تجمع حــوامل التوائم

[حزن الزمان]

كوثرية فعلا هذا اللي يجيني شكرا على التوضيح ..

[كوثرية]

أهم شيء انكم اطمنتوا

[حزن الزمان]

عسووولة وينك ... ؟؟؟ وحشتينا
أم البنيين العميدة وينها مالها حس وحشتينا ؟؟؟

[أستاذة ذوق]

كوثريه ابسألك انتي تقولين ولادتك السابقه مبكره
طيب الجنين حطوه في الحضانه لمدة كم
وكانوا يخلونك تشوفينه وترضعينه ولا لا..؟

[كوثرية]

كوثريه ابسألك انتي تقولين ولادتك السابقه مبكره
طيب الجنين حطوه في الحضانه لمدة كم
وكانوا يخلونك تشوفينه وترضعينه ولا لا..؟

هلا حبيبتي

صحيح ولادتي كانت مبكرة بس مش كثير

يعني ولدت قبل ما أدخل التاسع بأربعة أيام بسبب نزول الماي

أنا ولدت ليلة الجمعة وطلعت من المستشفى يوم الجمعة المغرب وعطوني ولدي يوم السبت الظهر، لأن كان عنده التهاب في الرئة خفيف وتعافى بسرعة الحمد لله .

وخلال هالفترة اللي قضاها في الحضانة مارحت له لأني طلعت الجمعة المغرب ويوم ثاني الظهر على طول عطوني اياه .

بس كان نتوووفة يا قلبي عليه، حتى أخت زوجي راحت مع زوجي يجيبونه، لما دخلت لي كانت حاطته تحت عبايتها ما حسيت أن تحت عبايتها شيء، لأن أنا بطبيعتي عيالي يجون للدنيا صغار ويكبرون بعدين .

[لمياء]

مساء الخيرات ياكروشات

هذي اول مشاركه لي في المنتدى

وسجلت فيه حبيت اشارككم

نونه العسوله وحزن الزمان و....وكل اللي مشاركين في هالموضوع

حبيتكم كثير وكل يوم افتح على سوالفكم واقراها وقلت لازم اسجل عشان اسولف معاكم

انا اموت في سوالف حوامل التوأم

وانتم غير بصراحه حسيتكم قريبات من بعض

تقبلوني معاكم؟

[كوثرية]

حياج الله أختي لمياء

في العين قبل الصفحة > على نمط في العين قبل البيت



ان شاء الله تستانسين بينا، وإذا كنتي تحبين التوائم ان شاء الله تجيج العدوى بسبب قعدتج بينا ههه

[لمياء]

الله يسلم عمرك حبيبتي كوثريه

وتسلم عيونك

ويارب تجيني العدوى بالتوأم وابلغكم

[لمياء]

تدرين اتمنى ربي يرزقني توأم مثل اللي في صورتي الرمزيه


وش رايكم فيهم ؟

[لمياء]

كرووووشات

مين اول وحده بتولد فيكم؟