تجمع حوامل سوريا-دردشة ورود سوريا-دردشة الغاليات

[hadeel al rouh]

المشاركة الأصلية كتبت بواسطة @أم يويو@

مسالخيير ياحلوات

طمنوني عنكم وحده وحده

اشتقتلكن كتيرر

مسا النور ياام يويو
كيفك وكيفو العسول يوسف ربي يحميه

[jorri sham]

هدوولة يعني ما بعرف ازا بتقوولي تدخل او فضول حبيت بس الك وفيدك مشان حمام البيبي ...
او ضيف معلومات لألك بما انك جديدة

ياقلبي ازا امك جنبك اكيد هي لي رح تحمملك يااه اما ازا انتي لحالك

قبل ما تدخلي الحمام جهزيلو تيابو ولبوودرة وحفوظة وكل شي ...
بعدين كمان ازا بتشط بدك تحمميه قبل كل شي عبيلو يااه للحمام وحطي لمنشفة معك بلحمام ...
وحمميه ازا بتخافي يووقع من اديكي حطي منشفة على رجليكي وسطحيه على بطنوو وحطي ايدك على جبينو مشان ما ينزل على عيونو ..
وبلشي حطيلو تم شامبو وليفي جسمو شوي شوي ردي عيدي مرتين مو اكتر لانو لبيبي بتكون رحيتو بتجنن واصلا موو وسخ بيكون وطلعي نشفيه
وبوودريه كتيرر تحت رقبتو وبااطو ولعفوو من تحت ودفيه ورضعيه ... وبس واي سؤال انا جاهزة

[أم ملاك ومالك]

السلام عليكم عسولااااااااااااااااااااااااااااااااااات

رمضان كريم وإن شاء الله ينعاد عليكم وأنتوا بصحة وعافية يارب

والله يحمي آهاليكم في سورية يارب

ويكون رمضان الجاي آحلى ونقضيه بسورية

طبعا" بعرف أني متأخرة كتير حقكم علي

اشتقتلكم كتير كتير وبحبكم كتير كتير

يارب تكونوا كلكم بخير وتعذروني ع تقصيري

عسولاتي فتت اطمنكم عني ع السريع وآمانة تدعوا لسورية ولاهلي وللجميع

المشاكل الي صايرة بحلب في حي صلاح الدين هي منطقة أهلي والله من أول يوم

برمضان وهنا برا البيت وقاعدين عند جماعة الله يهونها عليهم يارب

آمانة تدعولهم يارب تحمي آهلي والجميع يارب بجاه هل الايام الفضيلة

بالنسبة للولادة ياعسولات فبشركم أول يوم رمضان عملت رباعي أبعاد

وبشرتني الدكتورة أني الحمدلله الحبل السري فك عن رقبة الجنين فشكرت ربي

ورتحت كتير ورحت لعند دكتورتي وعطيتها التقرير فقالتلي إذا بدك ماعاد في داعي

للولادة القيصرية ولغينا الموعد هههههههههههههه مع أني كنت حابة أولد بنفس يوم

عيد ميلادي مالي نصيب هههههههههههه .. وصارلي فترة عم يجيني طلق بارد وعم ينزلي

العفو مي وخيوط دم زهري قال هدول علامات ولادة ههههههه بس شكلي مطولة لأني مو

حاسة غير بالالم والجنين مستقر بوضع ولادة وعم آكل تمر كتير بعد الافطار لوقت السحور

وحتى بدي صير أنقع التمر بالمي وبعدين أعصروا بالخلاط وأشرب وبنت حماي قالتلي

أشرب قرفة كتير لأنها بتساعد ع الولادة وشو كمااااااااان أي وعم أخد باسكوبان لتخفيف

آلم الطلق والحمدلله ع كل حال .. بس بصراحة بيني وبينكم كتير حابة صوم كل رمضان

وبعدين أولد مابعرف ليش مالي مستعجلة ع الولادة معقولة لاني خايفة منها ببنتي كان

عندي التوسع 10 بس الي عم تولدني فرجتني الموت والله العظيم ياعسولات العفو منكم

اتخيطت 27 قطبة خارجية لفتحة الشرج العفو منكم عدا القطب الداخلية والنزيف الي نزفتوا

وصل دمي ل6 الله لايسمحها أبدا" طلعت عم تدرب وأنا مالي خبر لاني وقتها رحنا ع مستشفى

