تجمع أمهات الأطفال من الولادة حتى عمر ثلاث سنوات

شموسه · 09-07-2011, 05:17 PM

امين ولج بعد

قولي امييييييييييييييين

هلاا ومرحبااا الخنفساء

ارحبي

حبيبة حموودي · 09-13-2011, 10:44 PM

مسائكم ورد وفل وجوري
كيفكم ووش اخباركم
طبعا انا ام نيو قصدي جديده
واول مره ادخل التجمع
حبيت اتعرف عليكم ونصير خوات ونساعد بعض
الأمووووووومه مرررررررررررررره صعبه
انصدمت فيها على بالي اسهل من كذا
الله يعينا بس
طبعا انا عندي بنوته ربي يخليها ويهديها
عمرها الحين 3شهور ونص تقريبا
وانا ما اعرف ولا شي عن الأطفال كل شوي داقه على امي
ازعجتها بصراحه
ومن اليوم ورايح بزعجكم انتم تحملووووووووووووووني

وبعد قصة حياتي الطويله ابي كل وحده تدخل تقولنا كم عمر نونوها
عشان نتعرف على بعض اكثر يعني اكتبو نبذه عنهم بسيطه

ادري بتقولووون ياثقل دمها وياكثر كلامها ههههههههههههههههههه
بس بنتي نايمه وانا مرووووقه على النت{{{{محد سألك ههههههههههه

وأخيرا الله يحفظ لكم نونواتكم وتفرحون فيهم يارب

أم النوري · 09-14-2011, 06:19 AM

هلا فيك حبيبه حموودي
والله يبارك لك فيها وآحسن وقت تجلسين في على النت
لما يكونون نايمن ...
الامومه صعبه والله وانا كذا في البدايه كنت افكر انها بس لبس وتغير بامبرز
وحليب بس والحين لاااا طلع اكبر من ماكنت اتصوره
آنا ماعندي الا بنووته عمرها سنه و5شهوررر
عصبيه صياحه وماتبي غيري انا وابوها احد ثاني تفضح فينا من الصياح
هذا اقل شي اقدر اقوله لك
وحياااااك بالتجمع معانا وآذا احتجتي اي سوال احنا حاضرين

ام جومانة · 09-14-2011, 06:10 PM

مراحب بناات كيفكم وكيف العيال؟
والله صدق ياام النوري الامومه صعبه جدا وخصوصا ادا مااعندك حدا يساعدك
حبيبة حمودي.. الله يخليها لك ويرزقك برها.
انا عندي جمانا عمرها سنتين واربع اشهر وتوائمي اربع اشهر ومااعندي حدا يساعدني فيهم غير ربي ...

ورد الشمال · 09-15-2011, 12:17 PM

السلام عليكم
الله يساعدك ام جمانة و لا تنسين ان اجرك مضاعف وربي يحفظهم لك من كل شر
والله يساعدك ام النوري عارفة ان اصعب صفة في الطفل العنااااد الله يحرسها لك
حبيبة حمودي الله يخلي لك بنوتتك تقريبا في عمر ولدي
انا عندي ولد عمره تقريبا ثلاث شهور و نص و مغتربة عشان كذا المسؤولية كلها علي
و حرام هو طفل و صار يفهم للعب يعني طول ماهو جالس بس يبيني العب معاه
واشغالي اسويها بالقطااااارة و رمضاان مر علي من اصعب الرمضانات
الله يكون في العون *

حبيبة حموودي · 09-15-2011, 03:08 PM

ما النوري الله يعينك انتم شكلكم عودتوها لبى قلبها
ماتطلعون وتخالطون احد عشان كذا ماتبي غيركم
انا هذا الشي مخوفني أخاف لاكبرت ماتبي غيري
انا وابوها انا الحين اذا طلعت من البيت في مجتمع
تجلس تبكي طول الوقت واطفش من الجمعه واطلع
بنتي صياحه مررره
ام جمانه الله يكون بعونك ويغظم اجرك يارب
ويرزقك برهم
ورد الشام. هلافيك حبيبتي
والله انا مع الشغل سباق مع الساعه
اخلص شغلي ركض ركض عشان اجلس معها

حبيبة حموودي · 09-15-2011, 03:11 PM

اعذروني على الأخطاء الإملائيه
عشان ادخل من الجوال باالنهار
وبالليل لانامت ادخل من اللاب
الا على طاري النوم كيف نظامكم مع
النونوات والنوم يعني كيف طريقة تنويمهم
وش النظام المتبع لهم

طفـ روح ـله · 09-15-2011, 03:15 PM

اهلين امهات
انا عندي ولد عمره سنة ونص

حبيبة حمودي بنوتك لسه صغيرة اكيد تعذبك وقت النوم الله يعينك

حبيبة حموودي · 09-15-2011, 03:19 PM

هلابك روح ان شاالله العمر كله لولدك
الله يخليه لك ويرزقك بره
أي والله بنتي مو بس في النوم حتى لاطلعت
حتى لو عند اهلي تصيح كثير

طفـ روح ـله · 09-15-2011, 03:26 PM

اكيد تصيح من سبب
يمكن تكون جوعانه او فيها نوم او ماتحب الناس الغرب او انها متعودة على الشيل
انتي لا تعودينها على الدلع على طول خليها بسريرها ولما تكوني بالمطبخ او عند التلفزيون حطيها بالجلاسه او الهزازة << مادري اش تسمونها
الله يخليها لك اموت انا بالبنوتات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
النظر والسمع عند الأطفال حديثى الولادة	نورا	استفسارات رعاية المواليد	6	11-03-2012 05:02 PM
مشاكل العيون لدى الأطفال حديثي الولادة	الشوق عطري	استفسارات رعاية المواليد	5	04-09-2011 02:17 AM
أمهات الأطفال المرضعات تعالوا جاوبوني..	عقد لؤلؤ	منتدى الرضاعة الطبيعية والصناعية	3	11-27-2010 12:11 AM
البثور والطفح الجلدي لدى الأطفال حديثي الولادة	الشوق عطري	استفسارات رعاية المواليد	3	01-11-2010 10:30 PM
صحة الوليد - الأطفال حديثي الولادة	الشوق عطري	استفسارات رعاية المواليد	0	09-27-2009 12:44 PM