تجمع حوامل سوريا-دردشة ورود سوريا-دردشة الغاليات

[silla]

المشاركة الأصلية كتبت بواسطة سرووءة

كيفكم بنات
سلولة
انا بنص التاسع كان وزن جـود 2 كيلو و900 غرام
ولما كشفت يوم الولادة قبل الولادرة تقريبا بكم ساعة كان وزنا 3 كيلو و100 غرام
تخيلي بيومين بالتمام زادت غرامين ههههههههههه
ولاتاكلي هم وزن كروم كتير طبيعي
\وممتاز وقولي الحمدلله
في ناس بجيبو فوق 4 كيلو وبيتعزبو كتير وفي ناس بجيبو اصغر من هيك بكتير
المهم الصحة الكاملة وبكرا مع الحليب والرضاعة بزيد ان شالله
بنات طمنوني عن اهليكن
كتبتبلكم من كم يوم ماحدا رد
الظاهر ماحدا شافو

يااااااااااااااااااااا لك اسكتي هههههههههه
معناها ع حسب ما قريت خبراتكم وعن ولادكم هلئ قلب خوفي انو صغير ع خوفي انو يجي كبير وقوم اتعزب بولادته هههههه يااااااااااااااااااااااارب يارب تختار الخير
الله يحميه ماشالله اصلا اختي شايفتني بمنام اني ولدانته وماشالله كتير عجعوج هههه
ربي يختار الخير يارب توكلت عليك وسلمتك امري
لك بعدين انا رديت عليكي وطمنتك عن الكل ههههه رديت باسمي واسمن
يالله اديش غطيتي يا سروءة سبحان مغير الاحوال هالجود اخدت كللللللل وقتك
كيف صارت عروستنا ياترى بينت ملامحها اكيد اكتر بعتيلنا صورة جديدة الها
ولمين صارت هلئ ياترى .......؟؟
الله يخليك ادعيلي الله ييسرلي ولادتي ويهونها والله مو بايدي خايفة ومو بايدي ما اقلق من المجهوووووووووووووووول

[silla]

المشاركة الأصلية كتبت بواسطة أم ملاااااك

سيلاااااااااااا حبيبتي

كيفك ياقطة وكيف كرومتي ؟؟ يارب تكونوا بخير

الله يقومك بخير وسلامة يارب وتكحلي عيونك
بشوفة كرومة العسل يارب وتكون ولادتك متل
رمش العين حبيبتي توكلي ع الله

بالنسبة للوزن حبيبتي ماتخافي طبيعي وأنتي متلي أنا أمبارح كنت عند الدكتورة وكشفت
ههههههه بس قالتلي مابدها ياني أولد هلق
لاني الرئتين لسا مو مكتملين ع أساس الشغلة
بأيدي هههههههههه أنا مالي مستعجلة وزن مالك 2كيلو و600 غرام مع أني ملاك جبتها 3 كيلو و400 غرام وماكنت أكل وأنا حامل كتير وقتها سبحان الله ,, فلا تأكلي هم وزنو طبيعي وسلفتي جابت بنتها 2كيلو 300غرام مع أنها خلصت التاسع وزيادة كمان ,, والحمدلله هيها بنتها بعمر بنتي وصحتها منيحة كتير ,,
أمممممممممممم وشو كمان أي ولاتفكري بالولادة أبدا" حبيبتي الله راح يسهلك صدقيني
ربنا كريم مافي اكرم منه أنتي بس توكلي ع الله ياقلبي

وتسلمي يارب الله يخليكي ع كلامك الحلو ع ملاك إن شاء الله بنفرح بشوفة كرومة يارب

كوني بخير حبيبتي وطمنيني عنك

وإذا ماعندك مشكلة حبيبتي فينا نتواصل ع التليفون وأطمن عليكي أول بأول ههههه بس ماطنشي ردي أي أو لأ هااااااا ؟؟

لك تسلميلييييييييييييييي يااحلى ام ملاك ربي يخليك ويخليلك هالاميرة والامير
اممممممم امت عطوكي اخر موعد للولادة؟؟؟؟؟؟