حكومي لنشوف شو قصة الوجع ولا بيقولولي ولادة .. لذلك كتير خايفة أولدددددددددددددددددد

الله يهونها يارب

ملاك الحمدلله بخير وبتبوسكم كلكم كلكم وبتبوس بيبياتكم كمان

بحبكم كتير

سامحوني ع تقصيري

[سيدرة]

الله يحمي اهلك واهلنا وكل اهل سوريا انشالله يا ام ملاك ويكون معن ويعينن ويقومك بالسلامة وييسر امورك ويسهل عليكي الولادة انشاللهوبدي الك التمر ازا بدك انقعي بحليب بالليل وتاني يوم اخلطيه اطيب من انو تنفعي بمي وافيد

[سيدرة]

مرحبااااااااااااا هدولة كيفك شو طابخة اليوم انا اليوم فتوش وشوربة وزعتر اخضر وسودة جاج لسا عندي من مبارح ورح سوي بطاطا ما بعرف الاكل كتير بحيرني اي ومن شان حمام البيبي انا كنت حمم ابني بالجاط بس صرت خاف يوقع من ايدي فصرت حطو بحضني وحممواول شي بغسلو جسمو من ادام وبعدين جسمو من ورا وبالاخير راسو

[سيدرة]

الله يسلمك يا هدولة ويفرحك بشوفت ابنك انشالله ابني عمرو بالصور 15 يوم

[سيدرة]

صحي مبارح طهرتو عند الدكتور والحمد لله رب العالمين عم يبكي احيانا بس صاير بس بدو ياني ضل بجنبو وكل ما اوم بيبكي والله عم اخلص شغلي سرقة عل سريع

[سيدرة]

الحمد لله رب العالمين علا كل حال الحمد والشكر لله علا نعمه التي لاتعد ولا تحصا الحمد والشكر لله علا عطاه ورضاه

[silla]

بناااااااااااااااااات انا زعلانة كتييييييييييييييييييييييييييييييييييييييييير

رحت اليوم عند الدكتورة وعملتلي ايكو وقياسات للبيبي المهم قالتلي وزنه 2 كيلو و700 غرام وقال قليل مع اني والله عم اكل كتير
وفيتامينات ليش هيك كتير اتحطمت وقت قالتلي البيبي صغير شو رايكم انتو حكي دكاترة الا عنجد صغير ؟؟؟ ياعمرررررررررري ياكرومتي .. والحمد لله راسو تحت وماشالله قالتلي وضعك تمام وكل امورك سليمة الحمد لله يارب الف حمد وشكر بس والله غصييييييت مشان كرومتي وكل شوي دمعت عيوني قلت مابدي بكرة حدا يقلي قصرت عليه بشي وانا والله كتير عم اكل ودير بالي ع اكلي
طبعا انا باول تاني اسبوع بالتاسع بقا شو رايكم حسب خبراتكم كيف وزن كرومة ؟؟؟؟؟؟؟؟
واتخيلو ماعملتلي كشف مع اني طول الليل عم فكر فيه هههه خفت عالفاضي..
وكمان قال يوم الولادة المتوقع 17-8 يعني اخر يوم بشهري
ع كل حال انا عم يرن رقم 15-8 براسي رن هههههه بقا اللللللللللللله اعلم شو الله كاتبلي وامت الولادة ويارب تختار الخير

[silla]

تقبشي قلبي ياام ملاك اليوم انت ببالي وعم اسال حالي شو صار بصديقتي بالولادة هههه
يلا الف الحمد لله فرحتيني مشان فك الحبل السري عن رقبتو لملوك الله يحميه يارب
وما يضرك فيه .. معناها هلئ متلي متلك عم نستنى الفرج هههه
انا ماعندي بوادر ولادة ابدا ولا عم ينزلي شي ...
بقا شكلك انت رح تسبقيني
واهلك خلين يطلعو من حلب كلها احسن ربي يحميهن ماكان حدا متوقع تقوم بحلب هيك يالله يارب ان شالله الفرج قريب وينتهى كل شي ع خير ونخلص بقا من هالكلب ونظامه

وصور ملوكة بجننو ههههههه غرف قلبي عليها ... ربي يخليليك ياها يارب

دايما طمنينا عنك وخبرينا شو بصير مع اهلك الهي تحمي اهلينا وهالابرياء يارب