تجمع حوامل المدينة المنورة

عذبوكـ ياقلبي · 12-10-2010, 08:44 PM

اهلين آلاء
والله في اللي ولدو طبيعي وفي اللي ولدو قيصري
وفي وحده من عماتي سلامة الناس مرتين مات الطفل فبطنها بالشهر السادس
وبرضو بالمطبقاني ولدوها قيصري لأنو الطفل مانزل

لمـار · 12-10-2010, 10:02 PM

عدنـــــا
اهلين عسولات أخباركم ..؟؟

سيسبانه · 12-10-2010, 11:02 PM

احلى سلام لاحلى كروشات
كيفكم انا لي فتره متابعتكم بس بصمت >>>>>مافيني اكتب
انا حامل فنص الثامن
وانا الصراحه ماروح غير للمواساة سبحان الله الف الف وارجع لها
بس ذحين تغيروا كل دكاترتها اللي اعرفهم وجربتهم راحوا ماجده ولبنى ومنال
والله مره محتاره فين اروح
وبسألكم صبايا من جربت الدكتورات الجدد اللي فيها
والله يتمم لنا على خير يارب

Raama · 12-10-2010, 11:40 PM

السلام عليكم

كيفكم كروشاااات

افااا مافقدتوووني

أم يزوني · 12-11-2010, 01:07 AM

اهلين راما..كيفك؟كيف الصديد معاك؟بشري عن تحاليلك..
أنا ح عمل بكره تحليل برضو..

بنات قصر العرائس اللي جنب"كل شيء للأطفال"عامل تصفية شاملة..
أسعاره مرة حلوة بعد التخفيض..اللي حابة تشتري مفرش سرير تمروا قبل لا تنتهي التصفية..سمعت الموظف يقول انو بعد 15 يوم ح تنتهي..

حنونة فهد · 12-11-2010, 02:03 AM

كيف حالك سيسبانه

انتي تراجعي عند الدكتورة مين ؟

انا رحت مره وحده عند الدكتورة ايمان

بس دحين ابغى اسوي تصير سونار فين اسوي ؟؟

انا في بداية الخامس

حلا المدينه · 12-11-2010, 03:14 AM

صباح الخير كرووشات
كيفك راما وسيناتوره ولك ولكم وحشه
يابنات رحت الدكتوره وقالت عندك صديد مرتفع ايش العلاج ابي شي طبيعي مابي اولد دحين

عذبوكـ ياقلبي · 12-11-2010, 04:02 AM

سلامتك والله حلا
طيب هيه ماأدتك علاج ..؟
هيه قالتلك ولادهـ مبكرهـ ..؟

حلا المدينه · 12-11-2010, 04:10 AM

هلا عذوبك الشر مايجيك قالت سوي مزرعه بول الله يكرمك وتعالي بعد ثلاث ايام واعطيك دواء
الصديد يجيب ولاده مبكره هاد كلام الدكتوره ومره تعبانه الالم بضهري وبطني ومن تحت دعوواتك

عذبوكـ ياقلبي · 12-11-2010, 04:12 AM

لا ان شاء الله تولدي بوقتك
ولو حصل فهذا ارادة ربنا اكيد لكي الخير فيها
انتي ساوي المزرعه وروحي واتوكلي على ربك واستخدمي زي ماقالت الاخت البقدونس
وان شاء الله خير