ياااااااااااااارب تسهلها وتيسرها علينا يارب مفكرة تاخدي شي نوع مخدر الا عالطبيعة كل شي احلى ...... انا عم فكر بابرة الضهر (الايبدورل ) الله يختارلي الخير يارب شو رايك انت
شو بلشتي تمشي شو عم تعملي حاليا ولا قاعدةومو مستعجلة خخخخخخ
وكيفك مع الصيام انا اللي متعبني العطش .. الله يهون علينا يارب ويكتبلنا الاجر والثواب
ويكفر عنا خطايانا وينصر شعبنا

ياترى مين بده يولد قبل انا او انت عاااااااااااااجلا غير اجل يارب
مابدي وصيكي وقت الطلق مندعي ع بشار ومندعي لبلدنا بالانتصار والفرج القريب العاجل
يالله ...
مشان التلفون ماعندي تلفون عندي موبايل بس ماااااااابشهي الحكي ههههههه بسبب التغطية اللي ببيتي كتييييييييييييير كتير سيئة هاي المشكلة والا غير هيك مافي مانع ابدا الي الشرف احلى ام ملاك

[silla]

المشاركة الأصلية كتبت بواسطة سيدرة

شويا حلوين وينكم مافي حدا مبين بدنا نتسلا ما التولي شو طابخين انا عملت كبسة وفتوش وشوربةخضار بس كتيييييييير انا متضايقة حاسة حالي صايرة سمونة كيف بدي ارجع انحف مابعرف مع اني ما كتير باكل بس يمكن من قلة الحركة بتعرفو بيت صغير ما كتير بدو شغل لبجوز من هيك انصحوني بطرق مشان التنحيف

انا باقي من مبارح رز وفاصوليا .. وعملت شوربة خضار وفتوش وسمبوسك بالجبنة
اول شي مشان تنحفي طوووووووولي بالك
لسا مالك شهر ولدانه تاني شي هيخف بطنك ويرجع جسمك شوي شوي بس بالنسبة الي ان شالله بدي امشييييييي لان المشي بشد الجسم ونحنا اجسامنا بعد هالتعب والحمل والانتفاخ وكل هالقصص بدو شد فانا بنصحك تمشي جيبي جهاز سير وامشي عليه كل يوم ساعة وخففي من الاكل يعني خبز قللي رز قللي بس مو تمنعي شي عن حالك خطي مشان عبودة وحليباتو
الرضاعة ممكن ما تخليك تنحفي وممكن العكس بس لا تياسي ولا تزعلي وتقولي ماعم انحف ولو هيك امشي امشي امشي لازم تشدي جسمك وتعوديه عالحركة
امممممم اي مافي شي ببالي حاليا
امممم ومشتهية عالبرياني ان شالله بدي اعمله بهالكام يوم بس باللحمة يمكن مو بالجاج

[silla]

المشاركة الأصلية كتبت بواسطة @أم يويو@

حبيبتي سلوله كيفك طمنيني عنك وعن حملك ياغااليه

وربي مشتقتلك كتير بس يوسف افندي ماعم يتركلي مجال ولاساعه وهلأ اول ماصحلي عم اكتبلك

ياقلبي بالنسبه لوزن البيبي بس حبيت قلك

انو انا قبل بيوم من ولادتي قالولي وزنو كيلوين و600 وانا كنت الي 10 ايام بالتاسع وكتير خفت عليه حبيبي

تاني يوم ولدت طلع وزنو 3 كيلو اسم الله عليه


صدقيني السونار اغلب الاوقات بيغلط بالوزن

وانشالله تبشرينا بجيتو لكروومه قرييب ويكون بأحسن صحه

خخخخخخخخخ الله يستر ولي بدي اولد هلللللللللللئ
الله ييسرها يارب ويختار الخير خليه يعجعج عالارض الله يحميه يارب ويسر ولادته
بعين الله
صحي ادي تمشي باليوم ؟؟
ادعوووووووووووووووووووووووووولي

[سيدرة]

