دردشة بنات العراق, دردشة حوامل العراق , تجمع بنات العراق

[المغتربه المتفائله]

حبيباتي اني ارووح انام تصبحون على خيررر

[safa almhana]

المشاركة الأصلية كتبت بواسطة حياتي بوجودك

حبيبتي الله يساعدج يا عمري هي الولاده صح طبيعيه بس هيه صعبه كلشي يتغيير بلمره
وخاصتا من شوف طفلها اني صار بيه مثل حالتج واكثر
ما اعرف احس نفسي زوجي ما يحبني شعوري تجاه الطفله ما عرف شنو كان احس شكلي خلص خرب نفسيتي مو تمام
وبس ابجي حتى من اشوفه وبمرور الوقت هو هم بعد مل
بس بعد فترة بدت الامور تصبر تمام سبحان الله
استغفري ربج واحمديه كثير
الله يكون بعونج يا غاليه ولا تبجي مو زين لا عليج ولا على الطفل ولا تخلين الوسواس ابالج زوجج يحبج وما عنده غيرج وانتي اكيد بقلب قلبه
ربي يسعدج

مو بيدي وربي ياغاليه احس نفسيتي متعبه ودمعتي تنزل بسرعه ربي بس القادر يساعدني على تخطي هالوقت لانو جدا صعب

[safa almhana]

المشاركة الأصلية كتبت بواسطة شهدعمري

حبيبتي المغتربه انشاء الله باجر اذا كملت تحليل راح اجي واطمنكم

صفاوي حبي هذي مرحلة النفاس هالشكل اتصير الحاله النفسيه تعبانه حاولي ما تفكرين هواي وحمدي وربك وشكري على انك ولدتي بسلامه وشفتي ضناج بين احضانج ولا تتحسسين هواي حاولي تلهين حالج باي شيء غير هالتفكيرات الي تفكريها ترى هالمرحله كلنا نمر بيهاا

شهوده اني عبالي بس اني هالشكل والله تمر لحظات من اشوف نفسي تعبت كولش اروح افزز مهدي حتى بس يبجي والتهي ويا بس المشكله انو حاسه زوجي مو ويايه بهالمحنه عالرغم هو ديسوي كولشي حسب ميكول بس احسه قليل معرف

[أم أيهومي]

حبايبي تسلموون للكلمات الحلوة مثلكم وشهوده ياروحي شكرا للاغنيه فديتك,,
بنات هذا هو موضوع التصويت راح تلكون كل مشتركه ووياها رقم
وجواها عنوان قصتها يعني رابط بس تضغطون على العنوان يفتح عدكم
وقصتي موجوده قبل شويه خليتها بكتابه اضغطوا عليها وتفتح قصتي بتأخر الحمل


وهذا رابط التصويت للكل,,
هنا التصويت لأجمل قصه لتحقيق حلم الإنجاب - الصفحة 6

[شهدعمري]

المشاركة الأصلية كتبت بواسطة المغتربه المتفائله

حبيباتي اني ارووح انام تصبحون على خيررر

حياتي وانتي من اهل الخير يا غاليه اتمنيت تبقين معانا بس ادري فرق الوقت يالله نلتقي باجر انشاء الله

[safa almhana]

المشاركة الأصلية كتبت بواسطة المغتربه المتفائله

صفاوووي حبي شلونج وشلونه مهدي يارب بخير
حبي انتي مكتأبه لان وحدج وفتره الولاده صعبه ودخلتي مرحله جديده بحياتج حبي حاولي تهدين نفسج
ولاتكبرين المواضيع وياحبي لاتفكرين شنو مكانتج عند زوجج انتي حبيبته وام ابنه وهوه اكيد يحب يكعد وياج
بس ميكدر لان عنده شغل وانتي هم بنفسج كلتي يروح لشغل يعني ما يروح يطلع يتونس مجبور يطلع
الله يحفضلج ابنج وزوجج ويسعدج ياررب وبعد عنج كل هم يااااااااااااارب

حياتي اتي المغتربه مهدي بخير والحمدالله واني هم بس والله كتلج هالفتره حيل صعبه عليه تمر ساعات الليل واني دارضع مهدي واشوف زوجي غافي يمي بس ابجي اموت بجي اكول ليش ميفز ويايه ويسهر احسه ميحبني وميريدني من اتعب احس اناني صاير وهو يحلف اليه يكولي ماكو هيج شي ... وربي يخليج يارب وتسلمين عالدعوة الحلوة منج يارب

[أم أيهومي]

صفوي حبي عادي حياتوو هاي ايسموهة كآبة مابعد الولاده,,سبحان الله كلنا انمر بيهة
بعدين خطيه الزوج شايل الهم تسعة اشهر ومضغوط على نفسه خلي هسه يطلع ويغير جوو وانتي التهي بهودي والف مبروك ولادتج حبي اعذريني ايهومي مريض ودايخه بيهة..
ولتظلين تبجين موزين عليج وعلى ابنج وانتي نفسه ومطالعه الاربعين بعد اسمعي قرآن واستغفري ربج واتعوذي من الشيطان واحمدي الله على هالنعمه الحلوة,,

[safa almhana]

وانتي من اهل الخير يارب

[أم أيهومي]

وانتي من اهل الخير سراوووي,,,

[ام مهدي22]

ياهلا بصفاوي حبي الف الحمد لله علا سلامتج وسلامة مهودي الحلو ليش سرقتي اسم ابني فدوه متكدرين اتنزلين صورته