دردشة بنات المدينه المنوره - تجمع حوامل بنات المدينه

احلى ليان · 02-04-2012, 12:27 AM

احساس2011 استخيري واولدي في المواساة لانو مستشفى الدار ما اسمع احد يمدح فيه .. وربي يختار لك اللي فيه الطيب انشاء الله ..
فيروز الاميرة .. انتي كمان وحشتينا.. كيفك؟
ميمي ..انشاء الله يا قلبي الله يسمع منك وانقل على ينبع عشان اقرب من اهلي ..
دفا الكون .. والله اغلبنا مغتربات بس ربي يقربنا من المدينة انا كنت قبل في الشرقية ودحينت في الرياض وانشاء الله بعد كده على المدينة ولا الغربية ..
رحيق .. سلامااات والله يا غالية انتبهي على نفسك واتدفي مزبوط عشان ما يعطس النونو جوه ..
الورد الناعم .. كيف بنوتتك دحينت انشاء الله سارت احسن.
وكيف باقي الكروشات سنة حلوة .. العنود خالد ..وباقي الكروشات انشاء الله تكونو بخير
انا الحمد لله استقريت في الشقة الجديدة بس لسه طبعا قربعة والله المستعان ..
غنج انثى طمنينا عنك .. انتي وغنو حياتي كيف بنوتتك ؟؟ انشاء الله تكون دحينت احسن ..

احلى ليان · 02-04-2012, 12:29 AM

جنتي زوجي وعيالي .. الله يبارك في عمرك يا قلبي .. اللهم امين ..

بوح التفائل · 02-04-2012, 01:50 AM

تفاحة المدينه خليكي ع كلام الدكتوره انا كمان بس كتبتلي الكالسيوم والحديد وع نهاية السابع حسوي تحليل وربي يسهلي ويسهل للجميع

دلوعه و غنوجه · 02-04-2012, 06:20 AM

السلام عليكم ياصبايا
انا حللت أمس وطلعت حامل الحمد لله كلللللللوش
بس حبيت أعرف كيف اتابع حملي انا ابغا اتابعه في مستشفى الولاده وش الأجراءت ويقولون لازم تحويل من مستوصف وهي ماترضى تعطي الدكتورة بس انا حابه اروح دايركت على المستشفى طبعا بعد ماأحلل دم من مختبر زين أتاكد (ولاأحد يقولي خاص أه لانني بحملي الأول كنت اتابع عندهم ومايعرفوي شي طلعت فيه مويه بصدر الجنين وعملته ثقوب في القلب وضعف في النبضات القلب ورحت صدفه الطوراي في مستشفى الولادة على طول عمليه وبعد شهر مات الطفل الله يرحمه ويعوضني بالحمل هذا الصالح أمييين)
يالله كل وحده تقول كيف هي بدأت تتابع حملها ونصيحتكم

@كلي جود@ · 02-04-2012, 09:02 AM

تفاحه المدينه انا زيك اتابع عند ايمان بدير واعطتني من الشهر الرابع حبوب حديد طبعا فيها فيتامينات بنسب معينه وحبوب كالسيوم انا دحين ببدايه الثامن واخر زياره لي قالتلي استمري على نفس الحبوب بس الحديد بدل حبه باليوم اخذ حبتين لانه الدم نزل معاي والكالسيوم قالتلي تاخذيه الين اول يوم بالتاسع توقفيه

MميميM · 02-04-2012, 12:58 PM

جنتي زوجي وعيالي,,

اقتباس:

