ديوانية البحرين - دردشة حوامل البحرين - البحرينيات

[om khalil]

ايه علشان جذي بسوون لش من وقت
اني سويته مرتين في الشهر الثاني والحين توني من اسبوع مسويه
اخوي الكبير فيه سكري
يارب ما يصيدنا ان شاءالله

[طفلي حياتي]

اني اذا رحت بسألهم عن هالسالفه مالت الرياضه بروحي خوافه ابغي اولد بلا الم هههههههههههههه

[om khalil]

اني من اشوف بالمستشفى دكاتره عليهم اخضر اموت من الخوف اتذكر ولادتي

صحي وين تفكرين تولدين؟ السلمانيه او جدحفص؟

[طفلي حياتي]

اني اقول السلمانيه لان جدحفص بعيد عنا وايد اني في محافظه لمحرق
وجدحفص تخوف معاملتهم رفيقتي توها والده وتعلمني الهوايل
ثانيا السلمانيه احس خبرتهم اكثر

[om khalil]

اني جدحفص أقرب ليي وهذي تجربتي بالولاده بالسلمانيه وجدحفص

السلمانيه الطلق كان فظيع ماعطوني ابرة الفخذ، يتني هنديه تقولي ليش تصرخين؟ وش تبيني اسوي أيبب مثلا؟
وتروح وتيي تهاوشني حتى زوجي تسلل لغرفة الولاده مادري جيفه وتهاوش وياها..
قلت روح الله يحفظك لا تحط الحره فيي مادري وش تسوي في عمري
بالخياطه ماحسيت بالم خدروني بس حسيت اني قاعده اتغرز،، يمه الكلمه تخوف ههههه.. الزين فيه اني ماكنت اسمع صوت صراخ باقي الوالدات. كان المكان كتمه يمكن لاني قلعت الوادي من الصراخ.

ولادتي في جدحفص توصت فيني وحده تشتغل ولاده هناك وعطتني ابرة الفخذ كنت اتخدر وانام بس من يزيد الطلق اصحى وتعلمت اني ما اصارخ بس كنت اصرخ يارب سهل علي وسهل على هاللي يصارخون في الغرف لاني كنت اسمعهم واضح.. بس اكثرت من الدعاء وطريقة التنفس العميق كنت اشاهق بس علشان يخف الالم مثل ماقرأت بالمنتدى. بس انذبحت بطلعة الراس لانه ولدي ماشاءالله كان راسه عريض من الخلف اقصد طويل خخخ،، بس بعد ماولدته كله انومه على راسه مو على صوب والحمدلله راسه طبيعي الحين.

هذي تجربتي،، بس بعد افكر اولد في جدحفص ان شاءالله.

[طفلي حياتي]

الله يسهل علينا يارب ويبلغنا لهاليوم
اني ابغي السلمانيه وعلى الظروف بنشوف

[طفلي حياتي]

باقوم اكل شي ميته من اليوع ماتغديت
برب

[om khalil]

الله يسهل عليش وعلينا جميع
اني بعد باقوم اشيل عفسة اليهال عفسوا لي الصاله من الحلاوه والجبسات
اشوفكم على خيرر

[طفلي حياتي]

ماباقي شي ويأذن ههههههه توني انتبهت للساعه بس يلا باكل وبقوم اصلي

[فلونة]

السلام عليكم ورحمة الله وبركاته

شخباركم ؟؟؟

انا عضوة جديدة بس متابعة قديمة

الله يتمم لكم بخير وانا معاكم :)