بس لازم اسجل فى صفحة الفيس بوك؟؟؟؟؟
اصلى اخيب واحدة فى الدنيا فى موضوع الفيس بوك ومش حابة ابدا اعمل اكونت علية معرفش لية

dr.princess · 10-31-2010, 08:34 AM

لالالالا مش لازم تشتركى فى الموقع ولا حتى الفيس بوك علشان تقدرى تبعتى اسئلة وهو يجاوبك عليها لايف كده
فى الصفحة اللى كنت باعته رابطها للبنات وقت الحوار ده فيها جزء مخصص تبعتى عليه بدون اشتراك ولا اى حاجة وبتبقى الصفحة دى شغال عليها صوت الحوار ومكان الاسئلة واول ما بيقفل خلاص

MALAK2010 · 10-31-2010, 08:38 AM

خلاص ان شاء الله هتابع علشان اشوفة السبوع الجاى
جزاكى الله كل خير يا لولو
عارفة انى اتفقت مع البنات اشترى سونار هههههههه علشان كل شوية اطمن على البيبى وقولتهم ناجرة بالساعة لانها يدوبك على مايطمنوا ببيهاتهم ههههههههههههه ويوم الجمعه ببلاش نتجمع كلنا والولاد يلعبوا مع بعض

dr.princess · 10-31-2010, 08:43 AM

هههههههههههههه
والله عندك حق ده انا النهاردة الدكتورة عملت بالسونار دقيقة وقفلت كنت عايزة اقولها ياستى حرام عليكى خلينى شوية اركز كنت عايزة اضربها بالشلوت ههههههههههههههه
انتى عارفة جوز اختى كان عايز يتخصص نسا بس غير وبقى باطنة
انتى عارفة لو كان استقر على النسا ده انا كنت نزلت مصر ونقلت هدومى عند اختى واقامة كاملة عشان اخد راحتى بقى مع السونار ههههههههههههههه