تجمع حوامل سوريا-دردشة ورود سوريا-دردشة الغاليات

سيدرة · 07-30-2012, 01:57 PM

مرحبا كيفك حبيبتي ام يويو بسم الله ماشالله ولا قوة الا بالله العلي العظيم الله يخليلك ياه يارب ماالله عليه انشالله ما عم يعزبك شو طهرتي انا عبودي الحمدلله منيح الله يخليكي بس كتير صاير بنق كل ما اوم من جنبو بيبكي حتا جبتلو بز لهو منشان يلتها ما عم يرضا ياخدوالحمدلله علا كل شي

سيدرة · 07-30-2012, 02:04 PM

اي صحي سيلا انقعي تمر مع حليب يعني انا كنت حط لكاس الحليب سبع تمرات وطبعا انقع اكتر من كاس اشربن باليوم هيك اسهل من اكلو وافيد مع الحليب وطعمو كتير طيب وكتير مفيد وبسهل الولادة انشالله المهم انقعي وحطي بالبراد وتاني يوم اخلطيه واشربيه وانشالله بفيدك وبسهل عليك بازن الله

ندى الشام · 07-30-2012, 06:51 PM

كيفكن صبايا شو اخباركن مشغولة بالطبخ عازمة اخواتي لعندي عالفطور طبخت مئلوبة وسلطة لبن بخيار وسمبوسك وشوربة عدس ومنزلة بيتنجاان وعملت شرباات على قوله المصاروة بكرة معزومة لعند رفيقتي عالفطور نحنا هوون عاملين شلة سورريين ومنجتمع مع بعض ومنتسلى كتير احسن من الاعدة لحالي

ندى الشام · 07-30-2012, 06:53 PM

سيدرة كيفك وكيف الببو ام يويو ماشالله لاقوة الا بالله بسم الله عليه هالحلوو الله يخليلك يااه وتفرحي في سروءة كيفك وجوري كيفك كيفو يزونة وسيلا كيفك وكيف الببو وكل البناات سلاماتي الحارة الكن

ميآر [ مهند حيآتي ] · 07-31-2012, 07:10 AM

صباح الخير حبيباتي ....

كيفكن >>>

مشتااائتلكن كتير كتير ...

طمنوني عنكن وحدة وحدة

يلا راجعتلكن بس بعد شوي عندي امتحان ولازم ارتاح شوي

رمضان كريم ع الجميع

ودي

ميآر [ مهند حيآتي ] · 07-31-2012, 07:14 AM

هههه صحي باااركولي دخلت بالتاسع هع ...

الله يسهلي ويسهل لسيلا وام ملاك يا رب ....

ويسر لكل الصبايا

ودي

أم ملاك ومالك · 07-31-2012, 10:30 AM

أصبحنا وأصبح الملك لله

سيدرة حبيبتي

كيفك وكيف عبودي ؟؟ يارب تكونوا بخير ,,
وكيف أهلك بسورية الله يحميهم يارب

وماشاء الله تبارك الرحمن الله يخليلك هل عسول بيغرف القلب والله ,, أبوسوا أنا
دخيل الشباب أنا خلص لاتأكلي هم عروستوا عندي ههههههههه شو رأيك ؟؟
الله يجعلك هو من الصالحين البارين وحافظين كتاب الله ويرزقكم بروا يارب وتفرحي فيه

يارب ياكريم

وألف مبروك طهوروا إن شاء الله بتشوفيه عريس يارب

أم ملاك ومالك · 07-31-2012, 10:39 AM

سيلاااااااااااا حبيبتي

كيفك ياقطة وكيف كرومتي ؟؟ يارب تكونوا بخير

الله يقومك بخير وسلامة يارب وتكحلي عيونك
بشوفة كرومة العسل يارب وتكون ولادتك متل
رمش العين حبيبتي توكلي ع الله

بالنسبة للوزن حبيبتي ماتخافي طبيعي وأنتي متلي أنا أمبارح كنت عند الدكتورة وكشفت
ههههههه بس قالتلي مابدها ياني أولد هلق
لاني الرئتين لسا مو مكتملين ع أساس الشغلة
بأيدي هههههههههه أنا مالي مستعجلة وزن مالك 2كيلو و600 غرام مع أني ملاك جبتها 3 كيلو و400 غرام وماكنت أكل وأنا حامل كتير وقتها سبحان الله ,, فلا تأكلي هم وزنو طبيعي وسلفتي جابت بنتها 2كيلو 300غرام مع أنها خلصت التاسع وزيادة كمان ,, والحمدلله هيها بنتها بعمر بنتي وصحتها منيحة كتير ,,
أمممممممممممم وشو كمان أي ولاتفكري بالولادة أبدا" حبيبتي الله راح يسهلك صدقيني
ربنا كريم مافي اكرم منه أنتي بس توكلي ع الله ياقلبي

وتسلمي يارب الله يخليكي ع كلامك الحلو ع ملاك إن شاء الله بنفرح بشوفة كرومة يارب

كوني بخير حبيبتي وطمنيني عنك

وإذا ماعندك مشكلة حبيبتي فينا نتواصل ع التليفون وأطمن عليكي أول بأول ههههه بس ماطنشي ردي أي أو لأ هااااااا ؟؟

أم ملاك ومالك · 07-31-2012, 10:44 AM

جوري حبيبتي

كيفك وكيف يزونة ؟؟ يارب تكونوا بخير

ماشاء الله ألف مبروك وع قبال ماتشوفيه عم يمشي ياقلبي ما آحلاهم وهنا بأول خطواتهم
بس نصيحة من هلق بلشي شيلي كلشي خطر عليه وقفلي بواب الخزاين وماتتركي شي ع الارض بكرا بتفضي الغرفة بسببوا ههههههههههه أنا بسبب ملاك فضيت نص الغرفة والله يعين حبيبتي حاولي تشتريلوا المشاية الي بتساعد الولد ع المشي الحمدلله بفضل الله وبالمشاية ع ال9 شهور ملاك كانت تمشي كتير منيح والولد بينبسط فيها لاني شكلها حلو وإلها موسيقى كمان الله يحميلك هو يارب ويخليه وتفرحي فيه

أم ملاك ومالك · 07-31-2012, 10:48 AM

هدوووووووووووووولة حبيبتي

كيفك وكيف رنوشة ؟؟ يارب تكونوا بخير

كيف حاسة حركتها ياقلبي عليها بتجنن مو
جبتيلها شي ولا لسا ؟؟

اشتقتلك كتير والله ,, بس زعلانة كتبتلك جرايد
مو جريدة هااااااااا بس انتي يمكن ماقريتي أو أنتبهتي ع ردودي إلك ههههههههه حظي بشع
اشتقتلك كتير وياريت فينا نتواصل ع التليفون
كمان ؟؟ طبعا" إذا مافي عندك مانع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM