تجمع المتأخرات عن الحمل بالطفل الثاني .. { يارب أجبر خواطرنا} -- العدد 2 --

[Um Ghala]

ام احمد .. لا والله ريلي للحين ما فحص .. و الحمدلله ان كل شي تمام عندج بس مجرد التبويض و ان شالله هالموضوع هين و دامج حملتي ان شاء الله بتحملين عاجلا غير اجلا .. وحده من ربيعاتي نفسج سبحان الله عندها ولد و حملت و عقب حمل كيميائي اللي ما يكتمل و ردت حملت و عقت .. و عقبها حملت و ماشاء الله الحينه بدش الرابع و عقبالج يارب ..

ام روزي .. الله كرييييم حبيبتي و الشكوى لـ رب العالمين هو مفرج الهموم .. والله يرزقج عاجلا غير اجلا و كل من تتمنى يارب ..

[أحمد حبيبي]

صبااااح السعاااااادة والرضاااااا

المشاركة الأصلية كتبت بواسطة ام روزي ويوسف

السلام عليكم
هههه لا ام احمد اني نفسيتي تعبانه من المدرسه والتعب ولا اهل ولا أصدقاء، بالنسبه للحمل والله مو حاطه في بالي شي ، حتى مو متحمسه للحمل ، زوجي ذابح روحه على طفل بس اني غيرت رأيي مابين نزلت الدوره والتعب مالتها حسيت هرموناتي متلخبطه عصبيه ومزاجيه وظليت بس متكأبه ومالي نفس لشي ، فكرت انتظر التحاليل واشرب الكلوميد على الشهر الثاني، لان اكيد الكلوميد ماراح يجيب نتيجه اذا دوره متلخبطه او تكيس
الله يرزق الجميع عاجلآ غير آجل

هههههه ام رووز .. الحمدلله انه امورج تمام .. خفت عليج لانج قلتي انه علاقتج بريلج متوترة ومانبا نوترهم محتاجينهم خسهم الله هههههههههه .. شوفي طالما فيه دورة احتمال الحمل كبير مع العلاج الصح .. انا بنت خالي مافيه حد مثلها فهالدنيا متخربطة دورتها .. وتتعالج تنزل الدورة وتاخذ علاج الحمل وتحمل .. عندها ما شاء الله 4 بنات ثنتين منهن توم وولد الله يحفظهم .. فان شاء الله بتحملين قريب يارب

المشاركة الأصلية كتبت بواسطة um ghala

ام احمد .. لا والله ريلي للحين ما فحص .. و الحمدلله ان كل شي تمام عندج بس مجرد التبويض و ان شالله هالموضوع هين و دامج حملتي ان شاء الله بتحملين عاجلا غير اجلا .. وحده من ربيعاتي نفسج سبحان الله عندها ولد و حملت و عقب حمل كيميائي اللي ما يكتمل و ردت حملت و عقت .. و عقبها حملت و ماشاء الله الحينه بدش الرابع و عقبالج يارب ..
..

ام غـــلاا .. حبيبتي والله ماعرف شو اقولج وما ودي اعصيج على ريلج.. لكن وااااايد حريم يتعالجن ويتعبن جسديا ونفسيا وفالنهاية يطلع فالعوق فالريال .. ربيعتي معرسة من سنة وشهرين اتعالجت وهرت عمرها وقلتلها خل ريلج يفحص طلع هو عنده بطء فالحيوانات المنوية .. ووايدات اعرفهن جذه .. انتي حاولي تقنعينه يفحص خصوصا لو كان مدخن ترى التدخين يسبب مشاكل للخصوبة عند الريال

الله يوفقج ياااااااااااااااارب وتسلمين عالكلام المشجع لا خلا ولا عدم ياربيه .. انا الشهر لى طاف وقفت الكلوميد وبوقفه هالشهر واتريا العلة تنزل ههههه .. الشهر الياي بإذن الله باخذه بس هالمرة بخلي الدكتورة تعطيني ابرة تفجيرية

الله بيرزقنا كلنا ان شااااااااااء الله

[دلع غربي]

الله يرزقكم يارب ويرزق كل متأخره

[أحمد حبيبي]

المشاركة الأصلية كتبت بواسطة دلع غربي

الله يرزقكم يارب ويرزق كل متأخره

دلع غربي

اللهم آمييين وجميعا ان شاء الله

[دلوعة بالحيل]

الله يرزقكم و يرزقني الحمل السليم
و يرزق كل محرومه ي كريم

[Um Ghala]

ما نسيتكم في المطر الله يرزقني و يرزقكم و يفرحنا و يفرح عيالنا هالشهر يارب هو قادر على كل شي يبدل الاحوال من حال الى حال في ثانيه الله يجعلنا من الحوامل هالشهر يااااااارب ..

[أحمد حبيبي]

صباااح الامطار الجميلة يالامارات .. صباح الاجواء العذبة .. اجواء الرحمـة :)

الحمدلله مطرنا بفضل الله ورحمته .. اللهم صيبا نافعا يااارب

دلوعـة الجبل .. اللهم آمين عزيزتي ويميع ان شاء الله

ام غــلااا .. الله يبشرج باللي يسر خاطرج يااااااااااارب .. ان شاء الله الملائكة تردد ولج بالمثل وتبشرينا بحمالج قريب

اللهم انعم علينا بالذرية الصالحة كما أنعمت على البلاد والعباد بغيثك .. اللهم اغثنا اللهم اغثنا اللهم اغثنا وارزقنا الحمل عاجلا غير آجل يااااارب .. آآميـــــــــــــــن

[ام روزي ويوسف]

السلام عليكم
سبحان الله احنا بعد عدنا مطر خير يارب، اخباركم اموركم ان شاء الله كل شي تمام ، دورتي ما خلصت اكثر من 10 ايام ، الله يعينا اجمعين،.
ام احمد.. دورتي متخربطه من يومي بس حملت بسرعه بدون علاج وبعد ابني صارت تجي مضبوطه كل شهر ، ولما خليت في بالي الحمل اتخربطت مره ثانيه.

[أحمد حبيبي]

هههه أم روز ويوسف حبيبتي كلنا فهالوا سوا .. هالدورة غثيثة تناحس هههه

انا مأساة الشهر اللي طاف اتكررت لا حمل ولا دورة هههه والحمدلله راضية ومرتاحة وواثقة بأنه ربي بيعطيني قريب إن شاء الله

الله يرزقنا كلنا يارب

[Um Ghala]

شكله التفكير مأثر علينا .. ><