تجمع حوامل ليبيا

سورينام · 12-02-2010, 01:20 AM

والله كساااااااااااااااااااااااد

نسرينا · 12-02-2010, 01:22 AM

هههههههههههههههههههههههههههههههههههه

شوي ونخش للمباره حتي اني

سوري نام لو عطل خشي دير وقت اضافي

نسرينا · 12-02-2010, 01:28 AM

بااااااااااااااااااااااااااااااااااااااااااااااي

سورينام · 12-02-2010, 01:35 AM

تصبحو على الف خير ورضى من الرحمن .. تصبحو عالاخبار السعيدة انشاالله

ليبياقلبي · 12-02-2010, 02:21 AM

الله ماحلا هدرزتكم يارتني معاكم صراحة والله نفسيتي مضايقة الكحاحة غامة نفسي بكل والزكمة زايدة زيدها خايفة علا البيبي والله كلا باجرا والحمد لله لانا قالولي الكحاحة تفتح الرحم وانا كيف خشيت السابع والله بنموت شن بندير النفسية مضايقة مديرتها كان علا البكى الله غالب
لولي تسالي علا البدالي قوللي شنو تقصدي بدالي افراح لو تبي طربلس عندك استبرق بداليه حلوات نحسهم لقطات
عيون متطلقيش راجلك رجليك علا رجليه والله شرم حلوة مشيتلها تبي راجل ومرته بس جوها هكي وسورينام والله جو عليكم
ايوتة محلات عندك السندباد ولميس عندك الهدف وروبين فيهم حاجات حلوة وشن ناوية بتسيمها
ا

أم سعد · 12-02-2010, 02:55 AM

اقتباس:

المشاركة الأصلية كتبت بواسطة ღॐ آية ღॐ

ام سعد
ربي يشفيك والله نفس الحالة
انتي من وين وعند منو تراجعي؟؟؟؟

أجمعين ان شاء الله

أنا من طرابلس

ونراجع عند الدكتورة نادية قدراب

بنت الزنتان · 12-02-2010, 02:58 AM

السلام عليكم
كيف حالكم اكل طيبات إن شاء الله

عيون زوجي · 12-02-2010, 03:28 AM

السلام عليكم

هادي قصتي وياسر من الحشايم شهدرتوا بيا

الناس كلها عرفت وسمعت اني ماعنديش كلمة

ههههههههههههههههه بنكتبها بالتفصيل لين تكرهوا الساعه يلي طلبتوها فيها

توا انشدها اعليكم غدوة من روسكم احفظوها صم ويلي تنسى كلمة نوريها الزنباع وين ينباع

ارتحتوا...

صغاري راقدين

والراجل ياحسرة والله ماصارت حاجه

نقيتوا فيها لين انحرمت منها مرة وحدة

ياستي القصة تبدا هني:

