تجمع لحوامل شهر جمادى الأولى 1433

[فوفو سكر]

سلام بنات شخباركم

انا جديده ع التجمع

[أم رزاان]

ياهلا وغلا فوفو
منووورة التجمع يابعدهم :)

[أم رزاان]

بنات شوفوا هالموضوع
جداً اعجبني كلامها من ناحية طبية وعلمية
راح امشي على نفس البرنامج في نفاسي بإذن الله

http://forum.hwaml.com/t45822.html

[H&H]

مرحبا
فوفو نورتينا

أم رزان
تسلمي على الرابط دحين ادخل واشوفه
بس عندي سؤال أنا بآخر الرابع وأحس ألم زي الثقل او الضغط في آخر البطن مررة تحت لدرجة اذا جيت امشي أحط يدي على أسفل بطني وارفع
وأضغط خفييييف لفوق وأحيانا عادي مافي شي

[أم رزاان]

والله ياقلبي من بداية الرابع وهذا الالم معي ومازال يجي بين فترة وفترة
مرررررة مزعج والله
بس الدكتووورة طمنتني وقالت طبيعي لا تقلقي ابداً

بغيت اسألكم بنات عن السماااار بالجسم :(
عندي الرقبة والصدر مرة باين السمااار
أنا اعرف خلطة مرة تزيل هالسمار بس المشكله ماتستخدم إلا بعد الولادة
أبغى شيء اقدر أستخدم الآن يخفف من السمار :(

[قمر .]

سلام .. منوووووورين للكروشاات وياهلا بفوفو..
والله ماعندي انفلونزا لله الحمد والضغط تماااااااااااام بس مدري من ايش
واذا ع المواعيد خليهاا ع الله ماعندي حل زوجي مو قاابل الله يسرها لي
بس هاانت يوم الاربعاء العصر نشووووف الجنس ونطمن ع البوبو
وصااادقه يخويتي اهم شي الخلقه السليمه بنت ولد نعمه من الله لك الحمد ياارب
hawarh جد فتقدناااااااك وينك غاايبه عسى المانع خير

[H&H]

أم رزان
الله يسعدك طمنتيني وان شاء الله بكرة او بعده اروح للدكتورة
منها أطمن ومنها اعرف ولد والا بنت انا باقيلي يمكن 4 ايام واخلص الرابع
ما ادري يبان نوع البيبي او لأ ؟
ام رزان انتي ببطنك ولد والا بنت يقولوا من علامات حمل الولد السمار
انا عن نفسي أخاف استعمل اي كريم تفتيح فترة الحمل لكن جربي ادهني
خلطة الجلسرين او زيت اللوز وبعد نص ساعة اتحممي وسوي مرة في الأسبوع مقشر وبعدين رطبي جسمك بكريم ممكن يساعد في تخفيفهاوهذا
كله يروح بعد الولادة ....

[أم رزاان]

ويسعد قلبك ياقلبي

ما ادري يبان نوع البيبي او لأ ؟

ايوووووه يبان بإذن الله
وإن شاء الله بكرة تبشرينا بسلامتة وتطمني عليه :)

وأنا حامل ببنوووتة يالغاليه
وترى مو شرط السمار للولد
أنا حتى بحملي بالأولاد ( جعلهم الله شفعاء يوم القيامة )
بيسمر جسمي وخصوصاً الرقبة حلمات الصدر

أنا حالياً بستخدم كريم بزبدة الكاكاو مررررررة جنااااان
ومررررة ريحني .. وريحتة كانها بخوور مرة هادئة ووحلووة

والله يعينا على هالفترة الباقية وتعدي على خير
ونتفرغ لأنفسنا !

[H&H]

[center][size="4"

]أولا  ألف ألف ألف مبرووك الإشراف 


والله يعوضك يارب بتوأم أولاد وما تدري يمكن الله كاتبلك الخير
في البنات الله يرزقك برهم وطاعتهم
انا نفسي بكريتي بنت لكن اول ماعرفت اني حامل صرت
اقول اللهم حسن الخلقة والخلق..
كريم زبدة الكاكاو اللي من بالمرز والا فازلين
فيك كريم البنات يتكلموا عنه كتبته عندي اسمه زبدة الشيا يشتروه
أظن بالكيلوا او في علب بلاستيك شفافة المهم شغالين مدح فيه
وحدة اشترته من الصيرفي مول محل اسمه صابون الطبيعة ..أكيد
عندكم فرع في المدينة...*[/size][/center

[أم رزاان]

آاامين لنا ولك بالمثل يالغاليه
وأنا بستخدم اللي من بالمرز
بصراحة مرررة عجبني ويخلي الجسم مثل الحرير

واللي تقولي عنة سمعت فية بس بصراحة ماجربتة !