¤ô§ô ~أحلى تجمع حوامل التوأم 2011~ ô§ô

[الأميرة جوري]

المشاركة الأصلية كتبت بواسطة الياه

أحلى توينز

مثلج ما جهزت شي هذا وأحنا فينا حيل
حاولي تجهزين بسرعة، قبل لا يزيد الثقل عليج

طاعوووا منو يرمس

ههههههههههه صادقة والله أحسسسسن الحين عشان الثقل بيزيد ع الشهور الآخيره بس أنا الحين من أوقف أتعب ع طول الله يعينا ع الشهور الآخيرة بحاول أجهز قبل

[روعة ن]

والله ياه انا زرت الدكتور يوم الاحد وطمني الحمد لله على وضعي وقلي احسن انشالله وهنن من البداية مقررين قيصرية لانو حمل عزيز وطفل انبوب وفي مخاطرة الولادة الطبيعية وانا عاملة ربط فلازم يكون موعد محدد للولادة الله يتمملنا على خير
احلى توينز انا الحمد لله جهزت وامي جهزتلي كمان من سوريا بس باقي الاشياء الكبيرة متل كرسي السيارة وكرسي البيت وبانيو الحمام واغراض الصيدلية يعني خلصت الملابس بس

[الياه]

كروووشات

أنا في نهاية الخامس وحس الثقل زادعلي
لدرجة كل من شافني يسألني شو فيج شكلج وااايد تعبانة، وتعذر بصيامي
حتى في الدوام كل من شافني يدعيلي أنه الله يسهل علي
وكأني في التاسع
الله يستر كيف بيكون شكلي في الأشهر اليايه

وفي الليل بصعوبة اتقلب ولو رقدت على اليمين وحسيت
بتعب وحاولت أغير رقدتي ورقدت على ظهري
احس ببطني ثقيييييييل وما اقدر أقوم من ثقله
شكلي بعلق حبل في السقف أتمسك فيه يوم أنش
" ياعيني عليج على هالأفكار النيرة "

سؤالي إذا الوضع جذي وأنا في الخامس
كيف بيكون الحال في الأشهر الأخيرة؟؟؟

[pink love]

السلام عليكم....
اخباركم خواتي جميعا؟
خواتي رحت اليوم موعدي قالولي واحد منهم وقف نبضه وانا صايري لي الحين 15 اسبوع و4ايام واحد منهم عمره على حساب السونار 15 إسبوع والثاني 12 إسبوع وقاللي الدكتور الأول بيكمل طبيعي
من تعرف احد مر بنفس الموقف وطلع كلام الدكتور غلط لاني مو مستوعبه الي صار

[روعة ن]

الله يعينا والله صدقتي يا الياه الوضع مع تقدم الحمل اصعب واصعب والشهر بيصير اطول واطول الله يعدي الايام على خير ويفرحنا يا رب

[الأميرة جوري]

مشكلة اللي عنده توأم ,,
أغلب الأباء يتورطون إذا كان عندهمـ تووووم
مايعرفون يفرقووون بينهم
الكارثه اذا كان عندك اربعه مره وحده ,,
شلون تفرق بينهم



هذي أحلى طريقه هههههههه
7
7
7
7
7
7
7
7
7
7
7
7

[الياه]

أحلى توينز

جهزي بسرعة وخبريني عشان أغار منج وأتحمس
يمكن أتحرك شوي

بس بيني وبينج معتمدة على أختي الكبيرة، في حال ما قدرت أجهز من الثقل
وموصية أختي في ألمانيا تيب لي ملابس وفوط
لأني جربت قبل في عيالي ملابس المانيا
نوعيتها رهيبة لين الحين أستخدم فوط بنتي
ماشاءالله تقريبن من 4 اسنين
ما أدري ليش يبخلون علينا في صناعة الملابس عندنا
بالجودة العالية!!!

روعة ن

الحمدلله يوم طمنج الدكتور
الله يسهل أمرج، وما يضيع تعبج ويكتب لج الأجر والخير
ويحفظ لج التوينز ويكونون من الذرية الصالحه المباركه
وتفرحين فيهم وهم في أعلى المراكز
ماشاءالله من كم سنة وأنت متزوجة؟؟

[روعة ن]

الله يخليك الياه وشكرا حبيبتي على الدعوات ولك نصيب منهم انشالله انا صرلي 5 سنين متزوجة

[الأميرة جوري]

المشاركة الأصلية كتبت بواسطة pink love

السلام عليكم....
اخباركم خواتي جميعا؟
خواتي رحت اليوم موعدي قالولي واحد منهم وقف نبضه وانا صايري لي الحين 15 اسبوع و4ايام واحد منهم عمره على حساب السونار 15 إسبوع والثاني 12 إسبوع وقاللي الدكتور الأول بيكمل طبيعي
من تعرف احد مر بنفس الموقف وطلع كلام الدكتور غلط لاني مو مستوعبه الي صار

الله يكتب ألي فيه الخير لا تضايقي وحاولي تشوفي دكتورة ثانيه علشان تتأكدي أحسن
وآن شاء الله بيبياتج مافيهم ألا العافية.أدعي ع بطنج وقري آيات قرآنيه عليه بنيه الله يحفظهم من كل شر.

[الياه]

pink love

السلام عليكم....
اخباركم خواتي جميعا؟
خواتي رحت اليوم موعدي قالولي واحد منهم وقف نبضه وانا صايري لي الحين 15 اسبوع و4ايام واحد منهم عمره على حساب السونار 15 إسبوع والثاني 12 إسبوع وقاللي الدكتور الأول بيكمل طبيعي
من تعرف احد مر بنفس الموقف وطلع كلام الدكتور غلط لاني مو مستوعبه الي صار

لاحول ولا قوة إلا بالله، عسى أن تكرهوا شيئأ وهو خير لكم
ما تعرفين وين الخير فيما كتبه الله لك
الحمدلله ، الله يبارك لك في الثاني ويعوضك فيه عوض خير

ما أقدر أفيدج في الموضوع
بس ليش ما شفتي دكتور ثاني؟؟
وما سألتي عن السبب؟؟

طمنينا عليج