دردشة بنات العراق, دردشة حوامل العراق , تجمع بنات العراق

[ام نورهانه]

هلوووو بنات رجعتلكم

وج صفاوي هاي يسموها كآبه النفاس او مابعد الولادة اقري عليها بالنت وهسه تشوفيها منطبقة على حالتج اني هم صارت بيه بنورهان وحتى بهاي هيج تلكيني كاعدة اضحك وعلى غفله الدموع تكوم تجري نهر
عادي عادي واذا على زوجج ميكعد وياج اكولج يكعد شيسوي قابل متكوليلي تدرين اني لعد اول 15 يوم من ولادتي اني انام بالهول وهو بالغرفه علمود هو عنده دوام واذا يسهر ويروح للدوام مشبعان نوم يكرع راسي تعبان وتعبان
وحتى هسه صح هو خلاني ارجع الغرفتي وظل يحجي يكولي ماخذه الطفله وهناك نايمه كتله غير علمودك وعلمود متظل تلومني
وهم من تبجي اني اخذها للهول ارضعها واسكتها ياله ارجع للغرفه
يعني هم اعذره لان عنده دوام وتعب

[مي &]

شلونج حياتي ام مهدي

حبي فوفو هدي نفسج حياتي

الحمدلله ليو ابخير

[مي &]

هله حبي ام انوشه شلونج وشلونهه الضغيرونه سوزي

بوسيليهاهه امانه

[ام نورهانه]

وج فوفو حمد لله على سلامه ليو حبيبي ربي يحفظه من كل عين وشر
لج احنه حتى بهالسوالف متفقات اني هم صارت بيه هاي السالفه الخنكه وكلما اتذكرها دموعي تكوم تجري
بس اني مو زاعت اني نورهانه خنكتها اوووف ربي يمكن حجيتلكم هم زركت وضليت اعيط والطم لان هم كامت متتنفس وصارت نيلي مو ازرك الا اجتي ام زوجي خضتها قووي وبالمي وفلفلتها ونفخت بوجها ياله رجعلها النفس سودة عليه وهم وديتها الطبيب الحمد لله مابيها شي بس انطاها ابره مقوي
ومن يومها وهي صايره عااااااايقه وسفيهه ههههههههههههههههههههههه

[ام نورهانه]

كل الهلا ميوووشه حياتي توصل بوساتج وانتي بوسيلي برورة فوددديتها

[مي &]

يمه حبيبتي سوزي الحمدلله على سلامتهه


وج اشلون خنكتهه نورهان

يمه الغيره شتسوي

[مي &]

تسلميلي حبي
ولج بروره ما ادري شبيهه هليام متاكل كلشي ومتشرب حليب الا بلكوه وبس تبجي

معقوله من السنون

[ام نورهانه]

ميوش هاي اسنونها وج السنون الله يعين الطفل عليها تعمل عمايل يكوم لا يكدر ياكل ولا يبلع لان فجوجه تكوم توجعه خطيه حبيبتي فترة وتعدي بس خلي ببالج ان هي راح تضعف

اي والله ميوشه كانت مكمطه سوزي سوده عليه وجتي نورهان محاوله اتشيلها ومكادره وواكعه منها ومكلوبه على وجها ومسدود تنفسها واني طبعا كنت بالحمام ومأمنه نورهان دتلعب مو يم اختها سبحان الله الحمد لله ربي سلمها

[شهدعمري]

المشاركة الأصلية كتبت بواسطة فوفو العراقية

مسا الخير
شلونكم؟
حبيت اطمن عنكم
وعتذر لعدم دخولي
والسبب هوة الضيوف والسهر وانشغالي بالبيت
واليوم كان عندي ضيوف عائلة ابن خال زوجي أجوي من مدينة ثانية
وطبعا وتنضيف وطبخ و و و .... الخ
وصارة شغلة بعدما دخلو الضيوف ب 10 دقائق
إلياس جان نائم حبيبي
وفجأة اتقي من خشمة وحلكة الحليب كله طلع وختنك
وظل ربع ساعه ميتنفس والوغف يطلع من حلكة ودموعه تنزل وصار لونة احمر ازرك
وجتي إسعافات اثنين وحدة بيها ممرضين 2 والثانية بيها طبيب
وحاولو ويا لغايت ماتنفس وتاكدو انه عايش
ولكم عيني أني وأبوه لهسة الرعب بينة
ظليت آدك ولطم والمشكلة الضيوف كدامهم مكدرة احجي شئ
أني جنت بالمطبخ دا أكمل الغدة الهم وزوجي جابلي ابني دا يمووووت بيدي
الله لا يراويها لحدهالحظة لحد هسة تعبانة أني رغم الطفل زين صار
وزوجي هم
والضيوف هسة يلا راحو
وخايفة كلش حليبي ينكطع أو يصير بية شئ ثاني لان صار 12 يوم من جبت
أو وف يابنات والله بعدني ابجي من اذكر ها لحظات.
دعاكم لطفلي بالصحة.

حبيبتي فوفايتي العسل هلا وغلا بيج والحمد لله على سلامة الياس ما يشوف شر انشاء الله وياريت تشيلين صوره الي نزلتيهم ما شاء الله عليه هو حلو اكيد اجته عين وحاولي تطلعين صدقه وباليت لمى ترضعينه حاولي تخليه يتجشأ يعني تقلبينه وتدقين على ظهره خفيف وتسمعين صوت التجشأوتطمنين بعدها من ينام اكيد ما راح يرجع من خشمه ودائما ديري بالج عليه وانتبهيله وهسه انتي توج والده كم يوم وينج وين العزيمه كان طلبتو اوردر من برى للضيوف لازم ترتاحين انتي نفسه ومو تنسين خلي صدق تحت راسه وطلعيها لفقير وانا من يمي راح اطلع عنه بعد فديت قلبه حبيب انقهرت عليه كلش بوسي الي هووواي وطمنينا عليه

[شهدعمري]

ام مهدي عيوني لا تضوجين ولا تبكين ربج موجود والله يهدي قلب زوجج ويحننه عليج مو لازم تظاهرين بالمرض حتى يحس فيج
انا بعد بغربه نفسج وصار 10 سنوات بس من صار عندي بنات اثنين وزوج ما احس روحي بغربه لان صارت عندي عائله هسه يجي مهدي كلها كم يوم وعذرج يكون معاج انج فعلا مريضه وتعبانه ومهدي راح ينسيج الدنيا كلهااا وراح ما تلكين حتى وقت تفكرين فيه بالغربه والله يتمم حملج على خير والله يسخرج زوجج يا رب ويحنن قلبه عليج يا غاليه دموعج غاليه مووووواح