موعد ولادتي كان 21/9/2010 ومشيت ياما في نادي بوسته

وشربت قرفه واعشاب

واتبخرت ودرت تمارين نزول الراس للحوض بلا فايدة

رقدت في بانيو اميه دافية ساعه وكررتها هلبه مرات

ولا حكايه كثري من قن قن قن هههههههه هاديكا الحاجه

ولقيناها فرصة وجثمنا على نفسه

وهديناله حيله ياناري اعليه

لين كرهه........ماتصدقوش كذبه

ولاحياااااااااة لمن تناااااااااادي

دق المي وهي مي؟؟على قولة السوريين

وكل مراجعه الدكتور يخيرني تبي صناعي ولاتروحي

انقول هيا نروح ونجرب الطبيعي

زي مانسمع في النساوين الطبيعي اسهل واحسن

يوم 3/10/2010مشيت برجيلاتي لعيادة 11يونيو

والدكتور كذبت عليه وقتله معاي وجع

دارولي( اي سي جي )واكتشفوا كدبتي

مافيش طلق نهائي

دارلولي كشف

لقاته واحد سانتي وبالعافيه من توسيع صبعها

طبعا دكتوري مهناش والمناوب قالي تعالي الليله

ارقدي وافتحي ملفك

والصبح نعطوك صناعي

فرحت ووافقت ///// تحسابها ساهله صبلي نشرب

المهم روحت اتصلت بامي جتني تعشينا مع بعض

انا وزوجي وبنتي وعزوزتي وخوي

والجو كان كويس

ومعنوياتي عاليه جدا

وعلاش ..لا ...غدوة ايكون وليدي بين ايديا//// بكل بساطه

خشيت العيادة ولما نزلت وسلمت على امي وبنتي

قلبي انقبض

ودموعي نزلوا وحسيت بروحي بتتطلع مني

وزادني هم امي منعوها اتخش لان الساعه10 في الليل

خشيت حجرتي وقعد معاي زوجي للساعه12 وروح

كانت الحجرة فيها سريرين ونظيفه فيها حمام

وفيها مكيف بريموته مش مخنوب ولا هالك

وفيها تليفزيون حتى هو بالريموت

وتقدري تتحكمي بيه///

ندلع بيهم اتقولوا طرفه ولا بنسكن فيها

كانت وحدة جنبي بكرة هدرزت معاها

ومن محاسن الصدف موعدها

كان مطابق لمواعدي

ومن خوفنا وقلوبنا يلي اطقطق بين جنوبنا

ماجناش النوم قعدنا نهدرزوا وعرفت اعليها وعرفت اعليا كل شي

احنا الليبيات لو هدرزنا انصبوا الشكارة كلها

الساعه 4 الفجر جتنا سستر اوكرانيه

اعطتنا روب الولادة

احرف من روب حجرة النوم

ما يستر شي زوز خويطات من تالي وخلاص

ودارتلنا الطرنبه حاشاكم

وفرغنا بطونا وعيونا تتقلب من الخوف

الساعه 5 الا ربع جي دكتور مناوب شاب ليبي // من كثر الحشايم

ولقاني لابسة عبايتي فوق الروب اتحشم مني

بيديرلي تحميلة الوجع الصناعي دارها برا المهبل

لان عيونه فوق مش لوطه/// مش وقت حشم ولا مكانه بكل

وانا ماعرفتش انها برا

بعدها بساعه المراه يلي جنبي

بدت تتوجع شوي شوي

وانا ولا احنا هنا

رايقة ومزاجي حلووووووو ولا الم ولا شي

نسيت انقوللكم ان الجهاز متاع نبض الجنين

مركب فيا وكل ساعتين يجوا يشوفوا

مع الساعه 8 جت دكتورة فليبينية دارت كشف

لقتني قعده 1 سانتي

وحتى جارتي زيني /// الجرب يعدي حاشاكم

امسكينه هي تتوجع بلا فايدة

جاني دكتوري مع الساعه 9 دارلي كشف

قالي التحميله طايحه برا(معلومه قديمه)

ركبهالي بكل ادب /// ونعم الادب والمهنه صح

نسيت انقوللكم اني من بداية السادس وللولادة راس البيبي تحت

بس لعند ولادتي والراس مانزلش الحوض بكل

الكل قالولي اني خاطري في حاجه وما خديتهاش

هدا واعلاش مانزلش

وانا زي الغبيه ما استغليتش راجلي بكل زي الفالحات قصدي زوزي /// لغة سورينام

حظه قوي مراته لا وحم ولا دلع تحمل وتجيب من فم ساكت

المهم وين وصلنا

ايوه بعد مع ركبلي التحميله ودارلي كشف

قال واحد سانتي وتلفت للدكتورات

كانت معاه دكتورة ليبية والتانيه فليبينية

يحسابني مانفهمش فيه

كلمهم بالانكليزي وقال مفروض عمليه

وهما قالوا نستنوا اعليها شويه

قالي : يا اخت عيون راس البيبي فوق مانزلش للحوض نهائي

اليوم انديرولك وجع صناعي ونشوفوا

لو ماصار شي بكرة عمليتك الساعه 8 الصبح بلا تاخير

عيون:انشاءالله يادكتور مافيش مشكله

بس طمني عالبيبي

الدكتور:البيبي نبضه كويس واميته ممتازة

عيون:تنصحني نتمشى يا دكتور

(مؤدبة تلميذة مجتهدة)/ماتبيش لا سؤال ولا فهم بكل

الدكتور: اوكي ممكن ايفيدك

وطلع هدا جهده كثر خيره

الدكاترة الليبين عيبهم في انهم ماياخدوش قرارات سريعه

يقدر يقول الغوا الصناعي وحولوها قيصري

بس احنا في ليبيا العظمى

ولو الدكاترة ما غلطوش ماتوليش ليبيا

الفالحة الفليبنية ربي يكسر ايدها دارتلي تحريض زي السم

ادخل في ايدها وتلويها داخل اكثر من مرة

وتعارك افتحي افتحي

يفتحولها قبرها حاشاكم

الساعه 12 جارتي بدت تتقلب من الوجع

وتشطح فوق ولوطة

وجهاز قياس الطلق عندها عالي

وانا جاني راجلي الساعه 10

جابلي زيت زيتون دافي فيه حبة البركة مطحونه

وادهنلي بطني وظهري ورجليا

وفطرت فطووووووووور باااااهي لان بطني فارغه

الساعه 12 هو روح يرتاح //شن وراه

وانا ماشاءالله لاوجع ولا شي

بديت نتمشى في الممر

لمعلوماتكم في المصحه من حق الزوج يزور زوجته 24 ساعه والاهل اوقات الزيارة بس///حاجه الله كبيره

