دردشة حوامل أهل جدة - دردشة بنات جدة - تجمع حوامل مدينة جدة

[Taghreed]

المشاركة الأصلية كتبت بواسطة ابهار العسيري

مرحبا بنات

الي من اهل جده ممكن يساعدني ربي لايحرمها الاجر

ايش احلى الاحياء بجده للسكن ويكون عندهم شقق واسعه وحلوه واسعارها وسط

ياليت تذكر لي اكثر من حي

وجزاكم الله خير

أنا والله ما أعرف أسعار صراحةً

بس ممكن أقولك أحياء إذا تبغي كويسة والشقق عندهم معقولة في عدد الغرف
عندك حي الصفا - حي الرحاب - حي السلامة(بس أعتقد انه ايجاراتهم عالية) - حي المحمدية
بس والله ما أقدر أفيدك في الأسعار .. إن شاء الله تلاقي أحد يفيدك
:) :)

[Taghreed]

المشاركة الأصلية كتبت بواسطة ألم وحزن

السلام عليكم

بنات كيف الولاده بمستشفى فقيه

ومين احسن دكتوره

وكم سعر الولاده

وكيف فتح الملف

وجزاكم الله خير

أهلين ألم وحزن (ليش الكآبة حبيبتي ؟ :) )
المهم أنا ولاداتي كلها في فقيه
ارتاح للولادة والتمريض عندهم
أنا ولدت بنتي الكبيرة عند سحر ميلودي .. رغم اني ما انصح بيها حالياً
وولدي عند سهير السباعي .. ممتااااازة بس للأسف خرجت من المستشفى
ودحين بأتابع عند دكتورة سعاد .. أردنية بس شكلها مررررره طيوبة .. أنا مرررة ارتحتلها

أعتقد من أول كانت 6000 .. ما أدري دحين كم ؟ . يمكن أقل ويمكن أكتر .. أتمنى البنات يفيدوكي
وطريقة فتح الملف .. ما أعرف تحديداً
ع العموم هادا رقم المستشفى 026655000
تحويلة الاستقبال 1117
تحويلة عيادات النساء والولادة 1131 أو 1113

أتمنى أكون افدتك :) :)

[عطر المكان]

بناااااات كيفكم حاااابه اللي تعرف عن مستشفى جده الوطني اللي في الكندره شي تخبرني وكيف الدكتورات اللي عندهم انا انا رحت مررره وراجهت عند الدكتورره نجلاء حبوبه وانا ولدت فيها مرتين بس دحين تغيروا الدكتورات باللله عليكم اللي يعرف شي عن الدكاتره يقولي لاني بفتح عندهم برنامج حمل وانا في الشهر الثاااااني انصحوني

[ألم وحزن]

المشاركة الأصلية كتبت بواسطة taghreed

أهلين ألم وحزن (ليش الكآبة حبيبتي ؟ :) )

المهم أنا ولاداتي كلها في فقيه
ارتاح للولادة والتمريض عندهم
أنا ولدت بنتي الكبيرة عند سحر ميلودي .. رغم اني ما انصح بيها حالياً
وولدي عند سهير السباعي .. ممتااااازة بس للأسف خرجت من المستشفى
ودحين بأتابع عند دكتورة سعاد .. أردنية بس شكلها مررررره طيوبة .. أنا مرررة ارتحتلها

أعتقد من أول كانت 6000 .. ما أدري دحين كم ؟ . يمكن أقل ويمكن أكتر .. أتمنى البنات يفيدوكي
وطريقة فتح الملف .. ما أعرف تحديداً
ع العموم هادا رقم المستشفى 026655000
تحويلة الاستقبال 1117
تحويلة عيادات النساء والولادة 1131 أو 1113

أتمنى أكون افدتك :) :)

الله يعطيك العافيه ويسرلك ولادتك يارب

طيب يحطو كمام او ابره الظهر

وكم سعر الطلق الصناعي

[Nonyta]

السلام عليكم
انا بقولك ياالم وحزن عن فقيه
شوفي اولا السعر ب7300
ولاده طبيعيه
تاخدي كمام وابره مسكنة وبنج وقت طلوع
الراس وعشانماتحسي بالخياطه
ابره الظهر لها سعر اخر غير سعر الولاده

بالنسبه للمراجعه كل شهر لو حابة تراجعي عند اخصائية بتدفعي على كشفيتك 150 بالزياره الوحده
استشارية بتدفعي بالكشفيه 200
ووقت الولاده انتي ونصيبك اي دكتورة تكون موجوده هيا تولدك ماتقدري تختاري
اله اذا انتي تبغي استشاريه فالمبلغ يرتفع وبتجيكي وقت ولادتك ولو كانت ببيتها
واسعار الاستشاريات بالطبيعي 8وشوي واطلعي لفوق وبس ياحلوة

انا بكري ولدت فيه واهلي كلهم المستشفى حلوة وكويسه ونظيفه
وخياطتهم روعه

والحين ثاني ولاده ومحتارة بين فقيه وبين مستشفى السعودي تعرفي ليش

انقهرت من سعر فقيه كل سنة يرفعو السعر
قبل سنتين ب6000وقبل ثلاث سنين ب5000وشي
والسعودي بنج وخياطه وكمام ب2500تخيلي

وخالتي ولدت فيه وريحوها على الاخر ولو تبغي تجميلي ب800 فوق ال2500
وسلامتك

ادعي لي تعبت وانا اكتب بالجوال ههههههه

[روعه**]

المشاركة الأصلية كتبت بواسطة taghreed

روعه .. أنا سلفتي تولد هناك دايماً

تولدها دكتورة اسمها نورما
يمدحوا فيها كتييييير

بس أنا عن نفسي ما أحب مستشفى عرفان ولا ارتحالها سبحان الله

شكرا ياعمري وهو اهم شي الراحه انا الحمدلله مرتاحه للمستشفى
وكلو تساهيل من رب العالمين

[لولو الصغيرة]

ادعية عند الطلق وفي كل وقت أيام الحمل


)اللهم لا سهل إلا ما جعلته سهلا ، وأنت تجعل الحزن إذا شئت سهلا(


وفي دبر كل صلاة : ( اللهم أسألك حسن الخلق وهون الطلق )


) يا خالق النفس من النفس يا مخلص النفس من النفس يا مخرج النفس من النفس خلصني(


) اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق إلى أوسع الطريق ، بك ادفع ما أطيق ومالا أطيق ، وصلى الله على سيدنا محمد وعلى آله وصحبة وسلم (


قراءة آية الكرسي

وقراءة سور الإخلاص

وقراءة سورة الفلق

وقراءة سورة الناس

وقراءة سورة يس

وقراءة سورة الملك

[Nonyta]

جزاك الله خير يالولو

[عطر المكان]

بنااااات مافي وحده تعرف المستشفى ولاوحده ردت عليه وينكم بناااااااااات جده ساعدوني

[زهرة الموسم]

فراشه حبيبتي الي اعرفو انك ناويه تولدي في مستشفى هاله بلادن لو سمحتي كم اسعارهم ولاده طبيعي وهل مستواها زي مستشفى فقيه والاطباء المتحدون ولا اقل وشكرا