دردشة حوامل مصر - دردشة بنات مصر - تجمع حوامل مصر

دودى اشرف · 10-30-2010, 07:22 PM

اقتباس:

المشاركة الأصلية كتبت بواسطة denar

انامن الاقصر وفالسعودية موجودة فالجبيل فالمنطقة الشرقية جنب الدمام

اجدع ناس كل اهل الصعيد والله ... ربنا معاكى ومعانا فى الغربة يارب ... وانتى اول حمل ولا عندك اولاد ؟.. وبقالك اد متجوزة ؟؟

denar · 10-30-2010, 07:22 PM

بما انك فالسادس كنت عايزة اسالك عن حركة البيبى امتى حسيتى بيها

denar · 10-30-2010, 07:23 PM

لانى فاول الخامس ومحستش باى حاجة

denar · 10-30-2010, 07:23 PM

اول طفل انا متجوزة ليا6شهور

denar · 10-30-2010, 07:24 PM

وانتى ده اول طفل ليكى

دودى اشرف · 10-30-2010, 07:26 PM

اقتباس:

المشاركة الأصلية كتبت بواسطة denar

بما انك فالسادس كنت عايزة اسالك عن حركة البيبى امتى حسيتى بيها

والله انا كمان جوزى مش هيكون معايا ومش عارفة هيعرف ينزل ولا لأ على الولادة .. بس اللى هيفرق انك هتلاقى حد يراعيكى كويس لان الواحدة هتبقى عاوزة خدمة جامدة ومراعية .. ربنا يقومنا بالسلامة جميعا ان شاء الله.

والله يا حبيبتى انا حسيت بيه فى نص الرابع كده ... بس طبعا حاجة بسيطة ... بس مش شرط كل حامل تحس فى زى التانية .. بتختلف طبعا .. انتى حسيتى بيه ولا لسه ؟؟

denar · 10-30-2010, 07:27 PM

لالسه محستش بحاجة بصراحة بس احيانا بحس فبطنى زى تقلصات فالجنب الشمال او فوسط بطنى وتختفى تانى

دودى اشرف · 10-30-2010, 07:28 PM

تقريبا كلنا هنا متجوزين قريب من بعض .. معظم بنات هنا متجوزة فى تواريخ قريبة من بعض

متقلقيش من موضوع الحركة ... مش شرط تحسى فى الاول كده .. استنى شوية وبعدين روحى اطمنى يا حبيبتى ... طيب انتى عملتى سونار واطمنتى على البيبى ولا لسه ؟؟

denar · 10-30-2010, 07:31 PM

اه انا اطمنت من فترة وقالتلى تمام وهروح تانى اول الشهر ده اشوف الطفل بالسونار

دودى اشرف · 10-30-2010, 07:32 PM

انا اول حمل لانى متجوزة برضه من 7 شهور .. والله مش عارفة موضوع التقلصات ... بس انا كان بيحصلى برضه كده لان طبيعى الحمل بيتعب القولون ... وفى ناس بتقول ممكن تكون حركة البيبى ... انا اول مرة حسيت بالحركة كانت زى السمكة كده بالظبط بس قليل جدا لما كنت بحس وكتر مش هتعرفى تفررقى بين اذا كانت حركة ولا تقلصات .. فا ممكن تبقى حركة