تجمع أمهات الأطفال من الولادة حتى عمر ثلاث سنوات

[حبيبة حموودي]

الله يرزقك ببنوته حلوه ومتعافيه وماتتعبك يارب
انا بنتي مدلعه نفسها بنفسها

ولا ما أشيلها كثير واحطها بالجلاسه
اغلب وقتها بس ماتحبني اروح واخليها لحاله

[rose]

كيفكم يابنات التجمع
حبيبه حمودي كانك تتكلمب عني \والله ماغيبني عن النت غيره تخيلي بس يباني جنبه وكنت هبله اسوي اي شي يباه اهملت نفسي وبيتي وزوجي طماصرت اكل ورمضان جا وقسم بالله يوم افطر ويوم لا لين كلمت الله يستر ععليها صديقتي العالي مستواها قالت خليه يصيح شوي وهو بمرجيحته تعبت بالاول بس الان احس اهووووووووون
حتى النوم عودته مافي هز ودلع هو ينوم نفسه \بس الان مشكله الاغراب مايحبهم لذلك بفكر اشحنه عند اهلي يتعود شوي

[ورد الشمال]

حبيبة حمودي عجبتني مدلعه نفسها بنفسها تراها نفس ولدي هههههه رغم اني اتركه بالجلاسة و احاول اخلص اشغالي ما عودته على الشيل لأني عارفة بتعب معاه
و مرات اعرف انه يصيح دلاعة يبيني آخذه اخليه يصيح اشوي و يسكت يسلي نفسه يمص اصابعة او احط جنبه لعبه يضرب فيها
اما اذا كنت فاضية آخذه العب معاه و بعدين اخليه يلعب نفسة عشان يتعود
و سالفة الخوف من الأغراب للحين ما عانيت منها الحمدلله مع ان اهلي موجنبي بس اطلع فيه السنتر و يشوف ناس كثير واللي يلاعبه يبتسم له
بس خايفة بعد سنة لما انزل لأهلي يتعبني و ما يبيهم *

[حبيبة حموودي]

ودي اخليها تصيح لين تسكت نفسها
بس ماطاوعني قلبي لازم اجلس معها
رمضان كان اصعب شهر مر علي بصراحه
الحين أخف شوي

[حبيبة حموودي]

روز كم عمر ولدك

[rose]

الان عمره داخل ع سبع شهور
والله رمضان مر ماتمناه لعدو من اصحى بالظهر لين 2 او 3 وانا ماسكة المخده واهزه وياريت نافع الا يتدلع
والله اول ماحطيته بمرجيحته شغلت قران وانا جنبه والعب معاه مره ع مره الان استمخااااااااااااااااخ ع المرجيحه والمشاية بس كفااااااااية زوجي قام يشتكي مني بشكل غير مباشر صار يقول المره تصلح قهوة وتحط حلى وتسوي اكل لزوجها وانا بس اشيل بقلبي واكتم لين خلص رمضان زوجي قالي شوفيلي جل بجسمك كانك جايه من الصومال ماحب المره عظامها وعروقها بارزه \خلاااااااااص
هنا وقلت استووووووووووووووب والله شميت العافية قمت ارتب بيتي واعتني بنفسي واجيه شويا العب معاه ومرة بالمشاية ومرة بالمرجيحة

[حبيبة حموودي]

روز حطمتيني يقولون اذا كبر خف البكا
وصار ينام متواصل كنت حاطه أمل ان بنتي الشهر
الجاي او اللي بعده بتخف
الله يعينك انا الحين احاول اتسنع والله
ابي اوفق بينها وبين البيت وبين ابوها
بس عجزت ومازلت أحاول

[حلا المدينه]

بنات بنتي عمرها 7 شهوور
وربي ماتعرفني وايهمها وجوودي تحب ابوها واخواتي مرره
وانا تبكي وماتحب تجلس معايا وربي نفسيتي تعبانه حاولت اتقرب منها مرره
بس مافي امل

المشكه بعد ولادتي جست شهرين بعيده عنها ولاضميتها بعد الواده
وعصبتي لماتقربت مني كنت اضربها من اعصبيه وتعب نفسي
ابي بنتي تحبني تتعلق فيا هاذي بكريتي نفسي تحس فيني وتحبني
لاتقولي لعبيها تقربي منها مافي امل حااولت

[حبيبة حموودي]

الله يعينك حلا المدينه
اجلسي فتره لاتطلعين فيها عند خواتك
ولا تخلين احد غيرك يهتم فيها ابد ولا احد يساعدك
من حيث الرضاع والتنظيف والتنويم وحاولي تحتضنيها كثير
وبإذن الله بتدري ان انتي امها وبتحبك الطفل يحب اللي يهتم

فيه اكثر اكيد خواتك يهتمون فيها كثير

[تراتيل]

السلام عليكم امهات

بصراحه اقرا كلامكم واقول اثاري البزارين كلهم واحد

انا ولدي ماعنده مشكله في الاغراب خاصه ان عمانه قريب من بيتي فكل يوم هو عندهم

تعود على الناس بس المشكله انه اذا رجع البيت يطفش ويطفشني تعود على الصجه واللجه صار يبي ناس وبزارين ولعب وانا والله ما الحق شغل بيت ورجل وبزر وحامل يعني رمضان ماكان ذاك الزود لدرجة احيانا اقلي واطبخ وهو على كتفي

الايام العاديه الله يصلحه شقي كلش يحووووسه ويفتحه ويخربه ومافيه منديل الا لازم يجرب طعمه خخخخخ والله احيانا اتبلد واقول بكيفه خل يسوي اللي يبي

الله يعين يارب