تجمع الحوامل اللاتي سيلدن بشهر محرم 1432

[أسوم]

يوه يازهرة الله يعينك وضعك صعب ان اخترتي الحكومي وصار شي لاسمح الله مابتسامحي نفسك واذا خاص زي ماتقولي اهم شي عندهم المكسب المادي وانا حابه اشاركك همك والمفروض تسوي هالشي الي بقوله لك لوتقدري
اول شي تروحي للخاص لدكتورتك وتقولك وش مدى الخطورة على البيبي بس الي خلاك تحملي بعد سبع سنوات بخليكي تحملي مره ثانيه ربك قادر على كل شي وانا اعرف الي حوضها صغير تولد عمليه قيصيريه بس مو قضيه ولاتخافي نص الحريم يولدوا عمليه بس بالنسبه لضروفكم الي زي ضروفنا هاليومين اولدي بالحكومي والله الحكومي افضل بضروفك انتي باي مدينه؟
بس اهم شي خذي منها تقرير بحالك وعرضيه على الدكتور الي بالحكومي واعرفي راي اكثر من دكتور وبعدين وروحي لاحسن وحده تسوي سونار لوبمستشفى ثاني حماتي قالولها نها بتولد عمليه ولدت لان حوضها صغير زي ماقالت طبيبة السونار اتعبي الحين ولاتدفعي 10000 للخاص وقولي لنا وش بيصير معك
وثاني شي والاهم الاستغفار الاستغفار الاستغفار والاستخارة بعد كل صلاة قولي دعاء الاستخارة فما خاب من استخار وربي بيسرها لك حبيبتي<<<<<<<<<<مره تاثرت

[منتظره]

هلا فيكم كروشات

اولا بالنسبه لرايك اننا نتقاش في امور مهمه فان معاكي علشان نستفيد من هذا التجمع

وبالنسبه للمستشفيات انا أيد الحكومي وبشدددددده

خصوصا انك ظروفك ماتسمح للخاص فحرام يدين زوجك علشان الولاده في الخاص

في مثل عندنا في الاحساء نقوله (مايشيلك الا حظك) يعني التسهيل في الولاده من الله مو من المستشفى

وكثير قصص سمعته عن الخاص يذمون فيه

توني قاريه قصة وحده في الجريده ولدت في خاص وبعد كم يوم نزل معه نزيف ..

راحت مره ثانيه لنفس المستشفى سوولها تنظيف وبعد فتره قامت تحس كله بالم وانتفاخ لبطنها وتروح لهم ويقولون طبيعي من الولاده

وتالي في يوم نزلت منها قطعه دم كبيره فيها شاش وهذا الشاش ناسينه فيها المستشفى وقت التنظيف

فشفتي اشلون كله من الخاص

وغير انهم سمعت كله يحبون الوحده يولودنه بعمليه قصيريه حتى لو ماتحتاج

زوجة حماي ولاده من فتره في خاص وكان الر حم عندها مفتوح 10 ولدوها قصيري

يعني حرام قصيري واهو مفتوح 10

ان شاء ماطولت بس هذا رائي

وانتي لج مطلق الحريه

والله يهون علينا جميعا

[احبـــــــــــــــك ولكن.]

مراحب بنات
كيفكم ان شاء الله تمام
>>انا لي اسبوع من الثامن ولسى ماشريت شي لا من العطاره ولا لي ملابس استقبال ولا شي للبيبي>>عايشه حياتها ع الاخر
الحاجه الوحيده اللي سويتها اني رحت وحجزت التوزيعات بس .. والعطاره على امي فديتها
والمشكله اني ماني عند اهلي انا بالاحساء وهلي بالافلاج >>تابعه لمنطقة ارياض
امي تقنعني اولد عندها باحكومي خايفه علي وانا ابي اولد هنا في مستشفى الاحساء كثير يمدحونه
وعلى فكره انا بكريه ..صحيح انا بعد اسبوعين مسافره بسياره ع طريق خمس ساعات فيه خطر علي ولا تكفون ردو علي..

[أسوم]

صادقه يالمنتظرة الحكومي يظل افضل بكثير...الا في حالة المدن الكبيرة مثل الرياض وجدة والدمام ففي مستشفيات خاصه معروفه ولها اسمها من زمان واخر شي يفكرو فيه الفلوس
وربي يختار لك الصالح ويسر امر الجميع

[عاشقة الجنه]

السلام عليكم ورحمة الله
اول شي برد ليك يا زهرة البنفسج وخذي الراي ياحبيبتي اذا الخاص طبيبته كويسه سوي القيصري ولاتعرضين نفسك للتعب انتي والبيبي وماعليك من اهل زوجك اتوقع لو بنتهم بمكانك قالو سوي قيصري لان بنت اختي ولدت بحكومي وكانت مثل حالتك وبعد ماتعذبت ووسعولها من تحت خيطوها ثلاث غرز وبعدين ولدوها قيصري تخيلي غرز وخياطه من مكانين لاتخاطرين بنفسك والجنين ياعيوني وتوكلي على الله بعد صلاة الاستخاره ووسوي قيصري وكثيييير بهذا الوقت عملياتهم قيصري وبالنسبه لظروف زوجك صدقيني راح تفرج لان ربي مايجيب روح للدنيا الا ورزقها معاها تحملي التكاليف في سبيل سلامتك انتي وطفلك الله يفرج همك


بالنسبه للموضوع الاساسي اغراض النونو والتجهيز فانا الي طرحت الموضوع بالبدايه بس للاسف مثل ورودماعرف انزل صور بالموضوع ومره متحسره لاني شريت غراض من سنتر بوينت ورد تاغ مره حلوه واليوم شريت مفرش السرير ولااعرف انزل صورهم هنا بس اغراض سنتر بوينت اغلى من رد تاغ باقي لي اغراض العطاره والصيدليه الله ييسر لي ولكم نسيت اقول لكم انا بالشهر الثامن توني داخله الله يتمم لنا على خير

[آلاء]

مرحبا كروشااات
انا الحمد الله اشتريت للبيبي تقريبا كل الاغراض من سنتر بوينت
بس ما عمبفهم عليكم شو هي اغراض العطارة

[ماي ورد]

زهره اخر ماتفكرررررررين فيه هو الفلوس اهم شي انتي والبيبي لاتخاطرين بنفسك ولابجنينك توكلي ع ربك والله يسهل عليك

[ماي ورد]

انا بصراحه متضايقه من الدكتوره اللي اراجع عندها تخيلو ماتتكلم الا لما اسالها لا وترد من غير نفس وانا بكريه احس نفسي ضاااااااااااايعه

[عاشقة الجنه]

اهلين الاء
اغراض العطار بالنسبه للنونو يانسون وكراويه وشمر
ليكي انتي للناس اقصد حلبه حبه سوداء كمون مره مستكه زنجبيل زيت زيتون

[أسوم]

للي مادياتهم تسمح يشتروا لبس بيبي غالي شوي بابني الاول جاتني هديه من وحده من صدقاتي الغاليات على قلبي وهي الحين حامل بشهر الثاني

جابت لي هديه مميزه جدا وهي سله قش من مذر كير بس الي بالراشد ب700 ريال لاني دورتها بالمولات الثانيه مالقيتها فيها كل شي ملابس بيبي وجنان والله من كل شي اثنين حتى تبانات 3 قطع وكل ماجاني احد لبستهم ابني وكان شكلهم مره انيق ومريح للبيبي للحين جدد وترى في سله اصغر منها اقل اغراض مني مذكره سعرها شوفوها يمكن تعجبكم