¤ô§ô ~أحلى تجمع حوامل التوأم 2011~ ô§ô

الياه · 02-09-2011, 07:42 PM

مســـــاكم الله بالخير والنور والسرووور

أخباااااركم يا حلوين
شفيكم؟؟؟؟ بسم الله عليكم مأثر عليكم البرد!!!!
التجمع بارد والمشاركات صارت شحيحه" عااااشت الفصحى

"

غبت يومين، النت كان واااايد يعلق
لدرجة أمس دخلت وكتبت مشاركة طويلة عريضة
وتعبت أناملي الحلوة من الطباعة
وتعبت وأنا أفكر في كتابة أجمل العبارات
لصديقاتي العزيزات
وإذا به النت يقطع من غير سابق أنذار

وتنحذف مشاركتي بكل بساطه
جان أضيق على النت وأبند الاب توب
وقووول مالي نصيب أسولف وياكم
الحمدلله اليوم الوضع أحسن

بس كان يومي طويل
عقب الدوام صليت العصر وخذت عيالي الحديقة
يغيرووون الجو لأنه الجو غرام، مغيم والهواء عليل
وعقب وديتهم اشتريلهم هدية على ذوقهم
فديتهم من زمان ما طلعتهم وكشتهم
من عقب ما كنت اظهرهم في الأسبوع من مرتين لثلاث
من حملت، وأنا مقصرة وياهم
المهم ردينا وعشيتهم ورقدتهم 8:30
وكنت ناوية أرقد بس قلت خل أشوووووفكم
وأسمع أخباااااركم الطيبة

أخبااااركم كرووووشاتي العزيزات؟؟؟

الياه · 02-09-2011, 07:59 PM

توقيع

أخبارج عساج بخير، أخبار التوينز
مشكورة على النشيدة الأكثر من رائعة
أول مره أسمعها، منو المنشد؟؟؟

pinkypinky

هلا والله أم زايد، أخبارج وأخبار التويز
لا تحاتين التوينز في حركة متغيرة
لين التاسع أن شاءالله روووسهم تحت
وتربين طبيعي، وتفرحين بشوفتهم

لموري

أخبارك وكيفك وكيف الصحه والتوينز
لا تحاتين ولا تشغلين بالج
ألزمي الأستغفار بنية إنه الله يعافي لج الجنين
ووكلي أمرج لربج، من توكل على الله كفاه
والله بيكتب لج الخير إن شاءالله
خلي أملج ويقينج بالله كبير

kovi_colors

أزيك وأزي مصر طنينا عليكم، أن شاءالله هتفرج
أزمتكم، وإن شاءالله ما يخلص هالأسبوع ولا الوضع مستقر في مصر
مثلج بالي مشغول على دموع الشوق وماء المسك
عسى المانع خير

نهى الشريف

حاوالي تمشين أكثر، والله أن شاءالله يرزقج بولادة سهلة
وتقومين بالسلامة أنتي والتوينز وأطمنينا
ولا توترين نفسج، لو الله كاتب لج الولادة اليوم بتكون ولو نهاية التاسع بتكون المهم سلامتج
وأنتي بكرية وبالعادة البكرية تتأخر شوي

الياه · 02-09-2011, 08:06 PM

روعة ن

طمنينا عليج، والتوينز
أن شاءالله متى الماما
راح توصل بالسلامة؟؟

أول غرام

فدييييتج وفديت رووووحج الحلوه
والله على بالي البشارة ولادتج بالسلامة

ههههههههههههههههههههه
ضحكت من الخاطر
أن شاءالله أيامج كلها سعادة ووناسة

الياه · 02-09-2011, 08:15 PM

أحلى توينز

أشتقنا لطلتج الحلوه،،، وااايدين ما قامو يشاركون
وأن شاءالله المانع يكون خير

روعة ن

والله حبيبتي لا جديد
سرت السوق باخذ أغراض للتوينز، ما عرفت أشتري شي!!!
بس خذت المخدة الطويلةاللي تستخدمها الحامل من مذركير
عشان تسندين جسمك عليها وريولج،
وصراااحه وايد مريحة

بس ماعرف ليش مالي خاطر آخذ شي للتوينز
الأسبوع الياي بيكون عندنا إجازة المولد النبوي
وإن شاءالله اسير دبي واتسوق للتوينز
لو شي بسيط

روعة ن · 02-09-2011, 07:47 PM

تسلميلي توقيع على النشيد الحلو وعقبال ما نشوف ملائكتنا جنبنا يا رب

الأميرة جوري · 02-09-2011, 08:01 PM

السلام عليكم

شحالكم جميعآ وشحالج أختي الياه وروعة ن آن شاء الله أموركم تمام
وأنا عن نفسي بخيييييير وأموري ماشيه تمام بس غبت كم يوم لأني كنت بيت أهلي وماعندي نت بالبيت أدش من النت ألي عند أختي أنا وأختي جيران البيت بالبيت.

روعة ن · 02-09-2011, 08:04 PM

هلا الياه واحلى توينز شو اخباركم خبرونا شو عندكم جديد

الأميرة جوري · 02-09-2011, 08:18 PM

اقتباس:

المشاركة الأصلية كتبت بواسطة روعة ن

هلا الياه واحلى توينز شو اخباركم خبرونا شو عندكم جديد

الحمدالله أخباري تمام وماشي جديد بس أحس حركة البيبيات زايدة وبعدني ماجهزت حقهم ألا كم قرض بسيط.

الأميرة جوري · 02-09-2011, 08:05 PM

ماء المسك

مامبينه عسى خيييييييييييير ودموع الشوق بعد وينج؟

روعة ن · 02-09-2011, 08:16 PM

الياه ماما انشالله على الاكتر شهر بتكون عندي انشالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM