دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[امنيه تتحقق]

تسلمون حبيباتي والف الف شكرررررر

[& أمــــــل &]

الف مبروك حجازيه احتليتي المرتبه الثللثه وعقبال بعض الناس
اهلين لمسة امل كيفك ياوحشه مره انقطعتي عنا اشتقنا لطلتك
انا اليوم عندي رمضان فطور وحركات
اما عن الطلعه البارح الله لا يوريكم فرفرنا شوي بالسياره يسكتني زي الاطفال ورجعنا البيت

[نلي خانم]

السلام عليكم
كيفكم يابنات اليوم
شكلكم كلكم صايمين ألا أنا معدتي مره تحرقني معاد أتحمل أجلس بدون ماأشرب مويه بارده تبرد معدتي من الحرقان شايله هم الأيام اللي فطرتها من رمضان أيام الوحام بعد الولاده أصومها أن شاء الله


أنشوده
الله يسلمك يارب والله زوجي جاء عالساعه ثلاثه ونص وأنا واقفه طول الليل عند الشباك أنتظره ولما جاء يمشي من جنب الجدار عشان ماأشوفه ألا فجأه يدخل البيت أحسبه جني أقوله أنت من فين جيت يقولي أمشي من جنب الجدار الله يحفظه مره وحشني والله ودي مايروح مكان اليوم بس برضو أمه وأبوه لهم حق الله يعطيهم طولة العمر

دلوعة سمسم
الله يسهل لك يارب


لمسة أمل
منوره ياقمر أنا أعرف بس أنك أنتي اللي أفتتحتي التجمع هذا بس خير ماسويتي فتحتي احلا تجمع سحرنا وماعاد نستغني عنه
ربي يسعدك ويحفظ لك حماده يارب وتشوفيه عريس

أمنيه تتحقق
أنا مره كنت أتألم من صدري وسألت الدكتور قالي طبيعي والله كنت شوي وأبكي من الألم وماكنت ألبس سنتيانه أبدا ألا أذا خرجت من البيت مو بس ألم حتى مره تنفخ حسيت أنه راح يتشقق وحكه قويه بس كنت أدهنه بزيت وأحيان بفازلين بس أذ جيت خارجه لازم أدهنه بفازلين لأن الفازلين ماينشف بسرعه يجلس وقت لكن الزيت ينشف بسرعه ويبقع في الملابس وألبس السنتيانه وأنزل حبالها وأوسعها وألبس مقاس أكبر والحمدلله ماخف صدري ألا بعد ماخلصت الرابع أرتحت بعدها من الألم

أموله
صيام مقبول أن شاء الله ربي يسعدك ياقمر

[حديثة عهد]

انشودة المطر

الله يسعدك ويفرح قلبك اسعدني ردك انتي والاخوات وفرصة سعيدة معرفتي فيكم
الحمدلله زوجي اتصل مارديت عملت حالي زعلانة ورجع اتصل رديت وكانه شي ماصار
الحمدلله الله يعطيك العافية

ثلجة فوشية

الله يسلمك خلص رجع كلمني بس انا حزينة لانه سفرته مرة بعيدة ومو عادته مايدق عليه
وكمان في توتر بيني وبين اهله فحسيت بشوي حزن لانهم كلهم قطعوني بس الحمدلله رجع اتصل
واعطيته العذر زي ماقالت لي اختي عشن كل اللي معاه رجال مايقدر يدق والله يسعدك ويوفقك
انا بالشهر الخامس الحمدلله تعبت الرابع ونزل عليه دم ونزلت المشيمة وبالخامس الحمدلله
تحسن وضعي وارتفعت والحمدلله رب العالمين نفسي اولد بسرعة واترتاح والله يحقق لي امنياتي
انتي وانا وكل البنات يارب

نلي خانم

الله يخليك هو اتصل ورديت بعدت ابليس بس انا صرت مع الحمل حساسة مرة بزيادة
وازعل واعصب بسرعة بس الحمدلله والله لايفرق بينكم وبين زوجك ويالف بين قلوب الجميع
يارب