ميمي انا من املج بس متزوج بالمدينه ومستقره فيها

ياهلا فيكي حبيبتي وبأهل املج
~~~~~~~~~~~
احلى ليان,,
ربي يكون بعونك وترتبي وتخلصي قبل ماتولدي ياارب
~~~~~~~~~~~
دلوعة وغنوجة,,
مبرووووك الحمل الله يتمم لك يااااارب ويرزقك بالذرية الصالحة ويعوضك يااارب
انا تابعت هنا في ينبع عند دكتورة في مستوصف الامل وان شاء الله اذا نزلت المدينة راح ادور على دكتورة كويسه واتابع عندها لانو راح اولد في المدينة ان شاء الله
~~~~~~~~~~~
يابنات ياحلوااات كتيير قرأت انكم تتابعو عند د.ايمان بدير في اي مستشفى وهل هيا توّلد ولا بس متابعة حمل,,؟!

احلى ليان · 02-04-2012, 01:43 PM

ميمي .. الله يسمع منك يارب وتسلمي ياقلبي ..
احساس 2011 .. انتي سالتيني عن تكاليف الولادة في مستشفى المواساة طبعا ولادتي الاولى ما دفعنا ولا هللة لانو احنا تأمين شركات ولدت ومافي دفع.. اللهم ازا كان حق دواء 10 ريال او شي بسيط مو داك الدفع ..واحنا ما زلنا على تامين الشركات بس دحينت في شركة تانية يدفع 10 % من قيمة الكشف او من قيمة اي شي ..
دلوعة وغنوجة .. الف مبروك وربي يتمملك على خير ويعوضك ويجعلك من الصابرين ويقر عينك بالمولود الجديد انتي وابوه ..
فين باقي الكروششششششششششششششششاااااات؟؟

سنة حلوة · 02-04-2012, 02:10 PM

اهلين احلى ليان الحمد لله بخير الله يعطيكي العافيه ويعينك عالبيت وترتيبه مستشفى الدار يمدحوه ترى في دكتورة سودانيه كويسه مره مرة اخويه ولدت عندها بس ماعندها استدعا وفي عندك نجوى حتى لو شخص شخصين سبوها الباقي مرة يمدحها سلفتي وقرايبها واختي ولدوا عندهابس انا من وجهة نظري احس فيها شوية تهور والله بس يمدحوها ويمدحوا خياطتها حتى في القيصري الله لايكتبها على احد بس المستشفى نفسه صاير فيه اهمال في النظافه والتمريض مافي عماله اعتقد هذا عيبه
دلوعة الله يعوضك بالذرية الصالحه المعافاة ياقلبي

احلى ليان باسالك انتي عند مين ولدتي الولادة الاولى ؟؟؟ وهل هي موجودة الان ؟؟

تكفيني اخلاقي · 02-04-2012, 03:54 PM

السلام عليكم

كيف حالكم يا قمرات

انا ماني عارفة انا بأي شهر تحديدا انا بالاسبوع 19 يعني بأي شهر الحلوة تقولي

:$

سعآدة قلبي · 02-04-2012, 07:14 PM

مرحبا

احلى مســــــــــاء ع احلى كروشات
كيف الجميع ..؟

((دلوعة وغنوجة)) الف مبروووووك ,, (انصحكي بالقراءه ع جنينك طول فترة الحمل والاستماع لسورة البقرة باستمرار والافضل قرائتها)الله يتمم حملك ويهون ولادتك حبيتي .. ويحفظه ربي لكي ولابوه من كل مكروه

اللي تسأل عن الدار .. د/ نجوى مايحتاج في الولاده وفي الخياط .....
بس ان شخصيا ماعندي نيه اولد عندها لانها عجوووووله .. تستعجل بأبر الطلق وهيك
وأنا احب الناس الراااايقه بذات اني بكريه

الله يهون عليه وعليكم يا حبايبي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات المدينه المنوره تفضلو !!	best mama	منتدى فترة النفاس	15	03-12-2012 02:05 PM
دردشة بنات المدينه المنوره - تجمع حوامل بنات المدينه	سماسم	إستفسارات حوامل من الشهر السابع إلى الشهر التاسع	12958	01-02-2012 09:19 PM
بنات المدينه المنوره تكفووون ساعدوني	الّـٍـَـَـَ ζ ــَـٍَـَلآ	إستفسارات المستشفيات و عيادات نساء وولادة	2	10-22-2011 10:53 PM
بنات المدينه المنوره انقدوني	حوااء	المـنـتـدى الـعـام	6	09-04-2011 05:42 PM
بنات المدينه المنوره بلللليز ساعدوني	مصريه وراسي فالسما	إستفسارات المستشفيات و عيادات نساء وولادة	6	07-23-2011 05:01 PM