دردشة حوامل أهل الكويت - دردشة بنات الكويت - تجمع حوامل الكويت

[زود الغلا]

غلا روحة ................. عادي هذا اسبرين اخذتة وانا حامل قبل لان كانت صفايح الدم نازلة عندي وقالتلي لازم اخذة واتوقع عادي ماله اضرار ان شاء الله .

[هايدي]

مساء الخير
البيبي اسبرين عادي ماله اضرار انا قاعده اخذه
اللي ما خلصوا حق العيد ،،، انا افضل التفصال الصراحه قررت كل عيد افصل
اول شي احسن ثاني شي محد يلبس نفسج و رابع شي الخياط رزه
و طلبت لي من امريكا جنطه و جوتي
و جذي خلصت حق العيد :)

[ام الزهراء فاطمه]

شدعوه بنات محد يرد السلام :(

[اشيل الهم]

السلام عليكم..........
شخبارك,شمسوين والله ولهانه عليكم وعلى سوالفكم... بس والله جدا تعبانه يارب يهون الطلق ويحسن الخلق ويسهل علينا جميعا.....امين

[الغلا من الله]

مرحبا بنوتات ابي رايكم
محتاره اراجع بمستشفى حكومه ولا خاص

لاني توأم واخاف من الخاص

[زود الغلا]

صباح الخير
الغلا من الله انت نفس حالتي والزم ماعليك نفسك روحي الحكومة واتكلي على اللة خصوصا ان التوتم حالة خاصة وماتدرين عن ظروفك .

[شوشوه]

هاااااااي بنات شلونكم

اشتقتلكم وااااااااااايد

:)

[زود الغلا]

صباح الخير عليكم
شدعوه وينكم غاطين عن التجمع عسى المانع خير .

[شوشوه]

صباح النور

والله ماكو انا كنت شوي تعبانه والحمدالله عدت على خير

[أم ياسمين]

قوه بنات اشلونكم ,أنا بعد حامل في توم وقاعده اراجع في الخاص و فاتحه ملف بالصباح أراجع بالصوبين لأن تدرين الحمل بتوم ينخاف منه و كانو متوقعين ان اولد مبجر بس الحمدالله الحين انا في نص السابع و شكلي بكمل لي التاسع انشاللله بس محتاره وين اولد الكل ينصحني اولد بالصباح بس انا قاعده اقول اذا وصلت التاسع اولد بالخاص عشان مره وحده افتك من الاستقبال