وخشيت درت دوش دافي وبدي فيا شوية وجع

دارتلي السستر الجهاز قالت الطلق ضعيف جدا

وجارتي بتهبل من العياط زادتني

كان نلقى نحدفها برا الدار وجعتلي راسي /////هههههه

يلي يسمع يقول انا بنولد ولادة بلا الم واتقه صح

الساعه 3 جت الدكتورة دارت لجارتي كشف لانها تعيط هلبه

انا ضغطت زر مناداة السسترات

وقلتلهم جارتي بتجيب

عاد انا فالحه وما ورايا شي

قاستلها لقاته 1 سانتي //////////ياناري اتسخف

من الصبح لل 3الظهر 1 سانتي

جتني قالت بنديرلك كشف وانا كبدي متمروجه منها

قلتلها ماعنديش الم هلبه

قالت عادي انشوفوا/// هي شن خاسرة تحشي ايدها كانها في جرة طين مش بنادم

والمفاجاءة ؟؟؟؟؟؟؟؟

مفتوح 3 سانتي

فرحت وسخفتني جارتي هي تعيط 1 سانتي

وانا رايقة ونقرم فيها مع راجلي 3 سانتي

والكلبه الفلبينية اديرلي تحريض بيدها زادت قتلتني منه

والساعه 3.30 شفت جزائي من ضحكي على جارتي

بدي الوجع يضرب في ظهري وحزامي وانا نتمروج عالسرير ////جاك الموت يا تارك الصلاة

ولله الحمد بلا صوت مسكرة فمي

وضاغطة على يد زوجي يقوتي كلها

(قريب كسرتهالها يا ناري اعليه)

الساعه 4.30 جت السستر لقت الطلق عالي

دارتي كشف تاني

ساهلها حكاية الكشف لانهم مايحسوش حاشاكم

ومشت ما كلمتنيش بكل

سئلتها قداش مفتوح ماعدلتش اعليا

تبوا تعرفوا جارتي قداش صح؟

هههههههههههههه ........عارفتكم قصقاصات

تصدقوا مازالت واحد سانتي وهي تعيط من ظهرها

طلبت مسكن جابلوها حقنه مسكنه باسكوبان

ارتاحت منها ربع ساعه

وريحتلي راسي من عياطها

دقيقة وحدة وخشت السستر معاها الدكتورة

وانا في قمة الالم مانقدرش نوصفه ابدا

الم يضرب في راسي وبطني وظهري ورجليا

ماتعرفيش تحددي وين بالزبط

كانها روحك بتتطلع منك

نسمع في السستر الاوكرانية تقول للدكتورة اللليبية بالانكليزي

ان الرحم مفتوح 6 سانتي

وراس البيبي مش في الحوض والمية مانزلتش

ومافيش لا افرازات ولا دم

فهمت ان الدكتورة قالتلها افتحيلها امية البيبي انتي

اه تعبت من الكتابة والساعه 2 في الليل توا

ووليدي قريب ينوض يعيط خلي نرقد اشوية

ونكملكم غدوة لو كتبلنا الله

ولو عييتوا من قرايتها وماتبوش النهاية

قولوا وريحوني بلا مجاملات

مرات درتلكم نفخ من هالقصة يلي ماتبيش تكمل صح

تصبحوا على خير ونتلاقوا غدوة انشاءالله

نسرينا · 12-02-2010, 10:05 AM

واااااااااااااااااااك يا عيون الله يهديك

توا توا تخشي تكمللي القصة

على العموم والله ضحكت عليك من كل قلبي ههههههههههههههههههههههه

هيا نستنى .....

.

حنين88 · 12-02-2010, 11:37 AM

صباح الخيرات واللليرات

ايـــــــة خالتي حتى هيا ولدها كان فارسي وضعه سمعت مرة مرا كبيرة في السن تقول بري الصبح بكري للبحر وشمي نسوم البحر يخلي البيبي ينقلب لكن بعدين معاش نندري عليها لان الدوة هادي قديمة شوية وخالتي ولدها توا اونه عمره 6 سنين بالك ((( والله اعلم ))) جربي بالك تصدف معاك

عيــــــون عيـــــــون عيــــــون ديمة تحكينه نص القصة وتهربي وتخلي فينا على نار هيا والله انسجمت وننسيت وحامي ووجاعي لما نقرا في القصة هيا تعالي وكملينا اننننااااااااااااااااااهاهاهاهاهاها

نسرينا صحيتي على الرد وليبيا قلبي والله حتى اني توا زي الغولة شيانة على اصولها حتى قبل عرسي مادرتهاش هكي