سلولة حبيبتي يسعد مساكي هل حلووووووووو متلك يخليكي يارب عبودي بيبعتلك بوسة انا بستلك ياه والي ابعتلك بوسة ههههههه حبيبتي بالنسبة للتمر انا بعرف التمر الاسود الحلو كتير هوي يلي بيقلولو تمر الرطب ما بعرف انا متل ما التلك كنت انقع التمر بالحليب وتاني يوم اخلطو بالخلاط يعني لكل كاس حليب حطلو سبع تمرات اشرب اكتر من كاس باليوم لان بيقولو التمر بيحرض عل ولادة والله اعلم هاد غير فوائده واكلو كتير حلال وانا سمعت انو الي بتاكل تمر ابنها لما بتولدو بيكون عاقل ومنشان المشي من اول التاسع المشي كتير منيح انا سالت الدكتورة بس كل يوم زيدي عن يلي قبلو يعني بلشي بنص ساعة وبعدين يوم عن يوم زيديهن انا بالاخير امشي ساعة ما قدرت اكتر من هيك

[سيدرة]

ام يويو الله يسلمك ياعمري ويخليلك هل قمر ماشالله ولا قوة الا بالله اي انا ابني طهرتو الحمد لله الت احسن ما طهرو بعد العيد بيحس في حرام الحمد لله بكي شوي اول يوم والحمد لله هلا منيح بشكر الله بغسلو بمي دافي وبحطلو زيت زيتون هيك الي الدكتورومن ناحية النفخة كل الولاد هيك انا عبودي بحسو عل طول ممغوص وانا عم اشرب كمون علا طول بعد الاكل بس بتضايق كتير لان كتير اوقات بكون عم طعمي بيبكي كتير ما بعرف شو السببوهوي عم ياكل بيبكي

[@أم يويو@]

ربي يسعدك حبيبتي سيدره

والله ماقصرتي طهرتيه بكير مشان مايتعزب حبيبي

انا انشالله اخدت موعد يوم الاحد رح طهرو بس كتير خايفه انو يتوجع حبيبي ويضلو يبكي بالليل

واكله هم بكره لماغيرلو خصوصي اني لحالي ماحواليي حدا

الله يعين ياستي

وانا عم اشرب كمون ويانسون وفي كمان خلطه ان شالله يارب تخف عليهن هالنفخه والله كتير بدايق لمابشوفو يتعصر بنومو ومابيتهنى بنومتو من ورا هالمغص الله يعين

ياريت تفيديني بموضوع الطهور وشو استخدملو لابني خلال هالفتره

ومشكوره مقدما حبيبيتي

[سيدرة]

حبيبتي ام يويو الله يسلمك يارب ويهون عليكي وعلينا وعلا الجميع حبيبتي مشان الطهور وانا كمان لحالي انا وزوجي اتوكلي علا الله وما تخافي انا عبودي بكي اكتر شي لما طهرو بس من لما حملتو وصرت طعمي نسي الحمد لله اي بصير بيبكي شوي لما بدو يبول العفو بس هل شي انشالله ما بيطول اول يومين انا الي الدكتور انو اول يومين ما لقو من مكان الجرح لان كان في شاش يعني وقت بدي غسلو بس لما بشيل الشاش بغسلو بمي دافي وشامبو اطفال وبنشفلو منيح وبحطلو عل جرح نقطة زيت وانا عم ساويلو هيك لهلا لسا ما طاب بس الحمد لله مابيتوجع منو بس انا عبودي يا البي ما بنيمني كل ما بدي طعمي بيبكي هو وعم ياكل وبدي ضل بجنبو ما عم بعرف ليش هل نق انشالله بكرة رح اخدو عل دكتور انت كيف بتعرفي انو ابنك ممغوص

[ندى الشام]

كيفكن صباايا تسلملي ام ملاااك على هالحكي الحلوو متلا الله يخليلك ملووكة وتجيبيلا اخوا بالسلامة يا رب

[ندى الشام]

مهند عمري مبروك دخولك بالتاسع الحمد لله يلا هانت قولي يا رب وانشالله بتقومي بالسلامة انتي والببوووموفقة بدراستك يا غالية