شكرا لكم خواتي الله يعطيكم العافية انا سعيدة بردودكم وعن يومي انا صمت اليوم وسويت فطور
تشيز كيك التوت ولقيمات تجنن وتقاطيع وسلطة وفطاير وبيتزا والحمدلله كل شي طلع حلو
ومع بداية الخامس واخر الرابع حسيت بالنبض بطني يبدا يهتز كان في مخلوق جوة
وهدا الاحساس ماكنت احسه قبل كنت افكر اني حامل بس ماحس بشعور مخلوق بداخلي
يوم اروح اسوي سونار اشوف شي خيالي يتحرك بس الدكتورة تضحك وتوريني خاصة لمن نزفت وعلى المثبتات للحين ادعولي صارت توريني اعضاءة وراسه واطرافه بس ماحسيت
باحساس وجود كائن حي بجسمي الا لمن شفت النبض يهز بطني بديت اهتم بنفسي واراعي حالي
لاني بصراحة الدكتورة قالت ارتاحي وانا ماحب ارتاح لازم اشتغل واساعد والحمدلله
الله يتمم حملي ويبارك لي فيه اللحين انا بالخامس ودايم اشغل قران واحطه ببطني واقول لولدي
يسمع واتمنى ربي يرزقني طفل جميل زي اللي اتمناه صالح يملى حياتي سعادة ومااتعب معاه
يارب اتمنى بسرعة يجي ولدي يأنس وحدتي ويسليني لان ساعات عمل زوجي كثيرة واجلس
ببيتي لوحدي استناه لحد مايجي , كثير اقول يالله متى اولد واجيب نونو يشغل وقتي او متى اشتغل واسلي نفسي , انا مو من اهالي مكة جديدة بمكة , صديقاتي كلهم بالرياض بس اتواصل
معاهم تلفون وبي بي , ومسن , نفسي اشتغل ويصير لي صديقات , اروح عندهم ويجوني ,
ليه اختي الحمدلله قريبة مني كل شوي ازورها وواقفة معاية الحمدلله , الله يزرقها يارب
احس لو اختي مو قريبة مني راح اموت بالوحدة والطفش لكن الحمدلله الله مقدر النصيب
وشكرا لكم خواتي

[نلي خانم]

هلا حديثة عهد
الله يألف بين قلوبكم وأحرصي زوجك ماينام وهو زعلان منك وأذ على النفسيه أنا كنت كذا ببداية الحمل أبكي وأزعل وأقفل على نفسي على سبب تافه ومو بس مع زوجي مع كل الناس واللي زادني الدكتور كان مره مانعني من الخروج ماأخرج ألا للدكتور بس وأرجع بيتي

شوفي أذا تبغي صديقات تعرفي على زوجات أصحاب زوجك قولي لزوجك يقولهم وكل فتره تروحي لوحده لابد ماتلاقي وحده تعجبك أنا أتواصل مع زوجات أصحاب زوجي وأروح لهم بيوتهم ويجوني في بيتي وأتكلم معاهم على المسن سوي مثل طريقتي وبكذا تبدأي تتعرفي على الناس هنا
الله يتمم لك حملك يارب وتفرحي فيه ولاتتحركي كثير شغل البيت مايخلص لاتجهدي نفسك أبدا مادام مريتي بنزيف قبل ترى الخامس والسادس خطر شوي لأن الجنين يبدأ يثقل والخطر في الولاده المبكره الله يجيرنا منها
ربي يسعدك ويحفظك

[Nana.1985]

سلااااام ياا حلا كرووشات .. واحلا امهااات واحلا ناس يبو يسرو امهات .. الله يرزق الجميع كل خير يااارب ..

وحشتوني كتيررر ..! كيفكم ان شاءالله تكونو بخير ؟؟ وكل الي تحبوهم بألف خير ...
الللللللللف مبروووووووووووووووووك للحلوات الي ولدو واخيرااااا راحت كروشكم خخخخ ... الله يقومكم بالسلامة من الاربعين .. انتو والكتاكيت يارب يحفظكم ..

انا خلصت الاربعين يوم السبت واتطهرت الحمدلله وصليت .. بس الاحد جاتني الدورة خخخخ يعععععععووو قهرررر وتعبببببب .. الحمدلله ..
وكنت اقرا هنا انو الدورة الاولى بعد الاربعين خاصة للقيصري تكون مؤلمة ومدري ايش ... بس ترا كلوو خرررطي! مافيها الم مررا الحمدلله غير شئ بسيط ولما نانا تقول بسيط يعني بسيط .. بس الله يكرمكم الدم يكون منجد منجد غزييييييير ماقد نزل عليا دم زي كدا ولا في حياتي ولا حتى في الاربعين .. لانو بعد ولادتي على طول كانو حاطين ليا زي القسطرة للرحم وتصرف الدم والحمدلله الي كان ينزل طوال الاربعين دم خفيف جدا جدا جدا .. الحمدلله .. بس قلت اطمن اي احد قلقان ... هههه

لمووووسة حبيبتي وحشتيني كتير والله ونفسي تجيني بيتي .. زوجي حالف مايوديني الرياض يكره الزحمه مرررا خخخ انتي تعاليلي خخخخ ...

بنات اش تعرفو عن اللولب؟؟ لمنع الحمل .. ماني عارفة عنو اي شئ .. وقد مادورت مافهمت غير معلومات بس .. ابغا اعرف هوا عبارة عن ايش؟ كيف شكلو وكيف يتركب وكيف يتشال ويألم ولالا ؟! بس .. ساعدووني بليز خايفه اجيب العيد بعد الدورة ...

[ام رانسي]

سلام ياحلوات
مبروك للاخوات الي خالصو الحمل على خير الف مبروك وعقبالنا
وش الاخبار يا عسولات والله جالسه لوحدي زوجي طلع ما اخواني وانا في البيت لان الدكتور منعني من الحركه
نانا .زمان ما شفناك لك وحشه انتبهي لا تزحلط وتحملي مره ثانيه هههههههههههههههههههه
نلى خانم .انشواة مطر . وش الاخبار معا الحمل احنا لس بدري علينا نفكر في الولاده صح الله يعين بس
ثلجه فوشيه . يقلبي خالص هانت بقي ايام وتولدي ان شاء الله بخير وانا بعدك ان شاء الله على خير
حديثة عهد .حبيبتي الحريم مو زي بعض انا عورني صدري قبل اعرف اني حامل الله يكتبلك الخير
اموره وكتكوته .يارب تولادي بسلامه وتشوفي البيبي قدام عيونك يارب
رحيمة القلب .وش اخباره زمان ما عد شفتها ان شاء الله تكون بخير
احلى مواني .يا قلبي اسفه كتير لاني يوم كنت تحكي عن اهلى زوجك في المسن ما طنشتك بس والله زوجي دق عليه وقعد يسولف عشان كذا ما عد رديت عليك لا تزعلي مني امانه خلاص


بنات مره طفشانه من جسمي مره صار اسمر كل الي يشوفوني ما يصدقو اني صرت كذا لاني بيضا وفجاه سرت سمرا في احد جاه زيي وش سوا عشان يروح الاسمار امانه ولا ادوني خلطه تبيض حتى زوجي لحض عشان كذا طفشة اسفه طفشتكم

بنات انا في السابع ولسا مقضيت اغراض البيبي وش رايكم نسوي استبيان عن اغراض البيبي لان بكريه وما عندي سالفه عن الاغراض
اسفه على الاطاله

[زهره البيلسان]

الف مبروك عبوره وحجازيه وكوكو الحلوه وعقبال كل حامل يارب

الحمدلله على سلامتكم


بنات رحيمه من زمان عنها وعن اخبارها يارب تكون بخير

واذا وحده كلمتها قريب تطمنا عنها

[انشودةمطر]

سلام كروشات كيفكم
ام رانسي التغيرات هذي طبيعيه في الحمل وبعده كل شي يتغير اهم شي رطبي جسمك ووجهك خليك على الحاجات الطبيعيه زي الزبادي والحلبه لاتتضايقين ابدا
واذا على اغراض البيبي الحمدلله انا انتهيت منها بحكم الخبره هههههههه
لاتكثرين اغراض من الفرحه لانها حتجيك هدايا اهم شي الاساسيات وبعدين هوه صغير يعني في اللفه واللبس مايبان وبثلاث شهور يبدا اللبس يوضح عليه والعربيات والجلسات كلها اجليها ممكنن تجي هدايا بعد الاربعين اكتبي في ورقه اش اللي نا قص وجيبيه
نانا كيفك ياعسل خلصت عقبالنا ان شالله اما اللولب انا ممعاك وبقوه كمان استخدمت الحبوب وجننتني وركبت اللولب بعد ما استخرت الله وشجعتني جارتي وقالت لي عن نوع كويس وما يلخبط الدوره اسمه اعتقد نوفيت او قريب من الاسم وتركيبه على حسب شطارت اللي تركبه وخزه خفيفه ماتحسي فيها وتركبينه خامس ايام الدوره عشان الرحم نازل والثلاث شهور الاولى تزيد ايام الدوره وبعد كذا تنتظم ولا تحسين انه موجود ابدا هذا تجربتي معا وان شالله يناسبك بنات تذكروني قريبتي اللي اقول توفى ولدها وكان نفسي اروح اعزيها في قريه في الطايف بس بعيد وتعب امس جات الحرم وجلسته فيه الى اليوم وقالتلي امي البارح ومن اليوم افكر واقرر اسوي فطوري واروح لها في الحرم وسلمت عليها وعزيتها معاها 3 من بناتها انبسطت وانا فرحت اني رحت وعزيتها وقالتلي ماله داعي تعبي نفسك انا مقدره وضعك بس والله انبسطت اني سويت شي لها لاني مره اعزها واحبها وصليت المغرب ولعشا معاهم ورجعت بيتي بس رجعت مهلوكه من امشي في الحرم والزحمه والله من رجعت وانا ممده زي الجثه بس الحمدلله

[انشودةمطر]

شكلكم نمتوا