دردشة بنات فلسطين, دردشة حوامل فلسطين, تجمع بنات فلسطين

سما الدنيا · 07-28-2012, 08:00 PM

....والله يا ام عزمي اللهم لا حسد بس مستغربه كتير بتقعدي عالنت هون يعني بنتك ما بتصحى انا ما بعرف اقعد من الولد...

سما الدنيا · 07-28-2012, 08:02 PM

الله يخليلك اياها....بس انتي محليه المنتدى يمكن لانك اصغر وحده فينا حاسستك دلوعة الدردشة هون

أم عزمي · 07-28-2012, 08:48 PM

مسا الخير
ما في حد هون شكلكو متقلين بالأكل ههههههههههه
سما الدنيا حبيبتي تسلمي الله يخليكي بالنسبة لهويدة بعدها صغيرة لهيك بتنام كتير يعني بترضع و بغيرلها الفوطة كل ساعتين لتلات ساعات تقريبا و لا شك انه الها لحظات نكد أو بالأصح ساعات نكد الله وكيلك حضرت نص الفطور بايد و أنا حاملاها بالايد التانية غلبتني المغربية شوي بس بشكل عام هادية الحمد لله و في مرات ما بتنيمني على وجه الفجر ههههههه بسيطة خليهم يحسسونا بوجودهم و يغلبونا هههههههه

أم عزمي · 07-28-2012, 08:50 PM

خجلتيني يا سمسم يعني طلعت دلوعتكم هههههه حبيبتي انتي كم عمرك و الله اني كنت مسجلة أسماءكم و اعماركم و من وين انتم عشان ما أنسى بس ما بعرف وين راح الدفتر اللي كتبت فيه ههههههههههه

سما الدنيا · 07-28-2012, 08:58 PM

هههههههههههه..والله زكرتيني بحالي لما اصير اطبخ بكون الولد بايد والايد التانية بتطبخ ...الله يعينا عتربايتهم ويخلينا اياهم يا رب...
صحتين يا ام عزمي شو طبختي..انا minsesولهيك مفطرة والمشكلة بتقعد عليه اسبوع...مع انو والله كنت حابه اصوم كل رمضان بس سبحان الله ما اجت تيجيني الا برمضان مع انو الو شهرين ما اجتني...
بس حلوه انك بتسجلي عدفتر انا بحكي كلي زعتر عشان ذاكرتك تقوى.)

أم عزمي · 07-28-2012, 09:01 PM

ههههههههه يا جارة شو اسم زوجك؟؟؟؟؟؟؟؟؟؟
أنا اسم زوجي ........................................
.................................................. .....
.................................................. ...... احكي انتي بالأول هههههههههههه
اسم زوجي يوسف و اسمي هداية شو رأيك بأسماءنا أكيييييييييد حلوة هههههههههههه
زوجي بيشتغل نجار بالمنجرة مع أبوه المنجرة ملكهم طبعا و ما شاء الله عندهم كل الآلات اللي بتلزم للنجارة و بيصنعوا أحلى أطقم نوم و أثاث للبيت هما اللي عملولي طقم نومي هههههههههه يعني وئت ما بدي بغير طقم نومي عالموضة الجديدة أصلو زوجي كل سنة بيجيب كتالوج لأطقم النوم يعني هلأ عندنا كتالوج 2012 بيجننننننننننننن و كمان بيشتغل بالصالة تبعتهم بيقعد على الدي جي و بينسق أغاني الفرح اللي راح يصير عندنا بالصالة

سما الدنيا · 07-28-2012, 09:02 PM

والله يا جارة جوزي بيشتغل بمدينة الروابي المدينة الجديدة يلي رح يفتتحوها كمان اكمن سنة...
وبترفو ناويين نشتري شقة هناك تقسيط ولانو بعملو تسهيل للموظفين بس مش مشجعه كتير لانو لسا بجوز ما بكون فيها منيح مواصلات والناس بيكونو لسا مش كتار ...لسا متردده

سما الدنيا · 07-28-2012, 09:05 PM

طيب بالله يا ام عزمي ممكن اتحطيلنا اغنية قلب قلب وين وين..هههههه..بما انو جوزك بيشتغل عالدي جي...
وعاشت الاسامي هداية حلو اسمك..يعني اسم بنتك قريب عاسمك

أم عزمي · 07-28-2012, 09:10 PM

أها حبيبتي يا سما بس و الله النسيان بسبب البنج لأني تبنجت مرتين بالحمل مرة لما عملولي غرزة لعنق الرحم و مرة لما ولدت قيصري
و بعدين انتي زعلانة على افطارك أسبوع ايش أقول أنا اللي أربعيني كمان يومين ولسة لون النفاس على حمار أهيء اهيء اهيء خلتيني أعيط هههههههههه
أنا اليوم قليت بطاطا و ستيكات و عملت فتوش سوري اللي بالخبز المقلي و شوربة لسان عصفور
بدي أسألك هويدة لما تمغص بنيمها على بطنها و بتقعد فترة مرتاحة على هالنومة و لما تتعب بترفع راسها لفوق و بتعيط بقلبها على ظهرها بس المشكلة اني لما آجي أقلبها على ظهرها بتصرخ بالحامي خايفة أكون بوجعلها معدتها أو أي شي ببطنها أو أكون بأذيها طمنيني لو بتعرفي يا عمري

أم عزمي · 07-28-2012, 09:13 PM

مااااشي يا سما بتتمسخري يختي جوزي بيشتغل بالصالة تبعتهم ملكهم يعني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM