تجمع حوامل المدينة المنورة

[dr.princess]

لا ياحبيبتى مفيش حاجة احنا اخوات
اللى اعرفه ان الشهر الثامن والتاسع بيتبقى المتابعة كل اسبوعين مش كل شهر زى الاول فعلشان كده كنت بقولك لو قلقانة ابقى عيدي التحليل وكلها ايام وتعدى

[لمـار]

السلام عليكم
كيفكم يابنات ؟؟
سيناتوره ...
حابه اسألك ايش حسيتي وعرفتي انو عندك صديد في البول

[بذخ~]

هلا لمار
كيفك وكيف النونو ؟

[لمـار]

اهلين بذخ
الحمد لله تمام انا والنونو
انتي كيفك ؟؟

سووري بذخ كنت بعيده عن الجهاز

[بذخ~]

*الحمد لله أنا بخيرات ..(:

كيف البرد معاك .. اليوم كان الجو مغيم شويه قلت يارب تنزل مطر ..ماشاء الله اغلب مدن المملكة نزلت عليها مطرة .. عقبالنا يآآآرب

[لمـار]

يؤيؤ يالبرد ما احبه
آميــن يارب
متى ولادتك وهذا اول حمل لكي ؟؟

[يـــونا]

بنات المدينه

انا مو من المدينه

بس قلت لو مستشفياتهم زينه بولد فيها

يقولون اسعار المدينه رخيصه مو مثل جده

اما الي تقول ولاده عند اهلك احسن

اهلي مهم موجودين مسافرين خارج المملكه من شهرين

ماخذين تاشيره 3 شهور وبعدين يرجعون

يعني والده والده من دونهم

والحمد لله ربي موجود

[يـــونا]

على فكره الي عندها صديد بالبول
كان عندي بالشهر الخامس
وقالت لي الدكتوره خوفتني منه قالت بيسوي لك ولاده مبكره
لان الصديد يخترق مي الجنين وووو

سويت بعدها مغذي تقول يغسل الصديد

لمده 3 ايام المغذي الحمد لله راح

[بذخ~]

انا عندي الشتاء أحلى من الصيف .. سبحان الله في الشتاء احس اليوم خفيف وحلو ..بس خايفه اولد في الشتاء ماما تقولي الولادة في الشتاء متعبه ..ايوة ياقلبي اول حمل ..ربي يتمم بخير

[بذخ~]

هـلا فيك يونا..صراحة مستشفيات جدة احسن بكتير من المدينة ومدري عن اسعارها ..بس المدينة تقريبا الطبيعي بـ3 والعملية بـ7
انتي استخيري ياقلبي وربي يسهل عليك