تجمع حوامل ليبيا

[ميرنا]

عاشت الاسامى ياحبل الوصل وربى يحفظهم للك واتشوفيهم عراسن

[ميرنا]

الهندية الدرناوية الطرابلسية
ايش اخبارك الملا انتى كيف جايب لك شهرين قولىلى جبتى طبيعى او بلعملية وين يسكنو اهلك فى درنة ولك كم سنة متزوجة فى طرابلس

[ميرنا]

باهى لى خشيتى لتجمع يا الهندية علشن اتونسينى مانحكيلك بكل البنغازيات وخاصة ام اسيل وسبهاويات ومنهن حبل الوصل وطربلسيات منهن الصابرة ام اكريشة وزليتنيات وبذات ام لقمان شيختنا //دايمة ما عندهنش حاجة الاميرنا احملى احملى وانا ناخذ فى منع حمل منبيش اعيال وراجلى يشجع فى حتى هو مايبيهمش ههههههههههههههه

[ام اسيل]

خير يابنات انا اليوم درت تحليل وطلع سالب مع ان عندي زعمة كبد غير عادية والله حصلت كسفة وتوا قاعدة نرجا في الدورة المفروض موعدها بعد اربع ايام

[ميرنا]

حبيبتى ام اسيل مازال بدرى نحن فى ليبيا دون ثانى يوم بعد موعد الدورة مايبانش التحليل ومرات المختبر ما ينفعش بعد 5 ايام من موعد الدورة صدقينى ياخيتى المختبرات لى عندنا موش كيف الدول الاخرة والله العظيم الدكتورة دائما اتقولى عندما اتديرى تحليل حولى بعد موعد الدورة 4 ايام موش قبل موعد الدورة وانشالله يارب تطلعى حامل وتفرحى وتفرحين وبعدين انتى ضربتى ابرة تفجير واى وحدة تضرب ابرة التفجير اتجيها الدورة بعد الابرة 16 يوم وانتى هلبتى لمدة المطلوبة لابرة التفجير ولهذا انقولك باذان الله حامل الا اذا كان ارتفع هرمون الحليب وهو لى ياخر الدورة وانشالله اتبشرينا ياااااااااااارب بالحمل اعاجلا غير اجلا

[ام اسيل]

ياميرنا انا ضربت الابرة يوم 12 _5 يعني ليا عشرة ايام ضاربتها وانا سمعت بعد تسعة ايام من موعد ضرب الابرة تبان نتيجة التحليل

[ميرنا]

والله العظيم والله العظيم بعد اسبوعين امسكرات اتجى الدورة من ابرة التفجير يعنى انتى مازال بدرى واسالى البنات فى المنتدى توة يردن عليك صدقينى

[ام اسيل]

يعني التحليل الي اليوم مش مزبوط ؟؟؟؟؟؟؟؟؟تعرفي انا اليوم علشيت حللت اصلا راجلي حلم بالعيل الي مات في بطني قالي حلمت اني ماسكه ونقول اهو حي ما ماتش والله لين قعدت نبكي لكن المشكلة عندي لية في بطني ووجع في ظهري كيف متاع الدورة بالزبط

[ميرنا]

يام اسيل والتحليل ما يبان الابعد موعد الدورة صح فى مصر وفى تونس والسعودية ايبان عندهم قبل موعد الدورة اما فى ليبيا مستحيل فى وحدة اتقولك انا درت تحليل قبل الدورة وطلعت حامل

[ام اسيل]

بس المعمل الي درت عنه التحليل معمل مشهور بدقته اسمه البرج في شارع دبي كان تعرفيه