دردشة حوامل أهل جدة - دردشة بنات جدة - تجمع حوامل مدينة جدة

اجوان · 04-30-2011, 06:38 PM

بنات جاوبوني الله يسعدكم انا بكريه وابغى وحده قد جربت الدكتور ممدوح سليم في مستشفى عرفان؟؟
اكثر شي يهمني المستشفى من ناحية النظافه والحضانه لانو الدكتور مره شاطر انشاءلله بس ابغى احد جرب افيدوني بليز..

n00na · 04-30-2011, 09:43 PM

كيفكم حبيباتي حبيت اسئل مين ولدت في الاطباء المتحدون وعند مين وحسيتي بالولادة ولا مبنجة انا الان داخله في الثاني وارجع عند سلوىومره خايفه طمنوني انا جربت في الالماني وشفت الموت والله والطفل الثاني سقطت عندهم بالالتراساوند الله ياخذها وحده مصرية ماتخاف ربها الله يعوضني يارب

الفراشة الحنونه · 05-01-2011, 12:05 AM

مساء الورد يالغاليات

كيفكم عساكم بخير جميعآ

عطر المكان حبيبتي تسلمين والله عالدعوة الحلوة ربي يسعدك

وتولين حبيبتي والله للاسف ماعندي خبر ان شاءالله البنات يفيدونك يالغالية

واجوان يالغالية والله ماعمري سمعت عن هالدكتور بس من ترك شيئآ لله عوضة الله خيرآ منه نصيحه مني كأخت لكي انك تسألي عن

دكتورة شاطرة تولدك وربي يوفقك حبيبتي لأنه بجد احس صعبة رجال يولدك وانتي

استخيري وربي يكون معاكي ان شاءالله ^_^

ونونا حبيبتي هلا فيكي يالغالية للاسف ماعندي خلفيه بس دوري بقوقل وان شاءالله تلقي الجواب

اللي يريح قلبك

ولاتنسوني من دعواتكم الحلوة ^_^

اجوان · 05-01-2011, 12:13 AM

الفراشه الحنونه,,
هذا الدكتور جدا ممتاز وخبرتو طويله جدا,بس انا اسال عن المستشفى لانو هوا عيادتو في عرفان والمستشفى احسو قديم شوي بس يقولي الدكتور انو من ناحية الاجهزه والحضانه مره متطورين فحبيت وحده جربت عشان اتطمن,,
بعدين ايش دخل من ترك شيئ لله انا ماسويت ذنب هذا دكتور يكشف ويولد بطريقه علميه طبيه مو يجلس يتفرج !!!

الفراشة الحنونه · 05-01-2011, 01:38 AM

انا عارفة يالغالية

بس مدري احسة صعبة يولدني رجال حتى لو مايتفرج على قولك

المهم المعذرة منك وسوي اللي يريحك انتي

واعتبريني ماقلت شي

وان شاءالله البنات يفيدونك بالمستشفى

سكرهـ مرهـ · 05-01-2011, 02:32 AM

كلام الفراشة الحنونة سليم

فعلا يا اجوان ..ماسويتي شي حرام لكن ترى السهالة من عند الله

مو بالدكتور نفسه ولا عناية المستشفى

و فيه دكتورات ممتازات الحمد لله مايحتاج للرجال <<عندك فاطمة العتيبي بفقيه

وان شاء الله ربي يسهل لنا ولك

Nonyta · 05-01-2011, 03:42 AM

اهلين حبيباتي اخباركم عساكم طيبين

فراشة ياعمري الله يسهلك لساتك ماولدتي

وليش تعتذرين للاخت اجوان انتي ماغلطتي ياقلبي ونصحتي والدين النصيحه

اجوان منورة ياقلبي والله ماعندي فكرة عن هالدكتور بس نصيحه لوجه الله اولدي عند طبيبة
لانه مايجوز ولادة المراة المسلمة عند اطباء رجال ولاتقولين مايطل والطب تطور

كيف يولدك اجل ؟؟؟

وهالشي مو من راسنا جبناه المشايخ كلهم حرموه اله بالضرررروة القصوى في حالة ماتوفرت الطبيبة المسلمة

وانا قرات هالشي وسالت فيه قالو لي طبيبة مسلمة اذا مالقيتي طبيبة نصرانية واذا مالقيتي نهائي تلجئي للطبيب مسلم

واني يااختي العزيزة ببلد مسلم والدكتورات بالهبل على قفا من يشيل

ولاتزعلين من الحق

Taghreed · 05-01-2011, 04:12 AM

الله يبارك فيكم حبيباتي

والله ييسرلكم بولادة سهلة
فراشة أنا منتظرة اسمع الخبر المفرح بفارغ الصبر
الله يعينك ويساعدك حبيبتي

أما عن حكايتي مع الولادة فلا أحد يسأل
الحمدلله عدت على خير
وإلى الان وانا مع كوابيسها

وبرضي أحمد ربي اني ولدت طبيعي. مع طلق صناعي مو قيصري.
يا رب لك الحمد كما ينبغي لجلال وجهك وعظيم سلطانك

متغليه لعيوني · 05-01-2011, 07:41 AM

كيفكم بنات ربي يتمم عليا حملي وعليكم ويسهل على الي بتولد ويعطيها ولاده سهله ومريحه يارب فروشه تراني منتظره ولادتك بفارغ الصبر عشان تخبريني عن المستشفى والدكتوره خلود رحت عندها امس وصراحه جديه ولاتتكلم كثير بس على قد السوال ولازم انتي تسالي ومحتاره والله ربي يسهل الامور ويعطيني خيرها لاني شايله هم الولاده من دحين وانا لسا في الخامس ربي يتمم على الجميع يارب

اجوان · 05-01-2011, 02:37 PM

طيب انسوا موضوع الدكتور انا اسالل عن المستشفى احد قد جربه؟؟
بنات انا بكريه وابغى اتطمن في بعضهم يقولوا يخيطوا ببنج وبعضهم بدون بنج وفي مستشفيات تروحين لهم وقت الولاده مايهتمون فيك ومدري ايش يعني الحين قلبتوها علي بالدكتور ؟؟
افيدوني بالمستشفى والعنايه واللي جربت الدكتور برضو ياليت تفديني,,
ومشكورين عالنصايح الدينيه :)